ഭദ്രമായ കുടുംബം സുരക്ഷിത സമൂഹത്തിന്റെ അടിത്തറ: അഡ്വ. ഹാരിസ് ബീരാന്‍ എംപി
Wed, 24 Sep 2025
ഷാര്‍ജ: ഷാര്‍ജ സഫാരി തുറന്നു; ഇനി ആഫ്രിക്കന്‍ കാടുകളിലൂടെ ആസ്വാദ്യകരമായ യാത്ര അനുഭവിക്കാം. സഫാരിയിടത്തില്‍ സവാരിക്ക് സന്ദര്‍ശകരെത്തി തുടങ്ങി. ആഫ്രിക്കക്ക് പുറത്തെ ഏറ്റവും വലിയ സഫാരിയായ ഷാര്‍ജ സഫാരിയുടെ അഞ്ചാം സീസണ്‍ തിങ്കളാഴ്ചയാണ് ആരംഭിച്ചത്. 120-ലധികം ജന്തുജാലങ്ങള്‍ ഉള്‍ക്കൊള്ളുന്ന ഷാര്‍ജ സഫാരി, സന്ദര്‍ശകര്‍ക്ക് പ്രകൃതിദത്തമായ പശ്ചാത്തലത്തില്‍ വിനോദത്തിന്റെയും വിദ്യാഭ്യാസ അനുഭവങ്ങളുടെയും സവിശേഷമായ ആസ്വാദനം വാഗ്ദാനം ചെയ്യുന്നു. ഷാര്‍ജ സഫാരിയുടെ വിശാലവും ആഴത്തിലുള്ളതുമായ അന്തരീക്ഷത്തില്‍, വന്യജീവികളെ പര്യവേക്ഷണം ചെയ്യാനും ആഫ്രിക്കന്‍ ആവാസ വ്യവസ്ഥ അനുഭവിക്കാനും സന്ദര്‍ശകര്‍ക്ക് അവസരം നല്‍കുന്നു. ജിറാഫുകള്‍, ആനകള്‍, സിംഹങ്ങള്‍, മാനുകള്‍, ലെമറുകള്‍, മുതലകള്‍ എന്നിവയുള്‍പ്പെടെ നിരവധി മൃഗങ്ങള്‍ സഫാരിയില്‍ വിലസി നടക്കുന്നു. ഇവയെല്ലാം വൈവിധ്യമാര്‍ന്നതും വിദഗ്ദമായി പുനര്‍നിര്‍മ്മിച്ചതുമായ ആവാസ വ്യവസ്ഥകളിലാണ് ജീവിക്കുന്നത്. ശാസ്ത്രീയവും പാരിസ്ഥിതികവുമായ നേട്ടങ്ങളുടെ പൈതൃകത്തിലേക്ക് ഒരു അത്ഭുതമായാണ് പരിസ്ഥിതി, സംരക്ഷിത മേഖല അതോറിറ്റിയുടെ കീഴിലെ പ്രധാന കേന്ദ്രമായ ഷാര്‍ജ സഫാരി ചുറ്റി കാണുന്നതിന് നിരവധി പേരാണ് ദിവസവും എത്തുക. ആഫ്രിക്കന്‍ സവന്ന ആനയുടെ ജനനവും ആഗോളതലത്തില്‍ വംശ നാശ ഭീഷണി നേരിടുന്നവയായി പട്ടികപ്പെടുത്തിയിരിക്കുന്ന റിംഗ്‌ടെയില്‍ഡ് ലെമൂര്‍ ഇരട്ടകളുടെ വരവും അഞ്ചാം പതിപ്പിനെ വിത്യസ്ഥമാക്കുന്നു. സഫാരി സംരക്ഷണത്തിനും വിദ്യാഭ്യാസത്തിനുമുള്ള ആഗോള കേന്ദ്രമായി ഷാര്‍ജ സഫാരി ഇതിനകം ഉയര്‍ന്നു. ഷാര്‍ജ സഫാരിയിലെ പ്രജനന ശ്രേണിയില്‍ നവജാത ആനയുടെ വരവ് മറ്റൊരു ആകര്‍ഷണമാണ്. ഭൂമിയിലെ ഏറ്റവും വലിയ കര സസ്തനിയായ ആഫ്രിക്കന്‍ സവന്ന ആന ആഫ്രിക്കന്‍ വന്യജീവികളുടെ ശക്തിയുടെ പ്രതീകമാണ്. വെറ്ററിനറി, ന്യൂട്രീഷന്‍ ടീമുകള്‍ ജനനം മുതല്‍ അമ്മയെയും കുട്ടിയെയും സ്ഥിരത കൈവരിക്കുന്നതുവരെ സൂക്ഷ്മമായി നിരീക്ഷിച്ചു, ഉയര്‍ന്ന നിലവാരത്തില്‍ പ്രൊഫഷണല്‍, സ്‌പെഷ്യലൈസ്ഡ് പരിചരണം നല്‍കി. അതേസമയം, റിംഗ്‌ടെയില്‍ഡ് ലെമൂര്‍ ഇരട്ടകളുടെ ജനനം ഒരു അപൂര്‍വ ശാസ്ത്ര നേട്ടമാണ്. അതുല്യമായ സാമൂഹിക പെരുമാറ്റത്തിനും സന്തുലിതാവസ്ഥക്കും ആശയവിനിമയത്തിനും വേണ്ടി വരയുള്ള വാലുകളുടെ ശ്രദ്ധേയമായ ഉപയോഗത്തിനും പേരുകേട്ട ഈ ലെമറുകള്‍ ഷാര്‍ജ സഫാരിയുടെ നിലവിലുള്ള സംരക്ഷണ ശ്രമങ്ങളിലെ പ്രധാന നേട്ടമാണ്. വംശനാശ ഭീഷണി നേരിടുന്ന ജീവികളെ സംരക്ഷിക്കാന്‍ ലക്ഷ്യമിടുന്ന ആഗോള സംരംഭങ്ങളിലേക്കുള്ള സഫാരിയുടെ സംഭാവനയെ ഈ ജനനങ്ങള്‍ ശക്തിപ്പെടുത്തുന്നു. 2025 ലെ രണ്ടാം പാദത്തില്‍ 184 പുതിയ പക്ഷികളുടെയും സസ്തനികളുടെയും ജനനങ്ങള്‍ രേഖപ്പെടുത്തി. പൂര്‍ണ്ണമായും സമ്പുഷ്ടമായ പ്രകൃതിദത്ത ആവാസ വ്യവസ്ഥകളുടെ സൃഷ്ടിയെയും ഉയര്‍ന്ന വെറ്ററിനറി പരിചരണ മാനദണ്ഡങ്ങള്‍ പാലിക്കുന്നതിനെയും ഈ ശ്രദ്ധേയമായ സംഖ്യ പ്രതിഫലിപ്പിക്കുന്നു. ഈ പുതിയ കൂട്ടിച്ചേര്‍ക്കലുകളോടു കൂടി ജിറാഫുകള്‍, സിംഹങ്ങള്‍, ആനകള്‍, കാണ്ടാമൃഗങ്ങള്‍, അപൂര്‍വ പക്ഷികള്‍ എന്നിവയുള്‍പ്പെടെ സഫാരിയിലെ ആകെ ഇനങ്ങളുടെ എണ്ണം 151 ആയി ഉയര്‍ന്നു. ആഫ്രിക്കന്‍ വന്യജീവികളെ വിശ്വസ്തതയോടെ പ്രതിഫലിപ്പിക്കുന്ന ഒരു സന്തുലിത ആവാസ വ്യവസ്ഥയെയാണ് ഇത് തെളിയിക്കുന്നത്. ദിവസവും രാവിലെ 8:30 മുതല്‍ വൈകുന്നേരം 6 മണി വരെയാണ് പൊതു ജനങ്ങള്‍ക്ക് പ്രവേശനം. എല്ലാ വിഭാഗം സന്ദര്‍ശകര്‍ക്കും അനുയോജ്യമായ വൈവിധ്യമാര്‍ന്ന ടിക്കറ്റുകളും പാക്കേജുകളും ഒരുക്കിയിട്ടുണ്ട്. സ്വര്‍ണ്ണം, വെള്ളി, വെങ്കലം പാക്കേജുകള്‍ ഇതില്‍ ഉള്‍പ്പെടുന്നു. മികച്ച അനുഭവം ഉറപ്പാക്കും വിധം രൂപകല്‍പ്പന ചെയ്തിരിക്കുന്നതാണ് സന്ദര്‍ശക പാസ് പാക്കേജുകള്‍.
