ഇറാന്റെ മിസൈല് ആക്രമണത്തില് യുഎഇയില് ഇതുവരെ പരിക്കേറ്റത് 160 പേര്ക്ക്
Wed, 15 Apr 2026
ദുബൈ : റോബോട്ടിക്സിലെ ഒളിമ്പിക്സ് എന്നറിയിപ്പെടുന്ന ഫസ്റ്റ് ഗ്ലോബല് ചലഞ്ചില് മികച്ച നേട്ടം സ്വന്തമാക്കി യുഎഇ ടീം. സെപ്റ്റംബര് 26 മുതല് 29 വരെ ഏദന്സിലെ ഗ്രീസില് നടന്ന ചലഞ്ചില് വെളളി മെഡലാണ് ടീം നേടിയത്. 193 രാജ്യങ്ങളില് നിന്നുളള ടീമുകള് പങ്കെടുത്ത മത്സരത്തിലാണ് ചരിത്ര നേട്ടം. ദുബൈയില് നടന്ന പരിപാടിയില് വിജയികളായ ടീമിനെ ആദരിച്ചു. ഇത് കൂടാതെ ഫസ്റ്റ് ഗ്ലോബല് ഗ്രാന്ഡ ചലഞ്ച് പുരസ്കാരം, സോഷ്യല് മീഡിയ പുരസ്കാരവും ഇന്റര്നാഷണല് എന്തൂസിയാസം പുരസ്കാരവും ടീം സ്വന്തമാക്കിയിട്ടുണ്ട്. സ്റ്റെം (സയന്സ്-ടെക്നോളജി-എഞ്ചിനീയറിങ്-കണക്ക്) വിദ്യാഭ്യാസത്തിന് യുഎഇ വലിയ പ്രാധാന്യമാണ് നല്കുന്നത്. ദൃതി ഗുപ്ത, സോഹന് ലാല്വാനി, അര്ണവ് മേഹ്ത, വിയാന് ഗാര്ഗ്, റിതി പഗ്ദര്, ആര്യന് ചാമോലി, പ്രശാന്ത് വെങ്കിടേഷ്, സമര്ഥ് മൂര്ത്തി, അര്ജുന് ഭട്നാഗര് എന്നിവരടങ്ങുന്നതാണ് യുഎഇ ടീം. അധ്യാപകരായ അഹിലാന് സുന്ദര്രാജ്, മുഹമ്മദ് മുക്താര്, അലന് ഡി കൗത്ത് എന്നിവരാണ് ടീമിന് പിന്തുണ നല്കിയത്. റോബോട്ടിക്സില് മികച്ച സേവനം നല്കുന്ന യുണീക് വേള്ഡിന്റെ പിന്തുണയോടെ 9 മാസത്തെ പരിശ്രമമാണ് നേട്ടത്തിന് ആധാരം.
യുഎഇ ടീമിന്റെ വിജയം വിദ്യാര്ത്ഥികളുടെയും അധ്യാപകരുടെയും രക്ഷിതാക്കളുടെയും കഠിനാധ്വാനത്തിന്റെ ഫലമാണെന്ന് യുണീക്ക് വേള്ഡ് റോബോട്ടിക്സിന്റെ സിഇഒയും എഫ്ജിസി യുഎഇ ദേശീയ ഓര്ഗനൈസറുമായ ബന്സന് തോമസ് ജോര്ജ്ജ് പറഞ്ഞു. റോബോട്ടിക്സിലും നിര്മ്മിത ബുദ്ധിയിലും മികച്ച നിക്ഷേപമാണ് യുഎഇ ലക്ഷ്യമിടുന്നത്. ഇതിനായി വിവിധ വിദ്യാഭ്യാസ പദ്ധതികളാണ് ആസൂത്രണം ചെയ്യുന്നതെന്നും അദ്ദേഹം പറഞ്ഞു. ഭാവിയിലെ 75 ശതമാനം ജോലികളും സ്റ്റെമില് അധിഷ്ഠിതമായിരിക്കുമെന്നാണ് യുഎഇ വിദ്യാഭ്യാസ മന്ത്രാലയം അടുത്തിടെ നടത്തിയ പഠന റിപ്പോര്ട്ട് സൂചിപ്പിക്കുന്നത്. 2030 ആകുമ്പോഴേക്കും രാജ്യത്ത് സ്റ്റെം ബിരുദധാരികളുടെ എണ്ണം ഇരട്ടിയാകും. റോബോട്ടിക്സ് എ ഐ വിദ്യാഭ്യാസത്തിനായി 300 മില്ല്യണ് ദിര്ഹമാണ് യുഎഇ മാറ്റിവെച്ചിരിക്കുന്നത്.
