യുഎഇ സന്ദര്ശനത്തിനെത്തിയ ഫ്രഞ്ച് പ്രസിഡന്റിനെ പ്രസിഡന്റ് ശൈഖ് മുഹമ്മദ് ബിന് സായിദ് സ്വീകരിച്ചു
Tue, 23 Dec 2025
അബുദാബി: ദോഹയില് ഇസ്രാഈല് നടത്തിയ ആക്രമണത്തില് ശക്തമായ പ്രതിഷേധം രേഖപ്പെടുത്തി യുഎഇ. സംഭവത്തില് ഖത്തറിന് പിന്തുണ പ്രഖ്യാപിച്ചു. ഇന്നലെ ദോഹയില് ഹമാസ് നേതാക്കളെ ലക്ഷ്യമിട്ടാണ് ഇസ്രായേല് ആക്രമണം നടത്തിയത്. ബന്ദികളെ മോചിപ്പിക്കുന്നതുമായി ബന്ധപ്പെട്ട് ഹമാസ് നേതാക്കളുമായി ചര്ച്ച നടത്തുന്ന കെട്ടിടത്തിന് നേരെയായിരുന്നു ആക്രമണം. പ്രദേശത്ത് നിരവധി സ്ഫോടനങ്ങളുണ്ടായി. സഹോദര രാഷ്ട്രമായ ഖത്തറിനെ ലക്ഷ്യമിട്ടുള്ള നഗ്നവും ഭീരുത്വവുമായ ഇസ്രാഈലി ആക്രമണത്തെ യുഎഇ ഉപപ്രധാനമന്ത്രിയും വിദേശകാര്യ മന്ത്രിയുമായ ശൈഖ് അബ്ദുല്ല ബിന് സായിദ് അല് നഹ്യാന് ശക്തമായി അപലപിച്ചു. ആക്രമണം ഖത്തറിന്റെ പരമാധികാരത്തിന് നേരെയുണ്ടായ നഗ്നമായ ലംഘനവും, അന്താരാഷ്ട്ര നിയമത്തിനും ഐക്യരാഷ്ട്രസഭയുടെ ചാര്ട്ടറിനും നേരെയുള്ള അപകടകരമായ ആക്രമണവും, പ്രാദേശിക, അന്തര്ദേശീയ സുരക്ഷയ്ക്കും സ്ഥിരതയ്ക്കും ഭീഷണിയാകുന്ന നിരുത്തരവാദപരമായ നടപടിയുമാണെന്ന് വിദേശകാര്യ മന്ത്രാലയം ഊന്നിപ്പറഞ്ഞു. ഖത്തറിനോടുള്ള യുഎഇയുടെ പൂര്ണ്ണ ഐക്യദാര്ഢ്യവും, അതിന്റെ പൗരന്മാരുടെയും താമസക്കാരുടെയും സുരക്ഷയും സംരക്ഷിക്കുന്ന എല്ലാത്തിനും അതിന്റെ ഉറച്ച പിന്തുണയും ശൈഖ് അബ്ദുല്ല സ്ഥിരീകരിച്ചു. ഇത്തരം നടപടികള് പ്രാദേശിക സുരക്ഷയെ ദുര്ബലപ്പെടുത്തുമെന്നും അന്താരാഷ്ട്ര സമാധാനത്തിനും സുരക്ഷയ്ക്കും വിനാശകരമായ പ്രത്യാഘാതങ്ങള് ഉണ്ടാക്കുന്ന അപകടകരമായ പാതകളിലേക്ക് മേഖലയെ വലിച്ചിഴയ്ക്കുമെന്നും മുന്നറിയിപ്പ് നല്കിയ അദ്ദേഹം, സംഘര്ഷം ഉടനടി അവസാനിപ്പിക്കണമെന്ന് ആവശ്യപ്പെട്ടു. ‘ക്രൂരമായ ഇസ്രാഈലി ആക്രമണങ്ങള്’ എന്ന് അദ്ദേഹം വിശേഷിപ്പിച്ചു. ഇത്തരം നടപടികള് തടയാന് അന്താരാഷ്ട്ര സമൂഹത്തോട്, പ്രത്യേകിച്ച് യുഎന് സുരക്ഷാ കൗണ്സിലിനോട്, നിര്ണ്ണായകമായി പ്രവര്ത്തിക്കണമെന്നും അദ്ദേഹം ആവശ്യപ്പെട്ടു. തുടര്ച്ചയായ സംഘര്ഷം മേഖലയെ കൂടുതല് പിരിമുറുക്കത്തിലേക്ക് തള്ളിവിടുകയും സുരക്ഷയും സ്ഥിരതയും കൈവരിക്കാനുള്ള സാധ്യതകളെ ദുര്ബലപ്പെടുത്തുകയും ചെയ്യുമെന്ന് അദ്ദേഹം പറഞ്ഞു. ഖത്തറിനെ ലക്ഷ്യമിട്ടുള്ള ആക്രമണം വഞ്ചനാപരമെന്ന് മുന് വിദേശകാര്യ സഹമന്ത്രിയും ഇമാറാത്തി രാഷ്ട്രീനിരീക്ഷകനുമായ ഡോ.അന്വര് ഗര്ഗാഷ് പറഞ്ഞു. അറബ് ഗള്ഫ് രാജ്യങ്ങളുടെ സുരക്ഷ അവിഭാജ്യമാണ്, ഖത്തറിനെ ലക്ഷ്യമിട്ടുള്ള വഞ്ചനാപരമായ ഇസ്രായേലി ആക്രമണത്തെ അപലപിക്കുകയും ഈ ആക്രമണത്തെ നേരിടുന്നതില് അതിനോട് പൂര്ണ്ണ ഐക്യദാര്ഢ്യം പ്രഖ്യാപിക്കുകയും ചെയ്തുകൊണ്ട് ഞങ്ങള് സഹോദര രാഷ്ട്രത്തോടൊപ്പം ഹൃദയത്തോടെ നിലകൊള്ളുന്നതായും അദ്ദേഹം പറഞ്ഞു. ഇസ്രാഈലും ഹമാസും തമ്മില് വെടിനിര്ത്തല് അവസാനിപ്പിക്കാന് ലക്ഷ്യമിട്ടുള്ള ചര്ച്ചകള് ദോഹയില് നടന്നുവരുന്ന ഒരു നിര്ണായക നിമിഷത്തിലാണ് ആക്രമണം.
