ഷാര്‍ജ പുസ്തകോത്സവം: ‘രത്‌നശാത്രം’ പുസ്തക പ്രകാശനം ഞായറാഴ്ച
Thu, 06 Nov 2025
ദുബൈ: ഫലസ്തീനികളുടെ അവകാശങ്ങള്‍ക്കുമേലുള്ള കടന്നുകയറ്റവും കുടിയിറക്കല്‍ ശ്രമങ്ങളെയും ശക്തമായി നിരാകരിക്കുന്നതായി യു.എ.ഇ വിദേശകാര്യ മന്ത്രാലയം. പ്രാദേശിക സ്ഥിരതയെ ഭീഷണിയിലാക്കുകയും സമാധാനത്തിനും സഹവര്‍ത്തിത്വത്തിനുമുള്ള അവസരങ്ങളെ ദുര്‍ബലപ്പെടുത്തുകയും ചെയ്യുന്ന എല്ലാ കുടിയേറ്റ പ്രവര്‍ത്തനങ്ങളും നിര്‍ത്തണമെന്നും അന്താരാഷ്ട്ര നിയമങ്ങള്‍ക്ക് വിരുദ്ധമായ നടപടികള്‍ അവസാനിപ്പിക്കുന്നതിനുള്ള ഉത്തരവാദിത്തം നിറവേറ്റണമെന്നും അന്താരാഷ്ട്ര സമൂഹത്തോടും, ഐക്യരാഷ്ട്രസഭയോടും യു.എന്‍ സുരക്ഷാ കൗണ്‍സിലിനോടും മന്ത്രാലയം പ്രസ്താവനയില്‍ ആവശ്യപ്പെട്ടു.
മേഖലയിലെ സമാധാനത്തിനും സ്ഥിരതക്കും പിന്തുണ നല്‍കുമെന്നും ഫലസ്തീനികളുടെ അവകാശങ്ങള്‍ സംരക്ഷിക്കുന്നതിനുള്ള ചരിത്രപരവും ഉറച്ചതുമായ നിലപാടില്‍ ഉറച്ചുനില്‍ക്കുന്നുവെന്നും പ്രസ്താവന വ്യക്തമാക്കി. ഫലസ്തീന്‍ ഇസ്രായേല്‍ സംഘര്‍ഷം പരിഹരിക്കുന്നതിനും സ്വതന്ത്ര ഫലസ്തീന്‍ രാഷ്ട്രം സ്ഥാപിക്കുന്നതിനും ഗൗരവമേറിയ രാഷ്ട്രീയ ആലോചനയുണ്ടാകണം. ദ്വിരാഷ്ട്ര പരിഹാരത്തിലൂടെ മാത്രമേ പ്രാദേശിക സ്ഥിരത കൈവരിക്കാന്‍ കഴിയൂ. മിഡില്‍ ഈസ്റ്റ് മേഖലയില്‍ നിലവിലുള്ള പ്രധാന വെല്ലുവിളികള്‍ ആശയവിനിമയത്തിലൂടെയും സംഭാഷണത്തിലൂടെയും പരിഹരിക്കാനുള്ള നയതന്ത്ര ചര്‍ച്ചകള്‍ക്ക് മുന്‍ഗണന നല്‍കണം. സമാധാന പ്രക്രിയയെ സഹായിക്കുന്നതിനായി പ്രാദേശികവും അന്തര്‍ദേശീയവുമായ ശ്രമങ്ങള്‍ ശക്തമാക്കുകയും ചെയ്യണം. സംഘര്‍ഷത്തിന്റെ മൂലകാരണങ്ങള്‍ പരിഹരിക്കുന്നതിനും ഫലസ്തീനികള്‍ക്കും ഇസ്രായേലികള്‍ക്കും സമാധാനം ഉറപ്പാക്കുന്നതിന് നീതിയുക്തവും ശാശ്വതവുമായ ഒരു പരിഹാരത്തിലെത്തുന്നതിനുമുള്ള ശ്രമങ്ങള്‍ അന്താരാഷ്ട്ര സമൂഹം ശക്തമാക്കണമെന്നും യുഎഇ പ്രസ്താവനയില്‍ ആവശ്യപ്പെട്ടു.
