കൂട്ടായ്മയാണ് രാഷ്ട്ര വികസനത്തിന്റെ കരുത്ത്: ശൈഖ് മുഹമ്മദ്
Sun, 13 Jul 2025
ഫുജൈറ: ഫുജൈറയിലെ കൃഷിത്തോട്ടങ്ങള്‍ സന്ദര്‍ശര്‍ക്ക് കേരളത്തിന്റെ പ്രതീതി ജനിപ്പിച്ചുകൊണ്ടിരിക്കുകയാണ്. തേനീച്ച വളര്‍ത്തല്‍ മുതല്‍ മാവ്, നാരങ്ങ, വാഴ, ചോളം, മരച്ചീനി എന്ന് വേണ്ട കേരളത്തിലും തമിഴ്‌നാട്ടിലും കൃഷിചെയ്യുന്ന ഒരു വിധം ഉല്‍പന്നങ്ങളെല്ലാം ഇവിടെയും കൃഷി ചെയ്യുന്നു. കേരള മണ്ണില്‍ വളരുന്ന മുരിങ്ങായ്ക്ക സുലഭമായാണ് ഇവിടെ വളരുന്നത്. കാര്‍ഷികസംസ്‌കാരത്തില്‍ കേളികേട്ട തമിഴ് വംശജര്‍ ഉള്‍പ്പെടെയുള്ള തൊഴിലാളികളാണ് അറബികളുടെ ഏക്കര്‍ കണക്കിന് പരന്നു കിടക്കുന്ന വിശാലമായ കൃഷിത്തോട്ടങ്ങള്‍ പരിചരിക്കുന്നത്. നല്ലവരായ തോട്ടം ഉടമകളായ അറബികള്‍ തോട്ടത്തിലെത്തുന്ന എല്ലാവര്‍ക്കും ആദിത്യമര്യാദയോടെ എന്തുവേണേലും ഭക്ഷിക്കാന്‍ കൊടുക്കുന്നു. നിറയെ മത്തന്‍, മധുരമാങ്ങ, ഈത്തപ്പഴം, സപ്പോട്ട, നാരങ്ങ തുടങ്ങി കൈയ്യുത്തുന്ന ദൂരത്തില്‍ നിറഞ്ഞു നില്‍ക്കുന്ന തോട്ടങ്ങള്‍ മനസിന് കുളിരു പകരുകയാണ് ഫുജൈറയില്‍. തോട്ടത്തിലേക്ക് പ്രവേശിക്കുന്ന ഓരോ മലയാളിക്കും ഗൃഹാതുരതമായ ഓര്‍മയാണ് സമ്മാനിക്കുക. വെറുതേ ഒന്ന് കാണാനും ഫോട്ടോ എടുക്കാനും ഫുജൈറയിലെത്തുന്ന സഞ്ചാരികളെ തോട്ട ഉടമകളായ അറബികളും തോട്ടം കാര്യസ്ഥരും സ്‌നേഹപൂര്‍വ്വം ഫാം ഹൗസ് മുഴുവന്‍ കാണിച്ചു കൊടുക്കുകയും അത്യപൂര്‍വ്വമായ ഈന്തപ്പഴവും തേനും കൊടുത്തു സല്‍ക്കരിക്കുകയും ചെയ്യാറുണ്ട്. മുയല്‍, എരുമ, പശു, ആട്, വിവിധയിനം കോഴികള്‍, താറാവുകള്‍ എന്നു വേണ്ട ഇവിടുത്തെ തോട്ടങ്ങളിലില്ലാത്ത വളര്‍ത്തുമൃഗങ്ങളും കുറവാണ്. ചിലയിടങ്ങളില്‍ പീലി വിരിച്ചാടുന്ന മയില്‍ക്കൂട്ടങ്ങളെയും കാണാം ഫുജൈറ പട്ടണത്തിന്റെ ഒത്ത നടുവിലെ ഹാഷിംപള്ളിക്കു പുറകിലുള്ള വിശാലമായ ഫാമില്‍. ഇമാറാത്തിന്റെ വിവിധഭാഗങ്ങളില്‍ നിന്ന് ഈ ഗ്രാമീണ വശ്യത നുകരാന്‍ എത്തുന്ന സഞ്ചാരികളുടെ എണ്ണം നാള്‍ക്കുനാള്‍ വര്‍ദ്ധിച്ചു വരുന്നു. പൂര്‍ണ്ണമായും കൃഷിത്തോട്ടത്തിലേക്ക് പ്രവേശിച്ചു കഴിഞ്ഞാല്‍ ഇത് മരുഭൂമിയില്‍ വിളയിച്ചെടുത്ത ഹരിത വിസ്മയമാണെന്നു ആരും പറയില്ല.
1 Comment
Muhammed Jabir. M
👍💚😍