ഇരുട്ടിലായ യമനില്‍ പത്ത് ലക്ഷം വീടുകള്‍ക്ക് വൈദ്യുതി നല്‍കി യുഎഇ
Sun, 31 Aug 2025
അബുദാബി: കപ്പല്‍ ഗതാഗതവുമായി ബന്ധപ്പെട്ട് അത്യാധുനിക സംവിധാനം നടപ്പാക്കാന്‍ യുഎഇക്ക് പുതിയ പദ്ധതി. മുഹമ്മദ് ബിന്‍ റാഷിദ് സ്‌പേസ് സെന്ററുമായി സഹകരിച്ച് സാറ്റ്‌ഗേറ്റ് പദ്ധതി ആരംഭിക്കുമെന്ന് ഊര്‍ജ, ഇന്‍ഫ്രാസ്ട്രക്ചര്‍ മന്ത്രാലയം അറിയിച്ചു. സാറ്റലൈറ്റ്, എഐ സാങ്കേതികവിദ്യകള്‍ ഉപയോഗിച്ച് കപ്പലുകളെ കണ്ടെത്തുന്നതിനും തീരദേശ നിരീക്ഷണതിനും കാലാവസ്ഥ പ്രവചിക്കുന്നതിനും ആഗോളതലത്തില്‍ യുഎഇയുടെ സ്ഥാനം ഉയര്‍ത്താന്‍ ലക്ഷ്യമിട്ടുള്ളതാണ് പദ്ധതി. യുഎഇ തുറമുഖങ്ങളിലെ കപ്പലുകളുടെ ഡാറ്റാബേസ് വികസിപ്പിക്കാനും ട്രാക്കിംഗ് ഉപകരണങ്ങളുമായി ബന്ധിപ്പിച്ചിട്ടില്ലാത്ത കപ്പലുകളുടെ സ്ഥാനം കണ്ടെത്തി തീരപ്രദേശങ്ങളുടെ സുരക്ഷ നിലനിര്‍ത്താന്‍ സഹായിക്കുന്നതിനുമാണ് സാറ്റ്‌ഗേറ്റ് പ്രോജക്റ്റ്.
സമുദ്ര സുരക്ഷ, ദേശീയ സമുദ്ര മേഖലയുടെ മത്സരശേഷി മെച്ചപ്പെടുത്തല്‍, അന്താരാഷ്ട്ര നിക്ഷേപകരെ ആകര്‍ഷിക്കല്‍ തുടങ്ങിയവ സാധ്യമാക്കാന്‍ കഴിയുമെന്ന് ഊര്‍ജ, അടിസ്ഥാന സൗകര്യ വികസന മന്ത്രി സുഹൈല്‍ മുഹമ്മദ് അല്‍ മസ്‌റൂയി ഊന്നിപ്പറഞ്ഞു. നൂതന സാങ്കേതികവിദ്യ ഉപയോഗിച്ച് ട്രാക്കിംഗ് സംവിധാനങ്ങള്‍ മെച്ചപ്പെടുത്താനും സമുദ്ര ഗതാഗതം മെച്ചപ്പെടുത്താനും അപകടസാധ്യതകള്‍ ലഘൂകരിക്കാനും യുഎഇ തുറമുഖങ്ങളിലൂടെയുള്ള വ്യാപാര, ഗതാഗത ഗതാഗതം വര്‍ദ്ധിപ്പിക്കാനും പദ്ധതി സഹായിക്കുമെന്നും അദ്ദേഹം അഭിപ്രായപ്പെട്ടു. കടല്‍ മേഖലയെ പിന്തുണക്കുന്നതിനുള്ള യുഎഇയുടെ പ്രതിബദ്ധത, കൃത്യവും അപ്‌ഡേറ്റ് ചെയ്തതുമായ ഡാറ്റ നല്‍കാനും അതനുസരിച്ച് തീരുമാനങ്ങളെടുക്കാനം കാര്യക്ഷമത വര്‍ദ്ധിപ്പിക്കാനും ഇതുവഴി കഴിയും. ഊര്‍ജ മന്ത്രാലയവുമായി സഹകരിച്ച് സാറ്റ്‌ഗേറ്റ് പദ്ധതി ആരംഭിച്ചത് സമുദ്രമേഖലയ്ക്ക് പ്രയോജനം ചെയ്യുന്നതിനായി ബഹിരാകാശ സാങ്കേതികവിദ്യ ഉപയോഗപ്പെടുത്തുന്നതിലെ സുപ്രധാന പുരോഗതിയെ പ്രതിനിധീകരിക്കുന്നുവെന്ന് എംബിആര്‍എസ്‌സി ചെയര്‍മാന്‍ ഹമദ് ഉബൈദ് അല്‍ മന്‍സൂരി പറഞ്ഞു. സുസ്ഥിര വികസനം കൈവരിക്കുന്നതിനും, ആഗോള തലത്തില്‍ ഒരു പ്രമുഖ നാവിക കേന്ദ്രമെന്ന നിലയില്‍ രാജ്യത്തിന്റെ സ്ഥാനം ശക്തിപ്പെടുത്തുന്നതിനുമായി നൂതന സാങ്കേതികവിദ്യ പ്രയോജനപ്പെടുത്തുന്നതിനുള്ള യുഎഇയുടെ കാഴ്ചപ്പാടാണ് ഈ പദ്ധതി ഉള്‍ക്കൊള്ളുന്നതെന്നും അദ്ദേഹം കൂട്ടിച്ചേര്‍ത്തു.
