സ്ത്രീ ശാക്തീകരണ സന്ദേശമുയര്‍ത്തി ഇന്ന് ഇമാറാത്തി വനിതാ ദിനം
Thu, 28 Aug 2025
റിയാദ് : സഊദി അറേബ്യയിലെ അല്‍ഖര്‍ജില്‍ വെല്‍ഡിങ്ങിനിടെ പെട്രോള്‍ ടാങ്ക് പൊട്ടിത്തെറിച്ച് മാഹി സ്വദേശി മരിക്കുകയും യുപി സ്വദേശിക്ക് പരിക്കേല്‍ക്കുകയും ചെയ്തു. മാഹി വളപ്പില്‍ തപസ്യ വീട്ടില്‍ ശശാങ്കന്‍-ശ്രീജ ദമ്പതികളുടെ മകന്‍ അപ്പു എന്ന ശരത്കുമാര്‍(29)ആണ് മരിച്ചത്. അല്‍ഖര്‍ജ് സനയ്യായില്‍ അറ്റകുറ്റ പണികള്‍ക്കായി വര്‍ക്‌ഷോപ്പില്‍ എത്തിച്ച കാറിന്റെ പെട്രോള്‍ ടാങ്ക് വെല്‍ഡിങ്ങിനിടെ പൊട്ടിത്തെറിക്കുകയായിരുന്നു. തുടര്‍ന്നുണ്ടായ അഗ്‌നിബാധയില്‍ പൊള്ളലേറ്റ രണ്ടുപേരെയും ഉടന്‍ അല്‍ഖര്‍ജ് കിങ് ഖാലിദ് ആശുപത്രിയില്‍ എത്തിച്ചുവെങ്കിലും ശരത് കുമാറിന്റെ പരിക്ക് ഗുരുതരമായതിനാല്‍ റിയാദ് കിങ് സൗദ് മെഡിക്കല്‍ സിറ്റിയിലേക്ക് മാറ്റിയെങ്കിലും ജീവന്‍ രക്ഷിക്കാനായില്ല. യുപി സ്വദേശിക്ക് 10 ശതമാനത്തോളം പൊള്ളലേറ്റതായി ആശുപത്രി വൃത്തങ്ങള്‍ അറിയിച്ചു. 219ല്‍ സഊദിയില്‍ എത്തിയ ശരത്കുമാര്‍ സ്‌പോണ്‍സറുടെ വര്‍ക്‌ഷോപ്പില്‍ ജോലി ചെയ്തു വരികയായിരുന്നു. രണ്ടുമാസം മുമ്പാണ് അവധി കഴിഞ്ഞു തിരിച്ചെത്തിയത്. അവിവാഹിതനാണ്. സഹോദരി ശില്‍പ ശശാങ്കന്‍ റിയാദില്‍ നഴ്‌സായി ജോലി ചെയ്യുന്നു. കിങ് സൗദ് മെഡിക്കല്‍ സിറ്റി മോര്‍ച്ചറിയില്‍ സൂക്ഷിച്ചിരുന്ന മൃതദേഹം കഴിഞ്ഞ ദിവസം എയര്‍ഇന്ത്യ എക്‌സ്പ്രസില്‍ നാട്ടിലെത്തിക്കുകയും വീട്ടുവളപ്പില്‍ സംസ്‌കരിക്കുകയും ചെയ്തു
