ഇമാറാത്തിന്റെ നീലാകാശത്ത് വിസ്മയം തീര്ക്കാനൊരുങ്ങി യുണൈറ്റഡ് പി ആര് ഒ അസോസിയേഷന്
Wed, 10 Dec 2025
ഷാര്ജ : വിമാന യാത്രയില് ഹാന്ഡ് ബാഗേജിന് പുതിയ നിയന്ത്രണങ്ങള് ഏര്പ്പെടുത്തിരിക്കുകയാണ് ബ്യൂറോ ഓഫ് സിവില് ഏവിയേഷന് സെക്യൂരിറ്റി. പുതിയ നിയമം അനുസരിച്ച് ഒരു യാത്രികന് വിമാനത്തിനുള്ളിലേക്ക് ഒരു ബാഗുമായി മാത്രമേ കയറാന് കഴിയൂ. അതിന്റെ തൂക്കം പരമാവധി ഏഴ് കിലോ മാത്രമേ അനുവദിക്കുകയുള്ളൂ.
മാത്രമല്ല ഹാന്ഡ് ബാഗിന്റെ വലുപ്പത്തിനും പരിധി നിശ്ചയിച്ചിട്ടുണ്ട്. അധികമായി ബാഗേജ് കൈയിലുണ്ടെങ്കില് അത് ചെക് ഇന് ചെയ്യേണ്ടി വരും. 2024 മെയ് രണ്ടിന് മുമ്പ് ടിക്കറ്റ് ബുക്ക് ചെയ്തവര്ക്ക് ഇളവുകള് ലഭിക്കും. എന്നാല് അതിന് ശേഷം വരുത്തിയ പുതുക്കലിനും മറ്റും യാതൊരു ഇളവും ലഭിക്കില്ല. യാത്രക്കാരുടെ ഹാന്ഡ് ബാഗേജ് ഭാരം കൂടുകയോ അല്ലെങ്കില് വലിപ്പ പരിധികള് കവിഞ്ഞാല് അധിക ബാഗേജ് ചാര്ജുകളും ഈടാക്കുന്നതാണ്. ഹാന്ഡ് ബാഗിന്റെ അളവ് 55 സെന്റീമീറ്റര് ഉയരത്തിലും 40 സെന്റീമീറ്റര് നീളത്തിലും 20 സെന്റീമീറ്റര് വീതിയിലും കവിയാന് പാടുള്ളതല്ല. അടുത്ത മാസം മുതല് ഇന്ത്യയിലെ എല്ലാ വിമാനത്താവളങ്ങളിലും ആഭ്യന്തര,അന്തര്ദേശീയ യാത്രകളില് നിയമം ബാധകമായിരിക്കും. വിമാനയാത്രികര് വര്ധിച്ചുവരുന്ന സാഹചര്യത്തില് സുരക്ഷ ശക്തമാക്കുന്നതിന്റെ ഭാഗമാണ് പുതിയ നീക്കം.
