സിറാജുല്‍ ഇസ്‌ലാം ബാലുശ്ശേരിയുടെ ഖുര്‍ആന്‍ പഠന പരമ്പര
Mon, 25 Aug 2025
രാജ്യവിഭജനത്തിന്റെ പാപഭാരം മുസ്‌ലിംലീഗിന്റെ തലയില്‍കെട്ടിവച്ച് സമുദായത്തെ രണ്ടാംകിട പൗരന്മാരായി കണ്ടിരുന്ന കാലത്ത്, ജനാധിപത്യ മാര്‍ഗത്തിലൂടെ അതിജീവനത്തിന്റെ പാത വെട്ടിത്തെളിയിച്ച ഖാഇദെ മില്ലത്തിന്റെ ദര്‍ശനങ്ങള്‍ക്ക് കരുത്തേകിയ നേതാവായിരുന്നു സയ്യിദ് അബ്ദുറഹ്മാന്‍ ബാഫഖി തങ്ങളെന്ന് മുസ്‌ലിം യൂത്ത്‌ലീഗ് ദേശീയ വൈസ് പ്രസിഡന്റ് ഷിബു മീരാന്‍ പറഞ്ഞു.
റിയാദ് കെഎംസിസി കോഴിക്കോട് ജില്ലാ കമ്മിറ്റി സംഘടിപ്പിച്ച സയ്യിദ് അബ്ദുറഹ്മാന്‍ ബാഫഖി തങ്ങള്‍ അനുസ്മരണ പരിപാടിയില്‍ സംസാരിക്കുകയായിരുന്നു. ജില്ലാ പ്രസിഡന്റ് മുഹമ്മദ് സുഹൈല്‍ അമ്പലക്കണ്ടി അധ്യക്ഷനായി. സെന്‍ട്രല്‍ കമ്മിറ്റി ജനറല്‍ സെക്രട്ടറി ശുഎൈബ് പനങ്ങാങ്ങര ഉദ്ഘാടനം ചെയ്തു. പ്രവര്‍ത്തകരിലെ നിക്ഷേപ സംസ്‌കാരം പ്രോത്സാഹിപ്പിക്കുന്നതിന്റെ ഭാഗമായി കോഴിക്കോട് ജില്ലാ കമ്മിറ്റിയുടെ കീഴില്‍ ആരംഭിക്കുന്ന ഗോള്‍ഡ് ഇന്‍വെസ്റ്റ്‌മെന്റ് പദ്ധതിയുടെ ലോഞ്ചിങ് ചടങ്ങില്‍ നിര്‍വഹിച്ചു. സെന്‍ട്രല്‍ കമ്മിറ്റി ഓര്‍ഗനൈസിങ് സെക്രട്ടറി സത്താര്‍ താമരത്ത്,വൈസ് പ്രസിഡന്റ്് നജീബ് നെല്ലാംങ്കണ്ടി,സെക്രട്ടറി ശമീര്‍ പറമ്പത്ത്,അബ്ദുറഹ്മാന്‍ ഫറോക്ക് പ്രസംഗിച്ചു. ജില്ലാ ജനറല്‍ സെക്രട്ടറി ജാഫര്‍ സാദിഖ് പുത്തൂര്‍മഠം സ്വാഗതവും ട്രഷറര്‍ റാഷിദ് ദയ നന്ദിയും പറഞ്ഞു.
ഭാരവാഹികളായ ലത്തീഫ് മടവൂര്‍,റഷീദ് പടിയങ്ങല്‍,ഫൈസല്‍ പൂനൂര്‍,ഗഫൂര്‍ എസ്റ്റേറ്റ്മുക്ക്,കുഞ്ഞോയി കോടമ്പുഴ, ഫൈസല്‍ ബുറൂജ്,മനാഫ് മണ്ണൂ ര്‍,സഫറുല്ല കൊയിലാണ്ടി,സൈതു മീഞ്ചന്ത,നാസര്‍ കൊടിയത്തൂര്‍ നേത്യത്വം നല്‍കി.
