സഊദിയില്‍ വാഹനപകടത്തില്‍ മലയാളി ഉള്‍പ്പെടെ 4 പേര്‍ മരിച്ചു
Thu, 21 Aug 2025
ഷാര്‍ജ: മികച്ച ഗുണമേന്മയുള്ള ഉത്പന്നങ്ങള്‍ കുറഞ്ഞ നിരക്കില്‍ ലഭിക്കുന്ന ലുലുവിന്റെ വാല്യൂ ഷോപ്പിങ് കേന്ദ്രമായ ലോട്ടിന്റെ രണ്ടാമത്തെ സ്റ്റോര്‍ ഷാര്‍ജയില്‍ തുറന്നു. അല്‍ വഹ്ദ ലുലു ഹൈപ്പര്‍മാര്‍ക്കറ്റ് ഫസ്റ്റ് ഫ്‌ളോറിലാണ് പുതിയ ലോട്ട് സ്റ്റോര്‍. 47000 സ്‌ക്വയര്‍ ഫീറ്റിലുള്ള പുതിയ സ്റ്റോര്‍ ജിസിസിയിലെ ലുലുവിന്റെ ഏറ്റവും വലിയ ലോട്ട് കൂടിയാണ്. ലുലു ഗ്രൂപ്പ് ചെയര്‍മാന്‍ എംഎ യൂസഫലി ഷാര്‍ജ അല്‍ വഹ്ദ ലോട്ടിന്റെ ഉദ്ഘാടനം നിര്‍വഹിച്ചു.
കുറഞ്ഞ നിരക്കില്‍ മികച്ച ഉത്പന്നങ്ങള്‍ ഉപഭോക്താള്‍ക്ക് ഉറപ്പാക്കുകയാണ് ലോട്ട് എന്ന് ലുലു ഗ്രൂപ്പ് ചെയര്‍മാന്‍ എംഎ യൂസഫലി പറഞ്ഞു. ഈ വര്‍ഷം ജിസിസിയില്‍ അമ്പതിലേറെ ലോട്ട് സ്റ്റോറുകള്‍ തുറക്കും. റീട്ടെയില്‍ മേഖല മാറ്റത്തിന്റെ പാതയിലാണെന്നും വാല്യൂ കണ്‍സപ്റ്റ് സ്റ്റോറുകള്‍ കൂടുതല്‍ വിപുലമാക്കുമെന്നും യൂസഫലി കൂട്ടിചേര്‍ത്തു. 19 ദിര്‍ഹത്തില്‍ താഴെ വിലയിലാണ്
നിരവധി ഉത്പന്നങ്ങള്‍ ലോട്ടില്‍ ലഭ്യമാക്കിയിരിക്കുന്നത്. സ്റ്റേഷനറി,വീട്ടുപകരണങ്ങള്‍,ഫാഷന്‍,തുണിത്തരങ്ങള്‍,ജ്വല്ലറി ആക്‌സസറീസ്,ടോയ്‌സ്,ട്രാവല്‍ ആക്‌സസറീസ് തുടങ്ങി വിപുലമായ ഉത്പന്നങ്ങളുടെ ശേഖരമാണ് ലോട്ടില്‍ ഉപഭോക്താക്കളെ കാത്തിരിക്കുന്നത്. ജിസിസിയിലെ 14ാമത്തേതും യുഎഇയിലെ ഏഴാമത്തേതുമാണ് ഷാര്‍ജ അല്‍ വഹ്ദയിലെ സ്റ്റോര്‍. ലുലു സിഇഒ സെയ്ഫി രൂപാവാല,ഗ്ലോബല്‍ ഓപ്പറേഷന്‍സ് ഡയരക്ടര്‍ സലിം എംഎ,ഇന്റര്‍നാഷണല്‍ ഹോള്‍ഡിങ്‌സ് ഡയരക്ടര്‍ ആനന്ദ് എവി,ബയിങ്ങ് ഡയരക്ടര്‍ മുജീബ് റഹ്മാന്‍ പങ്കെടുത്തു.
