ധാര്‍മികത ഉയര്‍ത്തിപ്പിടിക്കുക: വിദ്യാര്‍ത്ഥികള്‍ക്ക് പ്രസിഡന്റ് ശൈഖ് മുഹമ്മദിന്റെ സന്ദേശം
Mon, 25 Aug 2025
റിയാദ്: കേരളത്തില്‍ തുടര്‍ഭരണം ലഭിച്ച സിപിഎം അധികാരം നിലനിര്‍ത്താന്‍ വര്‍ഗീയ ചേരിതിരിവിന് ശ്രമിക്കുകയാണെന്ന് മുസ്‌ലിംലീഗ് സംസ്ഥാന സെക്രട്ടറി ഷാഫി ചാലിയം. റിയാദ് കെഎംസിസി സെന്‍ട്രല്‍ കമ്മിറ്റി ബത്ഹ അപ്പോളോ ഡിമോറ ഓഡിറ്റോറിയത്തില്‍ സംഘടിപ്പിച്ച ‘അധികാരം,വര്‍ഗീയത,രാഷ്ട്രീയം’ പരിപാടിയി ല്‍ പ്രഭാഷണം നടത്തുകയായിരുന്നു. റിയാദ് കെഎംസിസി സെന്‍ട്രല്‍ കമ്മിറ്റി പ്രസിഡന്റ് സിപി മുസ്തഫ അധ്യക്ഷനായി. വയനാട് ജില്ലാ മുസ്‌ലിംലീഗ് ജനറല്‍ സെക്രട്ടറി ടി.മുഹമ്മദ് ഉദ്ഘാടനം ചെയ്തു.
സിപിഎം ജില്ലാ സമ്മേളനങ്ങളില്‍ പ്രധാനായും ലക്ഷ്യംവക്കുന്നത് മുസ്‌ലിംലീഗിനെയാണ്. ലീഗിനെതിരെ നിരന്തരം ആരോപണങ്ങള്‍ ഉന്നയിക്കുകയും അതുവഴി യുഡിഎഫിനെ ദുര്‍ബലപ്പെടുത്തുകയും ചെയ്യുക എന്ന നയമാണ് സിപിഎം സ്വീകരിക്കുന്നത്. കഴിഞ്ഞ നിയമസഭാ തിരഞ്ഞെടുപ്പ് സമയത്ത് ഹസനും അമീറും കുഞ്ഞാലിക്കുട്ടിയും ചേര്‍ന്നാണ് കേരളം ഭരിക്കാന്‍ പോകുന്നതെന്ന പ്രചാരണമാണ് വ്യാപകമായി അവര്‍ നടത്തിയത്. പാണക്കാട് സയ്യിദ് സാദിഖലി ശിഹാബ് തങ്ങള്‍ ജമാഅത്തെ ഇസ്‌ലാമിയുടെ അനുയായിയെന്ന മട്ടില്‍ പെരുമാറുന്നു എന്നാണ് മുഖ്യമന്ത്രി പിണറായി വിജയന്‍ സമീപകാലത്ത് ഉന്നയിച്ച മറ്റൊരു ആരോപണം. മുനമ്പം വിഷയത്തില്‍ മാതൃകാപരവും പക്വവുമായ നിലപാട് സ്വീകരിച്ച സാദിഖലി തങ്ങളുടെ ഇടപെടലുകള്‍ സിപിഎമ്മിനെ വല്ലാതെ അസ്വസ്ഥമാക്കുന്നുണ്ട്. പാലക്കാട്ടും വയനാട്ടും ഉപതിരഞ്ഞെുടുപ്പുകളില്‍ യുഡിഫ് നേടിയ മിന്നും ജയം വര്‍ഗീയമാക്കാനുള്ള ശ്രമമാണ് സിപിഎം നടത്തിയതെന്നും ഷാഫി ചാലിയം കൂട്ടിച്ചേര്‍ത്തു.
