ഇരട്ട വിജയത്തിന്റെ നിറവില്‍ ഹാനിയ
Mon, 12 May 2025
ദോഹ: കെ.മുഹമ്മദ് ഈസയുടെ വിയോഗം അപൂര്‍വ ശൂന്യതയാണ് സൃഷ്ടിച്ചതെന്ന് മുസ്‌ലിംലീഗ് സംസ്ഥാന വൈസ് പ്രസിഡന്റും ചന്ദ്രിക മുന്‍ എഡിറ്ററുമായ സിപി സൈതലവി. ഖത്തര്‍ കെഎംസിസി മലപ്പുറം ജില്ലാ കമ്മിറ്റി സംഘടിപ്പിച്ച ‘നമ്മുടെ സ്വന്തം ഈസക്ക’ അനുസ്മരണ സമ്മേളനത്തില്‍ മുഖ്യപ്രഭാഷണം നിര്‍വഹിക്കുകയായിരുന്നു. ഈസക്ക ചെയ്ത നന്മകളും സേവനങ്ങളും ഓര്‍മകളില്‍ എന്നും നിലനില്‍ക്കും. സമൂഹത്തിലെ എല്ലാ മേഖലകളിലുമുള്ള ആളുകള്‍ക്കുവേണ്ടി ഈസക്ക ചെയ്ത ജീവകാരുണ്യ പ്രവര്‍ത്തനങ്ങള്‍ അത്ഭുതത്തോടെയല്ലാതെ നോക്കികാണാന്‍ കഴിയില്ല. നാം അറിഞ്ഞ ഈസക്കയുടെ എത്രയോ മുകളിലാണ് അദ്ദേഹത്തിന്റെ സ്ഥാനം. അവശരായ കലാകാരന്മാരുടെ ആശ്രയമായിരുന്നു അദ്ദേഹമെന്നും സിപി സൈതലവി അനുസ്മരിച്ചു. സമ്മേളനം സംസ്ഥാന പ്രസിഡന്റ് ഡോ.അബ്ദുസ്സമദ് ഉദ്ഘാടനം ചെയ്തു. ജില്ലാ പ്രസിഡന്റ് സവാദ് വെളിയങ്കോട് അധ്യക്ഷനായി. എസ്എഎം ബഷീര്‍,സലീം നാലകത്ത്,നൗഫല്‍ മുഹമ്മദ് ഈസ,ആര്‍എസ് മൊയ്തീന്‍,റഫീഖ് പള്ളിയാളി,ഇസ്മായീല്‍ ഹുദവി പ്രസംഗിച്ചു. ലുഖ്മാന്‍ ഫൈസി ഖിറാഅത്ത് നടത്തി. അബ്ദുല്‍ അക്ബര്‍ വെങ്ങശ്ശേരി സ്വാഗതവും മുഹമ്മദ് ലൈസ് നന്ദിയും പറഞ്ഞു. നാദിര്‍ ഈസ,നമീര്‍ ഈസ,ആസാദ് പങ്കെടുത്തു. സംസ്ഥാന ഭാരവാഹികളായ സിദ്ദീഖ് വാഴക്കാട്,അലി മൊറയൂര്‍,ജില്ലാ ഭാരവാഹികളായ മഹ്ബൂബ് നാലകത്ത്,അബ്ദുല്‍ ജബ്ബാര്‍ പാലക്കല്‍,അബ്ദുല്‍ മജീദ് പുറത്തൂര്‍,മുനീര്‍ പട്ടര്‍ക്കടവ്,ഷംസീര്‍ മാനു നേതൃത്വം നല്‍കി.
