നാഷണല്‍ കെഎംസിസി കരിയര്‍ ഫസ്റ്റ് ഒരുക്കുന്നു; അക്കാദമിക് മേഖലകളില്‍ തൊഴില്‍ തേടുന്നവര്‍ക്ക് അവസരം
Thu, 21 Aug 2025
അബുദാബി: നോര്‍ത്ത് മാസിഡോണിയ പ്രധാനമന്ത്രി ഡോ.ഹ്രിസ്റ്റിജാന്‍ മികോസ്‌കി അബുദാബിയിലെ ശൈഖ് സായിദ് ഗ്രാന്റ്് മസ്ജിദ് സന്ദര്‍ശിച്ചു. യുഎഇയിലെ നോര്‍ത്ത് മാസിഡോണിയ അംബാസഡര്‍ അബ്ദുല്‍ഖാദര്‍ മുഹമ്മദിയും ഔദ്യോഗിക പ്രതിനിധി സംഘവും അദ്ദേഹത്തോടൊപ്പമുണ്ടായിരുന്നു. പള്ളിയുടെ പ്രാര്‍ത്ഥനാ ഹാളുകളും മുറ്റങ്ങളും ഡോ.മികോസ്‌കിയും സംഘവും സന്ദര്‍ശിച്ചു. ശൈഖ് സായിദ് ഗ്രാന്റ് മോസ്‌ക് സെന്റര്‍ ഡയരക്ടര്‍ ജനറല്‍ ഡോ.യൂസുഫ് അല്‍ ഉബൈദ്‌ലിയും അദ്ദേഹത്തോടൊപ്പമുണ്ടായിരുന്നു.
യുഎഇ രാഷ്ട്രപിതാവ് ശൈഖ് സായിദ് ബിന്‍ സുല്‍ത്താന്‍ അല്‍ നഹ്യാന്റെ ദര്‍ശനത്തില്‍ ലയിച്ചുചേര്‍ന്ന സഹവര്‍ത്തിത്വം,സഹിഷ്ണുത,തുറന്ന മനസ് എന്നീ മൂല്യങ്ങളെ പ്രോത്സാഹിപ്പിക്കുന്നതില്‍ ഗ്രാന്റ് മസ്ജിദിന്റെ പങ്കിനെക്കുറിച്ച് അതിഥികള്‍ക്ക് വിശദീകരിച്ചു കൊടുത്തു. ആധികാരിക ഇസ്‌ലാമിക സംസ്‌കാരം പ്രോത്സാഹിപ്പിക്കുന്നതിലും വൈവിധ്യമാര്‍ന്ന ലോക സംസ്‌കാരങ്ങളുമായി പാലങ്ങള്‍ പണിയുന്നതിലും ഗ്രാന്റ് മസ്ജിദിനെ അതുല്യ ആരാധനാലയമായി വേര്‍തിരിക്കുന്നതിലും സെന്റര്‍ നടത്തുന്ന തുടര്‍ച്ചയായ ശ്രമങ്ങളെക്കുറിച്ചും അവര്‍ മനസിലാക്കി.
പള്ളിയുടെ ചരിത്രവുമായി പരിചയപ്പെടാനും അതിന്റെ അതുല്യമായ വാസ്തുവിദ്യാ വിശദാംശങ്ങളെ അഭിനന്ദിക്കാനും ഇസ്‌ലാമിക നാഗരികതയുടെ കലാപരവും വാസ്തുവിദ്യാ പൈതൃകവും പ്രകടമാക്കുന്ന അതിന്റെ വിപുലമായ കലാസൃഷ്ടികളുടെയും കലാരൂപങ്ങളുടെയും ശേഖരം നേരിട്ടറിയാനും പ്രതിനിധി സംഘം തീരുമാനിച്ചു. പള്ളിയുടെ വാസ്തുവിദ്യ വ്യത്യസ്ത സാംസ്‌കാരിക ശൈലികളുടെ സമന്വയ സംയോജനത്തെ പ്രതിനിധീകരിക്കുകയും ഐക്യവും സര്‍ഗാത്മകതയും ഉള്‍ക്കൊള്ളുകയും ചെയ്യുന്നു. പള്ളിയിലെ പ്രശസ്തമായ ചാന്‍ഡിലിയറുകളില്‍ നിന്ന് പ്രചോദനം ഉള്‍ക്കൊണ്ട കോമ്പസും സെന്ററിന്റെ ഏറ്റവും പുതിയ പ്രസിദ്ധീകരണമായ ‘ശൈഖ് സായിദ് ഗ്രാന്റ് മോസ്‌ക്: ലൈറ്റ്‌സ് ഓഫ് പീസ്’. ‘സ്‌പെയ്‌സസ് ഓഫ് ലൈറ്റ്’ ഫോട്ടോഗ്രാഫി അവാര്‍ഡ് നേടിയ ഫോട്ടോഗ്രാഫുകളിലൂടെ പള്ളിയുടെ വാസ്തുവിദ്യാ മഹത്വം അടയാളപ്പെടുത്തുന്ന ദൃശ്യ യാത്രയും അടങ്ങുന്ന പുസ്തകം ഡോ.മിക്കോസ്‌കിക്ക് ഉപഹാരമായി സമ്മാനിച്ചു.