കോണ്‍ഗ്രസ് നേതാവ് സന്ദീപ് വാര്യര്‍ മുഖ്യാതിഥിയായിരുന്നു. മതേതര നിലപാടുകളില്‍ വിട്ടുവീഴ്ച ചെയ്യാത്ത രാഷ്ട്രീയ പാര്‍ട്ടിയാണ് മുസ്‌ലിംലീഗെന്നും മുസ്‌ലിം എന്ന പേരില്‍ ഏഴര പതിറ്റാണ്ടായി പ്രവര്‍ത്തിക്കുന്ന ഈ പാര്‍ട്ടിയുടെ ഒരു പ്രവര്‍ത്തകനെതിരെ പോലും രാജ്യവിരുദ്ധ പ്രവര്‍ത്തനം നടത്തിയതിന്റെ പേരില്‍ നടപടിയെടുക്കേണ്ട സാഹചര്യം ഉണ്ടായിട്ടില്ലെന്നും സന്ദീപ് വാര്യര്‍ പറഞ്ഞു. ഇന്ത്യയുടെ ഭരണഘടനാ നിര്‍മാണ സഭയിലേക്ക് ഡോ.അംബേദ്കറെ തിരഞ്ഞെടുത്തയച്ച രാഷ്ട്രീയ പാര്‍ട്ടിയാണ് മുസ്‌ലിം ലീഗ്. യുദ്ധത്തില്‍ പങ്കെടുക്കാന്‍ സ്വന്തം മകനെ ഇന്ത്യന്‍ പട്ടാളത്തിലേക്ക് എടുക്കണമെന്ന് അഭ്യര്‍ത്ഥിച്ച് കത്തെഴുതിയ ഖാഇദേ മില്ലത്ത് മുഹമ്മദ് ഇസ്മായീല്‍ സാഹിബിന്റെ രാജ്യ സ്‌നേഹം മാതൃകാപരമാണെന്നും അദ്ദേഹം കൂട്ടിച്ചേര്‍ത്തു. റിയാദ് കെഎംസിസി സെന്‍ട്രല്‍ കമ്മിറ്റിയുടെ ഉപഹാരം എംഐ തങ്ങള്‍ രചിച്ച ”ന്യൂനപക്ഷ രാഷ്ട്രീയം ദൗത്യവും ദര്‍ശനവും’ പുസ്തകം സന്ദീപ് വാര്യര്‍ക്ക് നല്‍കി. സെന്‍ട്രല്‍ കമ്മിറ്റി സുരക്ഷ പദ്ധതിയില്‍ കൂടുതല്‍ അംഗങ്ങളെ ചേര്‍ത്ത നിയോജക മണ്ഡലം കമ്മിറ്റികള്‍ക്കുള്ള ഉപഹാരങ്ങള്‍ ചടങ്ങില്‍ കൈമാറി. കൊടുവള്ളി,മങ്കട,വള്ളിക്കുന്ന് എന്നീ മണ്ഡലങ്ങളാണ് ഒന്നും രണ്ടും മൂന്നും സ്ഥാനങ്ങള്‍ നേടിയത്.
സഊദി കെഎംസിസി നാഷണല്‍ കമ്മിറ്റി വൈസ് പ്രസിഡന്റുമാരായ വികെ മുഹമ്മദ്,ഉസ്മാന്‍ അലി പാലത്തിങ്ങല്‍,നാഷണല്‍ കമ്മിറ്റി സെക്രട്ടറിയേറ്റ് അംഗങ്ങളായ മുഹമ്മദ് വേങ്ങര,മുജീബ് ഉപ്പട, സെന്‍ട്രല്‍ കമ്മിറ്റി ഭാരവാഹികളായ സത്താര്‍ താമരത്ത്,അബ്ദുറഹ്മാന്‍ ഫറൂഖ്,അഷ്‌റഫ് കല്‍പകഞ്ചേരി,മജീദ് പയ്യന്നൂര്‍,നാസര്‍ മാങ്കാവ്,നജീബ് നല്ലാങ്കണ്ടി,ഷമീര്‍ പറമ്പത്ത്,ഷംസു പെരുമ്പട്ട,പിസി അലി വയനാട്,കബീര്‍ വൈലത്തൂര്‍ പ്രസംഗിച്ചു. റിയാദ് കെഎംസിസി സെന്‍ട്രല്‍ കമ്മിറ്റി ജനറല്‍ സെക്രട്ടറി ശുഐബ് പനങ്ങാങ്ങര സ്വാഗതവും ട്രഷറര്‍ അഷ്‌റഫ് വെള്ളേപ്പാടം നന്ദിയും പറഞ്ഞു.
