കൊല്ലം സ്വദേശി അബുദാബിയില്‍ നിര്യാതനായി
Wed, 20 Aug 2025
ദുബൈ: കൃത്രിമ ബുദ്ധി സാങ്കേതിക വിദ്യയുടെ ഉപയോഗം അതിവേഗത്തില്‍ കുതിക്കുന്ന യുഎഇയില്‍ പിറന്ന ആദ്യത്തെ എഐ കുഞ്ഞിന് പേരിട്ടു. ലത്തീഫ എന്നാണ് എഐ കുഞ്ഞിന് പേരിട്ടിരിക്കുന്നത്. ഡിജിറ്റല്‍ ദുബൈ പ്രഖ്യാപിച്ച മൂന്ന് പേരുകളില്‍ ഒന്ന് തിരഞ്ഞെടുക്കുന്നതിനുള്ള വോട്ടെടുപ്പില്‍ ഏകദേശം 14,000 പേര്‍ പങ്കെടുത്തു. വോട്ടെുപ്പ് പൂര്‍ത്തിയായതായും യുഎഇ ആദ്യത്തെ വെര്‍ച്വല്‍ ഇമാറാത്തി കുടുംബാംഗത്തെ ഔദ്യോഗികമായി നാമകരണം ചെയ്തതായും ഡിജിറ്റല്‍ ദുബൈ അറിയിച്ചു. അടുത്തിടെയാണ് എഐ പെണ്‍കുട്ടിയെ പുറത്തിറക്കി അവള്‍ക്ക് പേരിടാനായി പൊതുസമൂഹത്തോട് ആവശ്യപ്പെടുകയും ചെയ്തത്. ഈ വോട്ടിംഗ് പ്രക്രിയയിലാണ് പതിനാലായിരം പേര്‍ പങ്കെടുത്തത്. നല്‍കിയിരുന്ന മൂന്ന പേരുകളില്‍ ‘ലത്തീഫ’ എന്ന പേരിന് 43 ശതമാനം വോട്ടുകള്‍ നേടി. രണ്ടാമത്തെ പേര്‍ മീരയ്ക്ക് 37 ശതമാനവും ദുബൈ എന്ന പേരിന് 20 ശതമാനവും വോട്ടുകള്‍ ലഭിച്ചു. യുഎഇയിലെ ആദ്യത്തെ എഐ പവേര്‍ഡ് ഇമാറാത്തി പെണ്‍കുട്ടി ലത്തീഫ തന്റെ കുടുംബാംഗങ്ങളെ പരിചയപ്പെടുത്തി: അവളുടെ അച്ഛന്‍ മുഹമ്മദ്, അമ്മ സലാമ, സഹോദരന്‍ റാഷിദ്. പരമ്പരാഗത ഇമാറാത്തി വസ്ത്രധാരണത്തില്‍ ആധുനികമായ കാഴ്ചയില്‍, ഊഷ്മളമായ രീതിയിലാണ് കഥാപാത്രം രൂപകല്‍പ്പന ചെയ്തിരിക്കുന്നത്. പ്രത്യേകിച്ച് കുട്ടികള്‍ക്കും കുടുംബങ്ങള്‍ക്കും, സാങ്കേതികവിദ്യ, AI, ഡിജിറ്റല്‍ സേവനങ്ങള്‍ എന്നിവയെക്കുറിച്ചുള്ള അവബോധം വളര്‍ത്തുന്നതിനും കഴിയും. വൈവിധ്യമാര്‍ന്ന കമ്മ്യൂണിറ്റി വിഭാഗങ്ങളുമായും ഭാഷകളുമായും ബന്ധപ്പെടുന്നതിനായി രൂപകല്‍പ്പന ചെയ്തിരിക്കുന്ന ഇമാറാത്തി മൂല്യങ്ങളില്‍ നിന്ന് പ്രചോദനം ഉള്‍ക്കൊണ്ട ആദ്യത്തെ ഡിജിറ്റല്‍ മോഡലാണ് ഈ കുടുംബം. പ്രസിഡന്റ് ശൈഖ് മുഹമ്മദ് ബിന്‍ സായിദ് അല്‍ നഹ്യാന്‍ പ്രഖ്യാപിച്ച ‘ഇയര്‍ ഓഫ് ദി കമ്മ്യൂണിറ്റി’ പ്രകാരം ഡിജിറ്റല്‍ ദുബൈ ആരംഭിച്ച സംരംഭങ്ങളുടെ ഒരു പരമ്പരയുടെ ഭാഗമാണിത്. ഡിജിറ്റല്‍ ദുബൈയുടെ സംരംഭങ്ങള്‍ ഉയര്‍ത്തിക്കാട്ടുന്നതിനും ഡിജിറ്റല്‍ മേഖലയില്‍ സുരക്ഷിതവും ഉത്തരവാദിത്തമുള്ളതുമായ ഉപയോഗം പ്രോത്സാപ്പിക്കുന്നതിനുമായി ലത്തീഫയും കുടുംബവും ഉടന്‍ തന്നെ സോഷ്യല്‍ മീഡിയ പ്ലാറ്റ്‌ഫോമുകളില്‍ പ്രത്യക്ഷപ്പെടും.
