അഞ്ച് മാസം പ്രായമുള്ള കുഞ്ഞിന് കരള്‍ മാറ്റിവെക്കല്‍ ശസ്ത്രക്രിയ നടത്തി ബുര്‍ജീല്‍ മെഡിക്കല്‍ സിറ്റി
Wed, 13 Aug 2025
അബുദാബി: നിക്ഷേപകരുടെ വലിയ സാന്നിധ്യവും റീട്ടെയ്ല്‍ രംഗത്തെ മികച്ച പ്രകടനവുമായി 2025ലെ ആദ്യ പകുതിയില്‍ 36000 കോടി രൂപയുടെ വരുമാനം നേടി ലുലു. ഒപ്പം 99 ശതമാനം വളര്‍ച്ചയോടെ 1200 കോടി രൂപയോളം നെറ്റ് പ്രോഫിറ്റ് ലുലു റീട്ടെയ്ല്‍ സ്വന്തമാക്കി. രണ്ടാം പാതത്തില്‍ ( 4.6 ശതമാനം അധിക വളര്‍ച്ച നേടാനായി. പ്രൈവറ്റ് ലേബല്‍ ഇ കൊമേഴ്‌സ് രംഗത്തെ മികച്ച വളര്‍ച്ചനിരക്കാണ് നേട്ടത്തിന് കരുത്തേകിയത്. 5037 കോടി രൂപയുടെ നേട്ടത്തോടെ 3.5 ശതമാനം വളര്‍ച്ച പ്രൈവറ്റ് ലേബലില്‍ ലഭിച്ചു. റീട്ടെയ്ല്‍ വരുമാനത്തിന്റെ 29.7 ശതമാനം പ്രൈവറ്റ് ലേബലില്‍ നിന്നാണ്. 952 കോടി രൂപയുടെ നേട്ടത്തോടെ 43.4 ശതമാനം വളര്‍ച്ചാനിരക്ക് ഇ കൊമേഴ്‌സിനുണ്ട്. 7.6ശതമാനം വളര്‍ച്ചയോടെ 418 മില്യണ്‍ ഡോളറാണ് EBITDA മാര്‍ജിന്‍.
യുഎഇയില്‍ 9.4 ശതമാനം വളര്‍ച്ചയും, സഊദി അറേബ്യയില്‍ 3.8 ശതമാനം വളര്‍ച്ചയും കുവൈത്തില്‍ 4.9 ശതമാനം വളര്‍ച്ച ലുലുവിനുണ്ട്. 867 കോടി രൂപയുടെ ഡിവിഡന്റ് പ്രഖ്യാപിച്ചു. നിക്ഷേപകര്‍ക്കായി 867 കോടി രൂപയുടെ ലാഭവിഹിതം പ്രഖ്യാപിച്ചു. 78 ശതമാനത്തിലേറെ ലാഭവിഹിതമാണ് ഇതോടെ നിക്ഷേപകര്‍ക്ക് ലഭിക്കുക. ലോങ്ങ് ടേം സ്റ്റ്രാറ്റജിയിലുള്ള മികച്ച വളര്‍ച്ചാനിരക്കാണ് ലുലു റീട്ടെയ്ല്‍ രേഖപ്പെടുത്തുന്നത്. വിപുലമായ വികസന പദ്ധതികളാണ് നടപ്പാക്കുന്നത്. 2025ലെ ആദ്യ പകുതിയില്‍ മാത്രം ഏഴ് പുതിയ സ്റ്റോറുകളും ജൂലൈയില്‍ നാല് പുതിയ സ്റ്റോറുകളും ഉള്‍പ്പടെ 11 സ്റ്റോറുകള്‍ ഈ വര്‍ഷം തന്നെ തുറന്ന് കഴിഞ്ഞു. 9 പുതിയ സ്റ്റോറുകള്‍ കൂടി ഉടന്‍ യാഥാര്‍ത്ഥ്യമാക്കുമെന്നും റീട്ടെയ്ല്‍ സാന്നിധ്യം വിപുലമാക്കി നിക്ഷേപകര്‍ക്ക് ഏറ്റവും മികച്ച നേട്ടം നല്‍കുമെന്നും ലുലു ഗ്രൂപ്പ് ചെയര്‍മാന്‍ എം.എ യൂസഫലി വ്യക്തമാക്കി. സുസ്ഥിരമായ വളര്‍ച്ചയിലൂടെ ദീര്‍ഘവീക്ഷണത്തോടെയുള്ള പദ്ധതികളാണ് നടപ്പാക്കുന്നതെന്നും അദേഹം കൂട്ടിചേര്‍ത്തു. ലുലു ഹാപ്പിനെസ് ലോയല്‍റ്റി പ്രോഗ്രാമിനും മികച്ച നേട്ടമാണ് ലഭിച്ചത്. 1 മില്യണ്‍ പുതിയ അംഗങ്ങളോടെ 7.3 മില്യണ്‍ പേര്‍ ഹാപ്പിനെസ് പ്രോഗ്രാമില്‍ അംഗങ്ങളായി. ഇ കൊമേഴ്‌സ് പ്ലാറ്റ്‌ഫോമുകള്‍ വിപുലമാക്കിയും ഹാപ്പിനെസ് ലോയല്‍റ്റി പ്രോഗ്രാമുകള്‍ അടക്കം സജീവമാക്കിയും ഉപഭോക്താകള്‍ക്ക് കൂടുതല്‍ സേവനം ഉറപ്പാക്കുന്നതിനുള്ള നീക്കത്തിലാണ് ലുലു റീട്ടെയ്ല്‍.
