സഊദിയില്‍ വാഹനപകടത്തില്‍ മലയാളി ഉള്‍പ്പെടെ 4 പേര്‍ മരിച്ചു
Thu, 21 Aug 2025
720 ലേറെ കമ്പനികള്‍; കൂടുതല്‍ യുഎഇ ഉത്പന്നങ്ങള്‍ അവതരിപ്പിച്ച് ലുലു
അബുദാബി: യുഎഇയിലെ പ്രാദേശിക ഉത്പന്നങ്ങളുടെ പ്രാധാന്യവും മികവും വിളിച്ചോതി ‘മേക്ക് ഇറ്റ് ഇന്‍ ദി എമിേററ്റ്‌സ് ഫോറ’ത്തിന് അബുദാബിയില്‍ തുടക്കം. 22 വരെ നീണ്ടുനില്‍ക്കുന്ന പ്രദര്‍ശനത്തില്‍ 720 ലേറെ കമ്പനികള്‍ പങ്കെടുക്കുന്നുണ്ട്. യുഎഇയില്‍ നിന്നുള്ള 3800 ഉത്പന്നങ്ങളാണ് ഫോറത്തില്‍ പ്രദര്‍ശിപ്പിക്കുന്നത്. ഭക്ഷ്യോത്പന്നങ്ങള്‍,സ്റ്റീല്‍,ആരോഗ്യം,ഐടി,ടൂറിസം,ആര്‍ട്ടിഫിഷ്യല്‍ ഇന്റലിജന്‍സ് തുടങ്ങി വിവിധ മേഖലകളില്‍ നിന്നുള്ള മുന്‍നിര കമ്പനികളാണ് മേക്ക് ഇറ്റ് ഇന്‍ ദി എമിറേറ്റ്‌സ് ഫോറത്തില്‍ പങ്കെടുക്കുന്നത്.
കെസാദ് ഗ്രൂപ്പ്,എമിറേറ്റ്‌സ് സ്റ്റീല്‍,സിലാല്‍,എഡ്ജ് തുടങ്ങിയ വിവിധ കമ്പനികള്‍ ഏറ്റവും പുതിയ ഉത്പന്നങ്ങളും യുഎഇയിലെ സേവന മികവും ഫോറത്തില്‍ അവതരിപ്പിക്കുന്നുണ്ട്. പ്രമുഖ റീട്ടെയ്ല്‍ ബ്രാന്‍ഡായ ലുലു ഗ്രൂപ്പും മേക്ക് ഇറ്റ് ഇന്‍ ദി എമിറേറ്റ്‌സ് ഫോറത്തില്‍ മികച്ച എക്‌സിബിറ്റര്‍ ലോഞ്ച് സജ്ജീകരിച്ചിട്ടുണ്ട്. യുഎഇയിലെ പ്രാദേശിക ഉത്പന്നങ്ങള്‍ക്ക് നല്‍കുന്ന പിന്തുണയും പ്രോത്സാഹനവും വ്യക്തമാക്കുന്ന പ്രദര്‍ശനവും ഇതോടൊപ്പം ലുലു ഒരുക്കിയിട്ടുണ്ട്. മേക്ക് ഇറ്റ് ഇന്‍ ദി എമിറേറ്റ്‌സ് കാമ്പയിനിന്റെ ഭാഗമായി ലുലു സ്റ്റോറുകളില് കൂടുതല്‍ വിപണി സാധ്യത ലുലു ഉറപ്പാക്കിയിരുന്നു. ഇതിന്റെ തുടര്‍ച്ചയായി പുതിയ ഉത്പന്നങ്ങള്‍ മേക്ക് ഇറ്റ് ഇന്‍ ദി എമിറേറ്റ്‌സ് ഫോറത്തില്‍ അവതരിപ്പിച്ചു. 5000ത്തിലേറെ യുഎഇ ഉത്പന്നങ്ങള്‍ ലുലു സ്റ്റോറുകളില് ലഭ്യമാക്കിയിട്ടുണ്ടെന്നും പ്രാദേശിക ഉത്പന്നങ്ങള്‍ക്ക് മികച്ച പിന്തുണ ഉറപ്പാക്കുകയാണെന്നും ലുലു റീട്ടെയ്ല്‍ സിഇഒ സെയ്ഫി രൂപാവാല പറഞ്ഞു. യുഎഇയുടെ വിഷന്‍ 2031ന് കരുത്തേകുന്ന മെയ്ക്ക് ഇറ്റ് ഇന്‍ ദി എമിറേറ്റ്‌സ് കാമ്പയിന് പൂര്‍ണ പിന്തുണയാണ് ലുലു നല്‍കുന്നതെന്നും അദ്ദേഹം വ്യക്തമാക്കി.ലുലു റീട്ടെയ്ല്‍ ചീഫ് ഓപ്പറേറ്റിങ്ങ് ആന്റ്് സ്ട്രാറ്റജി ഓഫീസര്‍ സലിം വി.ഐ,ലുലു റീട്ടെയല്‍ പ്രൈവറ്റ് ലേബല്‍സ് ഡയരക്ടര്‍ ഷമീം സൈനുല്‍ അബ്ദീന്‍,ലുലു മാര്‍ക്കറ്റിങ് ആന്റ് കമ്മ്യൂണിക്കേഷന്‍സ് ഡയരക്ടര്‍ വി.നന്ദകുമാര്‍,അബുദാബി റീജണല്‍ ഡയരക്ടര്‍ അബൂബക്കര്‍.ടി, അല്‍തയിബ് ഡയരക്ടര്‍ റിയാദ് ജബ്ബാര്‍ പ്രദര്‍ശനത്തില്‍ പങ്കെടുത്തു.
