വിവാഹങ്ങള്‍ക്ക് സഹായിച്ച ഇമാറാത്തി കുടുംബത്തെ പ്രശംസിച്ച് ശൈഖ് ഹംദാന്‍
Mon, 04 Aug 2025
ജിദ്ദ: സഊദി അറേബ്യയുടെ വിഷന്‍ 2030ന് കരുത്തേകാന്‍ റീട്ടെയില്‍ സേവനം വിപുലമാക്കി ലുലു. ജിദ്ദയിലെ അല്‍ബാഗ്ദാദിയയില്‍ ലുലു പുതിയ ഹൈപ്പര്‍ മാര്‍ക്കറ്റ് തുറന്നു. ജിദ്ദ മുനിസിപ്പാലിറ്റി ഡെപ്യൂട്ടി മേയര്‍ ഓഫ് കണ്‍സ്ട്രക്ഷന്‍ എഞ്ചിനീയര്‍ നാസര്‍ സലിം അല്‍ മോതേബ് ഉദ്ഘാടനം ചെയ്തു. സഊദി ടൂറിസം ഡവലപ്പ്‌മെന്റ് ഫണ്ട് ബോര്‍ഡ് മെമ്പര്‍ ഇഹ്‌സാന്‍ ബാഫഖീഹി,ജിദ്ദയിലെ യുഎഇ കോണ്‍സല്‍ ജനറല്‍ നാസര്‍ ഹുവൈദന്‍ തായ്ബാന്‍ അലി അല്‍കെത്ബി,ജിദ്ദയിലെ ഇന്ത്യന്‍ കോണ്‍സല്‍ ജനറല്‍ ഫഹദ് അഹ്മദ് ഖാന്‍ സുരി,ലുലു ഗ്രൂപ്പ് ചെയര്‍മാന്‍ എംഎ യൂസഫലിയുടെ എന്നിവര്‍ സന്നിഹിതരായിരുന്നു.
മികച്ച സൗകര്യങ്ങളോടെയുള്ള ഹൈപ്പര്‍മാര്‍ക്കറ്റാണ് ജിദ്ദയിലെ അല്‍ബാഗ്ദാദിയയില്‍ തുറന്നിരിക്കുന്നതെന്നും സഊദി അറേബ്യയുടെ പ്രാദേശിക വികസനത്തിനൊപ്പം മികച്ച തൊഴിലവസരം കൂടിയാണ് യാഥാര്‍ത്ഥ്യമാകുന്നതെന്നും ലുലു ഗ്രൂപ്പ് ചെയര്‍മാന്‍ എംഎ യൂസഫലി പറഞ്ഞു. പുണ്യ നഗരങ്ങളായ മക്കയിലും മദീനയിലും ഉള്‍പ്പടെ സഊദി അറേബ്യയുടെ കൂടുതല്‍ മേഖലകളിലേക്ക് കൂടി റീട്ടെയില്‍ സാന്നിധ്യം വിപുലമാക്കുമെന്നും എംഎ യൂസഫലി വ്യക്തമാക്കി. 10,900 സ്‌ക്വയര്‍ മീറ്ററിലുള്ള ലുലു ഹൈപ്പര്‍മാര്‍ക്കറ്റ് സുഗമമായ ഷോപ്പിങ് മികവോടെയാണ് ഒരുങ്ങിയിരിക്കുന്നത്. ഗ്രോസറി,പഴം പച്ചക്കറി,ഹോട്ട് ഫുഡ്,ബേക്കറി വിഭവങ്ങളുടെ വൈവിധ്യമാര്‍ന്ന ശേഖരമാണ് ഇവിടെയുള്ളത്. ഉപഭോക്താകള്‍ക്ക് കുടുംബ സമേതം ഭക്ഷണം കഴിക്കാന്‍ വിശാലമായ ഫുഡ് കോര്‍ട്ടും ഫ്രഷ് ഫുഡ് സെക്ഷനോട് ചേര്‍ന്ന് സജ്ജീകരിച്ചിട്ടുണ്ട്.
ഇലക്‌ട്രോണിക്‌സ് ഗ്രഹോപകരണങ്ങളുടെ വിപുലമായ ശേഖരവുമായി ലുലു കണക്ടും ഫാഷന്‍ ഉത്പന്നങ്ങളുടെ ആകര്‍ഷകമായ കളക്ഷനുകളുമായി ലുലു ഫാഷന്‍ സ്റ്റോറും മികച്ച ഷോപ്പിങ് അനുഭവമാണ് സമ്മാനിക്കുക. ഉദ്ഘാടനത്തോടനുബന്ധിച്ച് മികച്ച ഓഫറുകളും ലഭ്യമാണ്.
അല്‍ ബാഗ്ദാദിയ മേയര്‍ യൂസഫ് അബ്ദുല്ല അല്‍ സലാമി,ജിദ്ദ ചേംബര്‍ ഓഫ് കൊമേഴ്‌സ് ഡയരക്ടര്‍ ഓഫ് കോര്‍പ്പറേറ്റ് കമ്മ്യൂണിക്കേഷന്‍സ് സാലിഹ് ഇഹ്‌സാന്‍ തയ്യിബ്,അല്‍ നഹ്‌ല ഗ്രൂപ്പ് ബോര്‍ഡ് ഓഫ് മാനേജേഴ്‌സ് മുഹമ്മദ് വാജിഹ് ബിന്‍ ഹസന്‍,അല്‍ നഹ്‌ല ഗ്രൂപ്പ് റിയല്‍ എസ്റ്റേറ്റ് സിഇഒ എഞ്ചിനീയര്‍ സമി അബ്ദുല്‍ അസീസ് അല്‍ മുഖ്ദൂബ് എന്നിവരും ഉദ്ഘാടന ചടങ്ങില്‍ പങ്കെടുത്തു.
