ധാര്‍മികത ഉയര്‍ത്തിപ്പിടിക്കുക: വിദ്യാര്‍ത്ഥികള്‍ക്ക് പ്രസിഡന്റ് ശൈഖ് മുഹമ്മദിന്റെ സന്ദേശം
Mon, 25 Aug 2025
മലപ്പുറം ജില്ലാ കെഎംസിസി കായിക വിഭാഗം ‘സ്‌കോര്‍’ സംഘടിപ്പിച്ച ബെസ്റ്റ് 32 ഫൈവ്‌സ് ഫുട്‌ബോള്‍ ടൂര്‍ണമെന്റില്‍ വണ്ടൂര്‍ മണ്ഡലത്തിലെ കാളികാവ് പഞ്ചായത്ത് കെഎംസിസി ഫുട്‌ബോള്‍ ടീം വിജയികളായി. കലാശപ്പോരാട്ടത്തില്‍ ഏകപക്ഷീയമായ രണ്ട് ഗോളുകള്‍ക്ക് വാഴക്കാട് പഞ്ചായത്തിനെ പരാജയപ്പെടുത്തിയാണ് കാളികാവ് ജേതാക്കളായത്. ജില്ലയില്‍ നിന്ന് തിരഞ്ഞെടുത്ത 32 പഞ്ചായത്ത്,മുനിസിപ്പല്‍ കമ്മിറ്റികളാണ് ടൂര്‍ണമെന്റില്‍ മാറ്റുരച്ചത്.’സ്വത്വം,സമന്വയം,അതിജീവനം’ പ്രമേയത്തില്‍ ജില്ലാ കെഎംസിസി ആചരിക്കുന്ന ‘ദി വോയേജ്’ കാമ്പയിനിന്റെ ഭാഗമായാണ് ഫുട്‌ബോള്‍ ടൂര്‍ണമെന്റ് സംഘടിപ്പിച്ചത്. രണ്ട് ദിവസങ്ങളിലായി നടന്ന മത്സരങ്ങള്‍ കാണാന്‍ ആയിരങ്ങളാണ് അല്‍ മുതവ പാര്‍ക്ക് സ്റ്റേഡിയത്തിലെത്തിയത്. നാനൂറിലധികം കളിക്കാരാണ് വിവിധ ടീമുകള്‍ക്കായി ജേഴ്‌സിയണിഞ്ഞത്.
സെമി ഫൈനല്‍ മത്സരത്തില്‍ ഒന്നിനെതിരെ മൂന്ന് ഗോളുകള്‍ക്ക് അങ്ങാടിപ്പുറം പഞ്ചായത്തിനെ തോല്‍പ്പിച്ചാണ് കാളികാവ് ഫൈനലിലേക്ക് കടന്നത്. മേലാറ്റൂര്‍ പഞ്ചായത്തിനെ രണ്ടിനെതിരെ മൂന്ന് ഗോളുകള്‍ക്ക് പരാജയപ്പെടുത്തി വാഴക്കാട് കലാശപ്പോരാട്ടത്തിന് യോഗ്യത നേടിയത്. ടൂര്‍ണമെന്റ് കെഎംസിസി സെന്‍ട്രല്‍ കമ്മിറ്റി ജനറല്‍ സെക്രട്ടറി ശുഐബ് പനങ്ങാങ്ങര ഉദ്ഘാടനം ചെയ്തു. രണ്ടാം ദിനം കെഎംസിസി സെന്‍ട്രല്‍ കമ്മിറ്റി പ്രസിഡന്റ് സിപി മുസ്തഫ കിക്കോഫ് ചെയ്തു. ടൂര്‍ണമെന്റിന് മുന്നോടിയായി നടന്ന മാര്‍ച്ച് പാസ്റ്റില്‍ പതിനാറ് നിയോജക മണ്ഡലം കമ്മിറ്റികളുടെയും നേതൃത്വത്തില്‍ പ്രവര്‍ത്തകര്‍ അണിനിരന്നു. മാര്‍ച്ച് പാസ്റ്റിലെ മികച്ച പ്രകടനത്തിനുള്ള അവാര്‍ഡിന് താനൂര്‍,മലപ്പുറം മണ്ഡലം കമ്മിറ്റികള്‍ അര്‍ഹരായി. ടൂര്‍ണമെന്റിലെ മികച്ച കളിക്കാരാനും കൂടുതല്‍ ഗോള്‍ നേടിയ താരവുമായി കാളികാവിന്റെ ഡാനിഷിനെ തിരഞ്ഞെടുത്തു.
