ക്രിക്കറ്റ് ആരവത്തിനായി കാതോര്‍ത്ത് യുഎഇ; ഇന്ത്യന്‍ ടീം ദുബൈയില്‍ പരിശീലനം തുടങ്ങി
Sat, 06 Sep 2025
കെയ്‌റോ: ഗസ്സ മുനമ്പില്‍ നിന്ന് ഫലസ്തീന്‍ ജനതയെ റഫ അതിര്‍ത്തിയിലൂടെ കുടിയിറക്കണമെന്ന ബെഞ്ചമിന്‍ നെതന്യാഹുവിന്റെ പരസ്യമായ പ്രസ്താവനയെ അറബ് പാര്‍ലമെന്റ് ശക്തമായി അപലപിച്ചു. ഇസ്രാഈലിന്റെ പതിറ്റാണ്ടുകളായി തുടരുന്ന വംശീയ ഉന്മൂലനത്തിന്റെയും നിര്‍ബന്ധിത കുടിയിറക്കത്തിന്റെയും നയത്തിന്റെ തുടര്‍ച്ചയാണിതെന്ന് വിശേഷിപ്പിച്ചു. നിയമവിരുദ്ധവും അസ്വീകാര്യവുമായ ആഹ്വാനങ്ങള്‍, അന്താരാഷ്ട്ര മാനുഷിക നിയമം, ജനീവ കണ്‍വെന്‍ഷനുകള്‍, പ്രസക്തമായ യുഎന്‍ പ്രമേയങ്ങള്‍ എന്നിവയുടെ നഗ്‌നമായ ലംഘനമാണെന്ന് അറബ് പാര്‍ലമെന്റ് സ്പീക്കര്‍ മുഹമ്മദ് ബിന്‍ അഹമ്മദ് അല്‍ യമാഹി പറഞ്ഞു. ഫലസ്തീന്‍ ജനതയ്ക്ക് അവരുടെ മണ്ണില്‍ തുടരാനും, അവരുടെ സ്വതന്ത്ര പരമാധികാര രാഷ്ട്രം സ്ഥാപിക്കാനും, അന്താരാഷ്ട്ര സമാധാനത്തിനും സുരക്ഷയ്ക്കും നേരിട്ടുള്ള ഭീഷണി ഉയര്‍ത്താനുമുള്ള അവകാശത്തിന് നേരെയുള്ള ആക്രമണമാണിത്.
നിര്‍ബന്ധിത കുടിയിറക്കം ഒരു യുദ്ധക്കുറ്റമാണെന്നും ഫലസ്തീന്‍ ജനത അവരുടെ നാട്ടില്‍ ഉറച്ചുനില്‍ക്കുമെന്നും അവരെ മാതൃരാജ്യത്ത് നിന്ന് പിഴുതെറിയാന്‍ ലക്ഷ്യമിട്ടുള്ള ഏതൊരു പദ്ധതിയും നിരസിക്കുമെന്നും അദ്ദേഹം ഊന്നിപ്പറഞ്ഞു. ഇസ്രാഈലിന്റെ ഇത്തരം നീക്കങ്ങള്‍ക്കെതിരെ ഏകീകൃത അറബ് നിലപാടിന് പൂര്‍ണ്ണ പിന്തുണ അദ്ദേഹം സ്ഥിരീകരിച്ചു.
