അബുദാബി അപകടം: നാലാമത്തെ കുട്ടിയും മരിച്ചു; മരണസംഖ്യ അഞ്ചായി
Mon, 12 Jan 2026
റിയാദ്: മലപ്പുറം ജില്ലാ കെഎംസിസി സംഘടിപ്പിക്കുന്ന ‘കാലിഫ്’ മാപ്പിള കലോത്സവത്തിന്റെ രണ്ടാംദിനം ബത്ഹ നൂര് ഓഡിറ്റോറിയത്തിലെ ‘ബാലകൃഷ്ണന് വള്ളിക്കുന്ന്’ വേദിയില് ആവേശകരമായ മൂന്ന് മത്സരങ്ങള് നടന്നു. ജനറല് വിഭാഗം ഉപന്യാസ രചന,മാപ്പിളപ്പാട്ട് രചന,സീനിയര് പുരുഷ വിഭാഗം പ്രസംഗ മത്സരം എന്നിവയില് നിരവധി മത്സരാര്ത്ഥികള് മാറ്റുരച്ചു. ‘മലബാറിലെ സ്വാതന്ത്ര്യസമര പോരാട്ടങ്ങളും മാപ്പിള കലകളും’ വിഷയത്തില് നടന്ന ഉപന്യാസ രചനാ മത്സരവും ‘1980 ലെ അറബി ഭാഷാ സമരം’ എന്ന വിഷയത്തില് നടന്ന മാപ്പിളപ്പാട്ട് രചനാ മത്സരവും ശ്രദ്ധേയമായി. വിവിധ മണ്ഡലങ്ങളില് നിന്നുള്ള പ്രതിഭകള് രചനാ മത്സരങ്ങളില് പങ്കെടുത്തു.
വിജയികളെ അടുത്ത വെള്ളിയാഴ്ച ‘കാലിഫ്’ മത്സരവേദിയില് പ്രഖ്യാപിക്കും. ‘മതനിരപേക്ഷത വര്ത്തമാന കാലഘട്ടത്തില്’,’ഇന്ത്യന് സ്വാതന്ത്ര്യ സമരവും മുസ്ലിം സമുദായവും’,’ലഹരിയിലമരുന്ന യുവത’ എന്നീ വിഷയങ്ങളില് നടന്ന സീനിയര് പുരുഷ വിഭാഗം പ്രസംഗ മത്സരത്തില് മുഹമ്മദ് റിന്ഷാദ് (വണ്ടൂര് മണ്ഡലം),ഷബീറലി ജാസ് ആട്ടീരി (വേങ്ങര മണ്ഡലം),ഇംതിയാസ് ബാബു (മലപ്പുറം മണ്ഡലം) എന്നിവര് ഫൈനല് റൗണ്ടിലേക്ക് യോഗ്യത നേടി. മത്സരത്തിന് അഞ്ചു മിനുട്ട് മുമ്പ് നറുക്കെടുപ്പിലൂടെ ലഭിച്ച വിഷയത്തിലാണ് മത്സരാര്ത്ഥികള് പ്രസംഗം അവതരിപ്പിച്ചത്.
റിയാദ് കെഎംസിസി സെന്ട്രല് കമ്മിറ്റി ഓര്ഗനൈസിങ് സെക്രട്ടറി സത്താര് താമരത്ത്,കോഴിക്കോട് ജില്ലാ കെഎംസിസി പ്രസിഡന്റ് സുഹൈല് കൊടുവള്ളി എന്നിവരായിരുന്നു വിധികര്ത്താക്കള്. സഊദി നാഷണല് കെഎംസിസി വെല്ഫെയര് വിങ് ജനറല് കണ്വീനര് മുഹമ്മദ്കുട്ടി പാണ്ടിക്കാട് വിശിഷ്ടാതിഥിയായിരുന്നു. ‘കാലിഫ് 2025’ ഡയരക്ടര് ഷാഫി മാസ്റ്റര് തുവ്വൂര് ആമുഖഭാഷണം നടത്തി. ജില്ലാ കെഎംസിസി ആക്റ്റിങ് പ്രസിഡന്റ് ശരീഫ് അരീക്കോട് അധ്യക്ഷനായി.
ജനറല് സെക്രട്ടറി സഫീര് തിരൂര് സ്വാഗതവും,സെക്രട്ടറി അര്ഷദ് തങ്ങള് നന്ദിയും മണ്ഡലങ്ങളുടെ പോയിന്റ് നില നവാസ് കുറുങ്കാട്ടില് പ്രഖ്യാപിച്ചു. സെപ്തംബര് അവസാനം വരെ നീണ്ടുനില്ക്കുന്ന കാലിഫിന്റെ മൂന്നാംദിന മത്സരങ്ങള് അടുത്ത വെള്ളിയാഴ്ച അരങ്ങേറും. ജനറല് വിഭാഗം അറബി മലയാളം കയ്യെഴുത്ത്,കുട്ടികള്ക്കുള്ള നേതൃസ്മൃതികഥപറച്ചില്,കുട്ടികളുടെ മാപ്പിളപ്പാട്ട് മത്സരങ്ങള് നടക്കും. നൂര് ഓഡിറ്റോറിയത്തിലെ കെ.ടി മാനു മുസ്ലിയാര് വേദിയിലാണ് മത്സരങ്ങള്. പങ്കെടുക്കാന് ആഗ്രഹിക്കുന്നവര്ക്ക് ഓണ്ലൈന് വഴി രജിസ്റ്റര് ചെയ്യാം. റിയാദിലെ കലാസ്വാദകര്ക്ക് ‘കാലിഫ് 2025’ പുതിയ അനുഭവമായി മാറുകയാണെന്ന് സംഘാടക സമിതി ഭാരവാഹികള് പറഞ്ഞു.
