സഊദിയില്‍ വാഹനപകടത്തില്‍ മലയാളി ഉള്‍പ്പെടെ 4 പേര്‍ മരിച്ചു
Thu, 21 Aug 2025
റിയാദ്: റിയാദ് മലപ്പുറം ജില്ലാ കെഎംസിസി ‘കാലിഫ്’ മാപ്പിള കലോത്സവത്തിന്റെ മൂന്നാംദിനം പുതിയ പ്രതിഭകളുടെ താരോദയത്തിന് സാക്ഷിയായി. ആവേശകരമായ അഞ്ചു മത്സരങ്ങളാണ് മൂന്നാംദിനത്തില്‍ അരങ്ങേറിയത്. മുന്‍ ദിവസങ്ങളെക്കാള്‍ കൂടുതല്‍ ആളുകള്‍ ഒഴുകിയെത്തിയ കലോത്സവം റിയാദിലെ മലയാളികള്‍ ഏറ്റെടുത്തതിന്റെ തെളിവായിരുന്നു. കെടി മാനു മുസ്‌ലിയാരുടെ നാമധേയത്തിലുള്ള വേദിയില്‍ നടന്ന സീനിയര്‍ വിഭാഗം അറബി മലയാളം കയ്യെഴുത്ത് മത്സരത്തില്‍ വിവിധ മണ്ഡലങ്ങളില്‍ നിന്ന് നൂറിലധികം മത്സരാര്‍ത്ഥികള്‍ പങ്കെടുത്തു. മത്സരവിജയികളെ അടുത്തയാഴ്ച മത്സരവേദിയില്‍ പ്രഖ്യാപിക്കും. ടി.ഉബൈദ് സ്മാരക വേദിയില്‍ സബ്ജൂനിയര്‍,ജൂനിയര്‍ വിഭാഗങ്ങളിലെ മാപ്പിളപ്പാട്ട് മത്സരങ്ങളും,നേതൃസ്മൃതി കഥപറച്ചില്‍ മത്സരങ്ങളും നടന്നു.
മുസ്്‌ലിം സമുദായത്തിന്റെ കല,സംസ്‌കാരം,സാഹിത്യം,രാഷ്ട്രീയം,സ്വാതന്ത്ര്യസമരം എന്നീ മേഖലകളില്‍ സംഭാവനകള്‍ നല്‍കിയ മണ്‍മറഞ്ഞ നേതാക്കളുടെ ചരിത്രമായിരുന്നു കഥപറച്ചില്‍ വിഷയം. സബ്ജൂനിയര്‍,ജൂനിയര്‍ വിഭാഗങ്ങളില്‍ നടന്ന മത്സരം കുട്ടികള്‍ ആവേശത്തോടെ ഏറ്റെടുത്തു. ഖാഇദെ മില്ലത്ത് മുഹമ്മദ് ഇസ്മായീല്‍ സാഹിബ്,പാണക്കാട് സയ്യിദ് മുഹമ്മദലി ശിഹാബ് തങ്ങള്‍,സിഎച്ച് മുഹമ്മദ്‌കോയ,കെഎം സീതി സാഹിബ്,സീതി ഹാജി തുടങ്ങി നിരവധി നേതാക്കളുടെ ചരിത്രം കുട്ടികള്‍ നിറഞ്ഞ സദസിനു മുന്നില്‍ കഥകളായി അവതരിപ്പിച്ചത് ശ്രദ്ധേയമായി.
മാപ്പിളപ്പാട്ട്,നേതൃസ്മൃതി കഥ പറച്ചില്‍ മത്സരങ്ങളില്‍ നിന്ന് ഗ്രാന്റ് ഫിനാലെയിലേക്ക് യോഗ്യത നേടിയവരെ പ്രഖ്യാപിച്ചു. മാപ്പിളപ്പാട്ട് (സബ് ജൂനിയര്‍) വിഭാഗത്തില്‍ ബിഷറുല്‍ ഹാഫി പി.വി (വള്ളിക്കുന്ന്),ഹാനിയ അക്ബര്‍ (വള്ളിക്കുന്ന്),ദഖീഖ് അഹ്്മദ് (വള്ളിക്കുന്ന്),മാപ്പിളപ്പാട്ട് (ജൂനിയര്‍)-റിന്‍ഹാ റിയാസ്(വണ്ടൂര്‍),ഫര്‍ഹ ഫാത്തിമ(കോട്ടക്കല്‍),ഫനാന്‍ മുഹമ്മദ്(വണ്ടൂര്‍) എന്നിവരാണ് ഗ്രാന്‍ഡ് ഫിനാലെയിലേക്ക് യോഗ്യത നേടിയത്. റാഷിദ് വാഫി,സ്വാലിഹ് മാസ്റ്റര്‍ എന്നിവരായിരുന്നു വിധികര്‍ത്താക്കള്‍. നേതൃസ്മൃതി കഥപറച്ചില്‍(സബ് ജൂനിയര്‍) വിഭാഗത്തില്‍ ഫൈഹ ഫാത്തിമ(കോട്ടക്കല്‍),ബിഷ്‌റുല്‍ ഹാഫി പിവി(വള്ളിക്കുന്ന്),മുഹമ്മദ് ഫസീഹ്(വണ്ടൂര്‍) എന്നിവരും ജൂനിയര്‍ വിഭാഗത്തില്‍ ഫനാന്‍ മുഹമ്മദ് (വണ്ടൂര്‍),ജുംലിഷ് (വള്ളിക്കുന്ന്),അറഫാത്ത്(വള്ളിക്കുന്ന്) എന്നിവരും ഗ്രാന്‍ഡ് ഫിനാലെയിലേക്ക് യോഗ്യത നേടി. സിദ്ദിഖ് കോങ്ങാട്,നദീറ ഷംസു എന്നിവരായിരുന്നു വിധികര്‍ത്താക്കള്‍.
മൂന്നാം ദിവസത്തെ മത്സരങ്ങള്‍ക്ക് മലപ്പുറം ജില്ലാ ജനറല്‍ സെക്രട്ടറി സഫീര്‍ തിരൂര്‍,കാലിഫ് 2025 ഡയരക്ടര്‍ ഷാഫി മാസ്റ്റര്‍ തുവ്വൂര്‍,നവാസ് കുരുങ്ങാട്ടില്‍,ഷരീഫ് അരീക്കോട്,മുനീര്‍ മക്കാനി,അര്‍ഷാദ്ബഹാസന്‍,സഫീര്‍ ഖാന്‍ വണ്ടൂര്‍,ശബീറലി വള്ളിക്കുന്ന്,സലാം മഞ്ചേരി,യൂനുസ് നാണത്ത്,മുനീര്‍ വാഴക്കാട്,ഇസ്മായില്‍ താനൂര്‍,അലിക്കുട്ടി കൂട്ടായി,റഫീഖ് ചെറുമുക്ക്,മജീദ് മണ്ണാര്‍മല,ഷാജഹാന്‍ വള്ളിക്കുന്ന്,ഷമീം എടപ്പറ്റ,നസീര്‍ കണ്ണീരി,ഷറഫു വള്ളിക്കുന്ന്,ബഷീര്‍ ചുള്ളിക്കോട്,അമീറലി പൂക്കോട്ടൂര്‍ നേതൃത്വം നല്‍കി. പെരുന്നാളിന് ശേഷം മികവുറ്റതും വാശിയേറിയതുമായ കൂടുതല്‍ മത്സരങ്ങളുമായി കാലിഫിന്റെ വേദികള്‍ വീണ്ടും ഉണരുമെന്ന് സംഘാടകര്‍അറിയിച്ചു.
