ചെറിയ അപകടങ്ങളില്‍ വാഹനം ഉടന്‍ മാറ്റിയില്ലെങ്കില്‍ 1000 ദിര്‍ഹം പിഴ
Tue, 06 May 2025
മലപ്പുറം : സിപിഎം വെല്ലുവിളിക്കുകയാണെങ്കില്‍ അത് ഏറ്റെടുക്കാൻ തയാറാണെന്ന് നിലമ്ബൂർ എംഎല്‍എ പി.വി അൻവർ. കേസും കൂട്ടവുമായി തന്നെ നേരിടാനാണ് ശ്രമമെങ്കില്‍ വരട്ടെ, കാണാം എന്നും അദ്ദേഹം മാധ്യമങ്ങളോട് പറഞ്ഞു.തൻ്റെ പൊതുയോഗത്തെ ജനങ്ങള്‍ വിലയിരുത്തട്ടെ. പൊതുയോഗം വിപ്ലവമാവുമെന്ന് പറഞ്ഞു അത് സംഭവിച്ചു. പി.വി.അൻവറിൻ്റെ നെഞ്ചത്ത് കയറാതെ സർക്കാർ യുവാക്കളുടെ കാര്യം നോക്കണം എന്നും അദ്ദേഹം പറഞ്ഞു.
കേരളത്തിലെ യുവാക്കള്‍ നിരാശരാണ്. കൂടുതല്‍ സാദ്ധ്യതകള്‍ തേടിയാണ് യുവാക്കള്‍ വിദേശരാജ്യങ്ങളിലേക്ക് ചേക്കേറുന്നത്. ഈ ഒരു പ്രശ്നം പരിഹരിക്കാനാണ് സർക്കാർ കഴിഞ്ഞ കുറച്ച്‌ നാളുകളായി ശ്രമിച്ചുക്കൊണ്ടിരിക്കുന്നത്. കേരളത്തിലെ എല്ലാ യുവാക്കള്‍ക്കും ഭീമമായ പണം ചെലവഴിച്ച്‌ യുകെയിലോ കാനഡയിലോ പോകാൻ സാധിക്കില്ല. ഭൂരിഭാഗം പേരും സ്വന്തം വീട് പണയം വച്ചാണ് പോകുന്നത്.
കാനഡയിലെ സ്ഥിതിഗതികള്‍ മാറുകയാണ്. അവിടത്തെ സർക്കാർ വിദേശികളെ അംഗീകരിക്കുന്ന സാദ്ധ്യതകളും കുറയുകയാണ്. വിദ്യാർത്ഥികളുടെ തളളിക്കയറ്റമാണ് പ്രശ്നമാകുന്നത്. അപ്പോള്‍ കടം വാങ്ങിയവർ തിരിച്ചെത്തും. ഇത് കേരളത്തിലെ ഉയർന്നുവരുന്ന അടുത്ത പ്രശ്നമാണ് . അപ്പോള്‍ സർക്കാർ പിവി അൻവറിനെ വിമർശിക്കുന്നതിന് പകരം ഇതല്ലേ ചെയ്യേണ്ടത്. ഞാൻ കൊടുത്ത കത്തില്‍ ഇതെല്ലാം വിശദമായി പറയുന്നുണ്ട് എന്നും അദ്ദേഹം പറയുന്നു.
ഇപ്പോള്‍ തീരുമാനിച്ചാല്‍ മലപ്പുറം ജില്ലയില്‍ മാത്രം 25 പഞ്ചായത്തുകളില്‍ ഇടതു മുന്നണിക്ക് ഭരണം നഷ്ടപ്പെടും. മലപ്പുറത്തും കോഴിക്കോടും പാലക്കാടും പഞ്ചായത്തുകളില്‍ എല്‍ഡിഎഫിന് ഭരണം നഷ്ടമാകും. അൻവറിനെ സ്നേഹിക്കുന്നവർ 140 മണ്ഡലത്തിലുമുണ്ട്. സി.പി.എം വെല്ലുവിളിച്ചാല്‍ ഏറ്റെടുക്കാൻ തയ്യാറാണ്. തന്നെ വർഗീയവാദിയാക്കാനാണ് ശ്രമം. രാഷ്ട്രീയ പാർട്ടി രൂപീകരിക്കുന്നത് സംബന്ധിച്ച്‌ സർവേ പുരോഗമിക്കുകയാണെന്നും അദ്ദേഹം പറഞ്ഞു.
സ്വർണക്കള്ളക്കടത്തില്‍ താനുന്നയിച്ച ആരോപണങ്ങളില്‍ മുഖ്യമന്ത്രിയുടെ പ്രതികരണം തലയ്ക്ക് വെളിവില്ലാത്തതാണെന്നും അദ്ദേഹം പ്രതികരിച്ചു. വല്ലാത്ത പ്രതിസന്ധിയുണ്ടാക്കുന്ന ബാപ്പയെ മകൻ കുത്തിക്കൊല്ലുന്നതും പിന്നീട് ആത്മഹത്യ ചെയ്യുന്നതോ നാടുവിടുന്നതോ കണ്ടിട്ടില്ലേ? സ്വർണ കള്ളക്കടത്തില്‍ പി.ശശിക്ക് പങ്കുണ്ട്. ഒരു എസ്.പിമാത്രം വിചാരിച്ചാല്‍ ഇതൊന്നും നടത്താനാവില്ലെന്നും അദ്ദേഹം പറഞ്ഞു.
താൻ രാഷ്ട്രീയ പാർട്ടി ഉണ്ടാക്കില്ല എന്നല്ല പറഞ്ഞത്. താൻ ഇന്നലെയിട്ട സർവേയില്‍ 1.2 ദശലക്ഷം ആളുകള്‍ പ്രതികരിച്ചു. അതില്‍ 90 ശതമാനവും പോസിറ്റിവ് പ്രതികരണം. തനിക്ക് സ്വാർത്ഥ താത്പര്യമില്ല. താനിപ്പോള്‍ പറയുന്നത് കേള്‍ക്കാൻ ജനമുണ്ട്. ആളുകള്‍ കുറയുമെന്ന് തനിക്കറിയാം. ഇതെല്ലാം മനസിലാക്കിയാണ് താൻ സംസാരിക്കുന്നത്.
നിയമസഭയില്‍ ആദ്യ രണ്ട് ദിവസം താൻ പോകില്ല. കൂടുതല്‍ പൊതുയോഗങ്ങള്‍ നടത്തിയ ശേഷമേ നിയമസഭയിലേക്ക് പോകൂ. അവിടെ ഒരു കസേര ഉണ്ടാകുമെന്ന് കരുതുന്നു. ഇല്ലങ്കില്‍ നിലത്തിരിക്കുമെന്നും അൻവർ പറഞ്ഞു.
