ഇന്ന് യുഎഇ സായുധസേനാ ഏകീകരണ ദിനം
Tue, 06 May 2025
ദുബൈ: യുഎഇയിലെ ലുലു ഹൈപ്പര്‍ മാര്‍ക്കറ്റുകളില്‍ ‘മംഗോ മാനിയ’ക്ക് തുടക്കമായി. ഇരുപത് രാജ്യങ്ങളില്‍ നിന്നായി നൂറിലേറെ ഇനം മാമ്പഴങ്ങളാണ് ലുലു സ്റ്റോറുകളില്‍ ഒരുക്കിയിട്ടുള്ളത്. മാങ്ങകൊണ്ടുള്ള വിഭവങ്ങളും മേളയുടെ ഭാഗമായി ലുലു ഒരുക്കിയിട്ടുണ്ട്. യുഎഇതല ‘മംഗോ മാനിയ’ ഉദ്ഘാടനം ദുബൈ ഖിസൈസ് ലുലു ഹൈപ്പര്‍ മാര്‍ക്കറ്റില്‍ ദുബൈ ഇന്ത്യ ന്‍ കോണ്‍സല്‍ ജനറല്‍ സതീഷ് കുമാര്‍ ശിവന്‍ നിര്‍വഹിച്ചു. മാമ്പഴത്തോടുള്ള ഇന്ത്യക്കാരുടെ പ്രിയം മനസിലാക്കി മാമ്പഴോത്സവം സംഘടിപ്പിച്ച ലുലു മാനേജ്‌മെന്റിനെ അദ്ദേഹം അഭിനന്ദിച്ചു.
ഇന്ത്യ,യുഎഇ,യമന്‍ബ്രസീ ല്‍,മെക്‌സിക്കോ,ഫിലിപ്പൈന്‍സ്,മലേഷ്യ,ഇന്തോനേഷ്യ,ഐവറി കോസ്റ്റ്,കംബോഡിയ തുടങ്ങിയ രാജ്യങ്ങളിലെ നാട്ടുമാങ്ങ മുതല്‍ ലോകത്തിലെ ഏറ്റവും വിലയേറിയ മിയാസാക്കി മാമ്പഴം വരെ ലുലു ഔട്ട് ലെറ്റുകളില്‍ ഇടം പിടിച്ചിട്ടുണ്ടെന്ന് ലുലു ഡയരക്ടര്‍ ജെയിംസ് കെ വര്‍ഗീസ് പറഞ്ഞു. ജാപ്പനീസ് ഇനമായ മിയാസാക്കിയുടെ ഇന്ത്യന്‍ വകഭേദത്തിന് കിലോയ്ക്ക് 550 ദിര്‍ഹമാണ് ദുബൈയിലെ വില. മാങ്ങാ ലഡു ഉള്‍പ്പെടെയുള്ള വിഭവങ്ങള്‍ അണിനിരത്തിയുള്ള ഭക്ഷ്യമേളയും ഇതോടൊപ്പം നടത്തുന്നുണ്ടെന്ന് ലുലു റീജിയണല്‍ ഡയരക്ടര്‍ കെപി തമ്പാന്‍ അറിയിച്ചു.
മാമ്പഴവും മറ്റു ഉത്പന്നങ്ങളും മെയ് 10 വരെ luluhypermarket.com എന്ന ഓണ്‍ലൈന്‍ സംവിധാനത്തിലൂടെ ലഭ്യമാകുമെന്നും അധികൃതര്‍ അറിയിച്ചു. ‘മംഗോ മാനിയ’ ഉദ്ഘാടന ചടങ്ങില്‍ ലുലു ഡയരക്ടര്‍ ജെയിംസ് കെവര്‍ഗീസ്,റീജണല്‍ ഡയരക്ടര്‍ കെപി തമ്പാന്‍,ഫ്രൂട്ട്‌സ് ആ ന്റ് വെജിറ്റബിള്‍ ഡയരക്ടര്‍ സുല്‍ഫീക്കര്‍ തുടങ്ങി ഉന്നത ഉദ്യോഗസ്ഥര്‍ പങ്കെടുത്തു. മാമ്പഴ മേള ഈമാസം 10ന്അവസാനിക്കും.
