കൊല്ലം സ്വദേശി അബുദാബിയില്‍ നിര്യാതനായി
Wed, 20 Aug 2025
ന്യൂഡല്‍ഹി: കൊച്ചി-സേലം ദേശീയപാതയില്‍ പാലിയേക്കര ടോല്‍ പിരിവ് തടഞ്ഞ ഹൈക്കോടതി ഉത്തരവിനെ ശരിവെച്ച് സുപ്രീം കോടതി. ഇതുസംബന്ധിച്ച് ദേശീയപാത അതോറിറ്റി ഹൈക്കോടതി വിധിക്കെതിരെ സമര്‍പിച്ച അപ്പീല്‍ സുപ്രീം കോടതി തള്ളി. ഗതാഗത യോഗ്യമല്ലാത്ത റോഡില്‍ ടോള്‍ നല്‍കേണ്ടതില്ലെന്നും റോഡ് നന്നാക്കുന്ന വിഷയത്തില്‍ ഹൈക്കോടതി നിരീക്ഷണം തുടരണമെന്നും സുപ്രീം കോടതി വ്യക്തമാക്കി. ടോള്‍ പിരിവ് വിഷയത്തില്‍ ദേശീയ പാത അതോറിറ്റിക്ക് കനത്ത തിരിച്ചടിയാണ് കോടതി ഉത്തരവിലൂടെ ഉണ്ടായിരിക്കുന്നത്. പാലിയേക്കര ടോള്‍ പിരിവ് തടഞ്ഞ ഹൈക്കോടതി ഉത്തരവിനെതിരായ ദേശീയപാത അതോറിറ്റിയുടെ ഹര്‍ജിയില്‍ ഉത്തരവ് പറയാനായി മാറ്റിവെച്ചിരുന്നു. റോഡിന്റെ അവസ്ഥ പരിതാപകരമെന്ന് സുപ്രീംകോടതി വിമര്‍ശിച്ചു. കഴിഞ്ഞദിവസം 12 മണിക്കൂര്‍ ഗതാഗതക്കുരുക്കാണ് ഉണ്ടായതെന്നും ഒരു മണിക്കൂറെടുക്കേണ്ട ദൂരത്തിന് 11 മണിക്കൂറിലേറെയെടുക്കുന്നുവെന്ന് ചീഫ് ജസ്റ്റിസ് ബി ആര്‍ ഗവായ് പറഞ്ഞു. മോശം റോഡിന് എന്തിന് ടോള്‍ നല്‍കണം എന്ന് ചോദിച്ച കോടതി അപ്പീല്‍ തള്ളുകയായിരുന്നു. മണ്‍സൂണ്‍ കാരണം അറ്റകുറ്റപ്പണി നടന്നില്ലെന്നാണ് കേന്ദ്രത്തിന്റെ വിശദീകരണം. ടോള്‍ തുക എത്രയെന്ന് കോടതി ചോദിച്ചു. 150 രൂപയാണ് ടോള്‍ എന്ന് ഹര്‍ജിക്കാരന്‍ വ്യക്തമാക്കി. ഇത്രയും പൈസ എന്തിനാണ് കൊടുക്കുന്നതെന്ന് ചീഫ് ജസ്റ്റിസ് ചോദിച്ചു. പ്രശ്‌നമുണ്ടെങ്കില്‍ ടോള്‍ പിരിവ് നിര്‍ത്തിവയ്ക്കുന്നതല്ല പരിഹാരമെന്ന് ദേശീയപാത അതോറിറ്റി വാദിച്ചു. ഉത്തരവാദിത്വം ഉപകരാര്‍ കമ്പനിക്കെന്നും പ്രധാന കരാര്‍ കമ്പനി വാദിച്ചു. എല്ലാ വാദഗതികളും തള്ളിയാണ് സുപ്രീംകോടതി അപ്പീലും തള്ളിയത്.