മികച്ച ഗോള്‍കീപ്പറായി കാളികാവിന്റെ നഹീലും മികച്ച പ്രതിരോധ താരമായി വാഴക്കാടിന്റെ സക്കരിയയും വെറ്ററന്‍ താരമായി അങ്ങാടിപ്പുറം പഞ്ചായത്തിലെ സൈതലവിയും തിരഞ്ഞെടുക്കപ്പെട്ടു. വിജയികള്‍ക്കുള്ള ജയ് മസാല ട്രോഫി മലപ്പുറം ജില്ലാ കെഎംസിസി പ്രസിഡന്റ് ഷൗക്കത്ത് കടമ്പോട്ടും സ്‌കോര്‍ ചെയര്‍മാന്‍ ഷക്കീല്‍ തിരൂര്‍ക്കാടും ചേര്‍ന്ന് നല്‍കി. റണ്ണേഴ്‌സ് ട്രോഫി ജില്ലാ കെഎംസിസി ജനറല്‍ സെക്രട്ടറി സഫീര്‍ മുഹമ്മദും സ്‌കോര്‍ കണ്‍വീനര്‍ മൊയ്തീന്‍കുട്ടി പൊന്മളയും ചേര്‍ന്ന് നല്‍കി. വിവിധ ട്രോഫികള്‍ ഉസ്മാന്‍ അലി പാലത്തിങ്ങല്‍,കെകെ കോയാമു ഹാജി,മുഹമ്മദ് വേങ്ങര,തെന്നല മൊയ്തീന്‍കുട്ടി, സത്താര്‍ താമരത്ത്,അഷ്‌റഫ് കല്‍പകഞ്ചേരി,ഷാഫി മാസ്റ്റര്‍ തുവ്വൂര്‍,മുനീര്‍ വാഴക്കാട് എന്നിവര്‍ കൈമാറി. വിവിധ നിയോജക മണ്ഡലം ഭാരവാഹികള്‍ കളിക്കാരുമായി പരിചയപ്പെട്ടു. ജില്ലാ ഭാരവാഹികളായ മുനീര്‍ മക്കാനി,ഷരീഫ് അരീക്കോട്,നൗഫല്‍ താനൂര്‍,മജീദ് മണ്ണാര്‍മ്മല,അര്‍ഷദ് ബാഹസ്സന്‍ തങ്ങള്‍,സഫീര്‍ കരുവാരകുണ്ട്,യൂനുസ് നാണത്ത്,സലാം പയ്യനാട്,ഇസ്മായില്‍ ഓവുങ്ങല്‍,ശബീറലി പള്ളിക്കല്‍, റഫീഖ് ചെറുമുക്ക്,സ്‌കോര്‍ സമിതി അംഗങ്ങളായ അഷ്‌റഫ് മോയന്‍,നൗഷാദ് ചക്കാല,സാലിഹ് കൂട്ടിലങ്ങാടി,ഹംസക്കോയ പള്ളിക്കല്‍,ആതിഫ് തവനൂര്‍,ഷുക്കൂര്‍ വടക്കേമണ്ണ,ജാഫര്‍ കാളികാവ്,ഷാജി ഏറനാട്,സിദ്ദീഖ് കോനരി,നൗഫല്‍ തൊമ്മങ്ങാടന്‍,ഷറഫു തേഞ്ഞിപ്പലം,ഫര്‍ഹാന്‍ കല്ലന്‍,ഹംസ കട്ടുപ്പാറ,നസീര്‍ കണ്ണീരി,നൗഷാദ് പിടി,റസാഖ് പൊന്നാനി,നിയോജക മണ്ഡലം കോര്‍ഡിനേറ്റമാരായ ഇകെ ഷകീര്‍,ഫിറോസ് പള്ളിപ്പടി,സഫീര്‍ സിനാന്‍,അബ്ദുല്‍ ബാസിത് എം കെ,ഇക്ബാല്‍ തിരൂര്‍,ഷഫീഖ് ബീരാന്‍,മൊയ്ദീന്‍കുട്ടി പൂവ്വാട്,അമീര്‍ പൂക്കോട്ടോര്‍,ഫൈസല്‍ മണ്ണാര്‍മല,ജംഷി നിലംബൂര്‍,അബ്ദുല്‍ ഷുക്കൂര്‍ വെള്ളിയത്ത്,ബഷീര്‍ വല്ലാഞ്ചിറ,യുഎം നിസാര്‍ നേതൃത്വം നല്‍കി.
