ഇമാറാത്തിന്റെ നീലാകാശത്ത് വിസ്മയം തീര്ക്കാനൊരുങ്ങി യുണൈറ്റഡ് പി ആര് ഒ അസോസിയേഷന്
Mon, 08 Dec 2025
ദുബൈ : യുഎഇയില് ജോലി ചെയ്യുന്നവര്ക്ക് കുടുംബത്തെ കൊണ്ടുവരണമെങ്കിലുള്ള മാനദണ്ഡങ്ങളില് മാറ്റമുണ്ട്. 3000 ദിര്ഹം ശമ്പളവും താമസ സൗകര്യവുമുള്ളവര്ക്ക് കുടുംബത്തെ കൊണ്ടുവരാം. പക്ഷെ താമസ സൗകര്യം സ്പോണ്സര് വഹിക്കണം. അതല്ല 4000 ദിര്ഹം ശമ്പളവും താമസ സൗകര്യവുമുള്ളവര്ക്ക് സ്പോണ്സറുടെ സഹായമില്ലാതെ കുടുംബത്തെ എത്തിക്കാം. പിതാവ് യുഎഇയില് ജോലി ചെയ്യുന്നുണ്ടെങ്കില് മക്കളുടെ സ്പോണ്സര്ഷിപ്പില് മാതാവിനെ ഉള്പ്പെടുത്താനാവില്ല. സ്പോണ്സര് പിതാവ് തന്നെയായിരിക്കണം. തൊഴില് മേഖല, തസ്തിക എന്നിവ പരിഗണിക്കാതെ അപേക്ഷകരുടെ ശമ്പളത്തിന്റെ അടിസ്ഥാനത്തില് ഫാമിലി വീസ അനുവദിക്കാനാണ് യുഎഇ തീരുമാനിച്ചിരിക്കുന്നത്. പിതാവിന്റെ വിസയിലെത്തുന്ന മക്കള്ക്ക് ജോലി ചെയ്യാന് അനുമതിയിയുണ്ടാവില്ല. ഉദ്യോഗസ്ഥര്ക്കും സംരംഭകര്ക്കും കുടുംബ വിസക്ക് അപേക്ഷിക്കാനും അനുമതിയുണ്ട്. ഭാര്യക്കും 18 വയസ്സ് കഴിയാത്ത ആണ്കുട്ടികള്ക്കും അവിവാഹിതരായ പെണ്മക്കള്ക്കും കുടുംബനാഥന്റെ സ്പോണ്സര്ഷിപ്പില് വിസ ലഭിക്കും. യുഎഇയില് പഠിക്കുന്ന ആണ്കുട്ടികള്ക്ക് ഒരുവര്ഷ കാലാവധിയുള്ള വിസയാകും ലഭിക്കുക. പഠനകാലം വരെ ഈ വിസ പുതുക്കാം. താല്ക്കാലിക വിസയില് എത്തിയവരെ സ്ഥിരം ആശ്രിത വിസയിലേക്കു മാറ്റുമ്പോള് കുടുംബം രാജ്യത്തെത്തിയ ദിവസം മുതല് 2 മാസത്തിനകം സ്പോണ്സര്ഷിപ് മാറ്റത്തിനുള്ള നടപടികള് പൂര്ത്തിയാക്കണം. ആശ്രിതര്ക്ക് കുടുംബനാഥന്റെ വിസ കാലാവധി വരെ യുഎഇയില് കഴിയാം. 18 വയസ്സിനു മുകളിലുള്ളവര്ക്ക് വിസ നടപടികള് പൂര്ത്തിയാക്കാന് മെഡിക്കല് സര്ട്ടിഫിക്കറ്റ് വേണം.
