യുഎഇയിലേക്ക് മരുന്നുമായി വരുന്നവര്‍ സൂക്ഷിക്കുക..
Tue, 06 May 2025
കുവൈത്ത് സിറ്റി : ‘തംകീന്‍’ (ശാക്തീകരണം) എന്ന പ്രമേയവുമായി കുവൈത്ത് കെഎംസിസി രണ്ടു മാസക്കാലം നടത്തിയ പ്രമേയ ചര്‍ച്ചക്ക് മഹാസമ്മേളനത്തോടെ പ്രൗഢ സമാപ്തി. മുസ്്‌ലിം യൂത്ത്‌ലീഗ് സംസ്ഥാന പ്രസിഡന്റ് പാണക്കാട് സയ്യിദ് മുനവ്വറലി ശിഹാബ് തങ്ങള്‍ സമ്മേളനം ഉദ്ഘാടനം ചെയ്തു. കുവൈത്ത് കെഎംസിസി സംസ്ഥാന പ്രസിഡന്റ്് സയ്യിദ് നാസര്‍ അല്‍ മശ്ഹൂര്‍ തങ്ങള്‍ അധ്യക്ഷനായി. മുസ്്‌ലിംലീഗ് സംസ്ഥാന ജനറല്‍ സെക്രട്ടറി പിഎംഎ സലാം മുഖ്യാതിഥിയായി. സെക്രട്ടറി കെഎം ഷാജി മുഖ്യപ്രഭാഷണം നടത്തി.കുവൈത്ത് കെഎംസിസി മൂന്നാമത് ഇ അഹമ്മദ് എക്‌സലന്‍സി അവാര്‍ഡ് എംഎ ഹൈദര്‍ ഗ്രൂപ്പ് ചെയര്‍മാന്‍ ഡോ.എസ്എം ഹൈദരലിക്ക് സമര്‍പിച്ചു. മെട്രോ മെഡിക്കല്‍ ഗ്രൂപ്പ് പത്താംവാര്‍ഷിക ലോഗോ പ്രകാശനം മെട്രോ ഗ്രൂപ്പ് എംഡി മുസ്തഫ ഹംസക്ക് നല്‍കി സയ്യിദ് മുനവ്വറലി തങ്ങള്‍ പ്രകാശനം ചെയ്തു. കുവൈത്ത് കെഎംസിസി പുതിയ അപ്ലിക്കേഷന്‍ ലോഞ്ചിങ്ങും പുതിയ മെമ്പര്‍ഷിപ് ആദ്യ കാര്‍ഡ് വിതരണവും 2025 കലണ്ടറും സമ്മേളനോപഹാരമായ ‘ദര്‍ശനം തംകീന്‍’ സ്‌പെഷല്‍ സോവനീറും പ്രകാശനം ചെയ്തു. ഇന്ത്യന്‍ ഡോക്ടേഴ്‌സ് ഫോറം മുന്‍ പ്രസിഡന്റ് ഡോ.അമീര്‍ അഹമ്മദ് മുനവ്വറലി തങ്ങളില്‍ നിന്നും കുവൈത്ത് കെഎംസിസി അംഗത്വം സ്വീകരിച്ചു. യുഎന്നിലെ കുവൈത്ത് അംബാസിഡര്‍ ഷെയ്ഖ ഉമ്മ് അബ്ദില്ല അല്‍ സബാഹ്,ബ്രിഗേഡിയര്‍ അബ്ദുല്ല ഖാലിദ് അല്‍ ദുവൈല,ഡോ.എസ്എം ഹൈദര്‍,മുസ്തഫ ഹംസ, അല്‍ അന്‍സാരി എക്‌സ്‌ചേഞ്ച് ജനറല്‍ മാനേജര്‍ അബ്ദുറഹ്മാന്‍,’മാംഗോ’ മാനേജിങ് ഡയറക്ടര്‍ റഫീഖ് അഹമ്മദ് പ്രസംഗിച്ചു.
കുവൈത്ത് കെഎംസിസി ഉപദേശക സമിതി ചെയര്‍മാന്‍ ടിടി സലീം,വൈസ് ചെയര്‍മാന്‍ ബഷീര്‍ ബാത്ത,സംസ്ഥാന ഭാരവാഹികളായ റഊഫ് മശ്ഹൂര്‍ തങ്ങള്‍,ഇഖ്ബാല്‍ മാവിലാടം, ഫാറൂഖ് ഹമദാനി,എംആര്‍ നാസര്‍,ഡോ.മുഹമ്മദലി,എം.കെ അബ്ദുറസാഖ്,സിറാജ് എരഞ്ഞിക്കല്‍, ഗഫൂര്‍ വയനാട്,ഷാഹുല്‍ ബേപ്പൂര്‍,ഫാസില്‍ കൊല്ലം,എഞ്ചിനിയര്‍ മുഷ്താഖ്,ഇല്യാസ് വെന്നിയൂര്‍,ഉപദേശക സമിതി അംഗങ്ങളായ സിദ്ദീഖ് വലിയകത്ത്,ഇസ്മായില്‍ ബേവിഞ്ച,കെകെപി ഉമര്‍കുട്ടി,മുന്‍ പ്രസിഡന്റ് കുഞ്ഞമ്മദ് പേരാമ്പ്ര, ലത്തീഫ് നീലഗിരി പങ്കെടുത്തു. ഡോ.ഗാലിബ് അല്‍ മശ്ഹൂര്‍ തങ്ങള്‍ അറബ് നേതാക്കളുടെ പ്രസംഗം പരിഭാഷപ്പെടുത്തി. കുവൈത്ത് കെഎംസിസി ജനറല്‍ സെക്രട്ടറി മുസ്തഫ കാരി സ്വാഗതവും ട്രഷര്‍ ഹാരിസ് വള്ളിയോത്ത് നന്ദിയും പറഞ്ഞു.
