ദുബൈ സ്റ്റുഡിയോ സിറ്റിയില് ബിഗ് ബാഡ് വുള്ഫ് പുസ്തകമേള മാര്ച്ച് 15 വരെ തുടരും
Fri, 13 Mar 2026
ദുബൈ : ഹോസ്പിറ്റാലിറ്റി ടെക് ലീഡേഴ്സ് ഫോറം വാര്ഷിക കോണ്ക്ലേവ് സെപ്റ്റംബര് 11 മുതല് 14 വരെ ജോര്ജിയയിലെ ടിബിലിസിയിലെ പുള്മാന് ഹോട്ടലില് നടക്കും. ഹോസ്പിറ്റാലിറ്റി രംഗത്ത് നൂതനമായ സാങ്കേതികവിദ്യകള് പരിചയപ്പെടാനും പ്രവര്ത്തനങ്ങള് നേരില് കണ്ടും പരീക്ഷണത്തിലൂടെയും മനസ്സിലാക്കാനും ഈ വാര്ഷിക സംഗമം അവസരമൊരുക്കുന്നതായി അധികൃതര് പറഞ്ഞു. കൂടാതെ, ഹോസ്പിറ്റാലിറ്റി വിവരസാങ്കേതിക രംഗത്ത് ഉന്നതിയില് നില്ക്കുന്ന വ്യക്തികളുമായി സംവദിക്കാനും നാല് ദിവസത്തെ പരിപാടികളില് അവസരമുണ്ടായിരിക്കും. ഈ വര്ഷം മുതല് എച്ടിഎല്എഫ് ഖത്തര് ഘടകത്തില് നിന്ന് പങ്കാളിത്തം ഉറപ്പുവരുത്തിയിട്ടുണ്ട്. ഹോസ്പിറ്റാലിറ്റി വ്യവസായത്തിലെ ഐടി തലവന്മാരെ ശാക്തീകരിക്കുന്നതിനും പ്രവര്ത്തനങ്ങളില് ഐക്യം വളര്ത്തുന്നതിനും ലാഭേച്ഛയില്ലാതെ പ്രവര്ത്തിക്കുന്ന കൂട്ടായ്മയാണ് എച്ടിഎല്എഫ്. ഹോസ്പിറ്റാലിറ്റി ടെക് വ്യവസായത്തെ മുന്നോട്ട് കൊണ്ടുപോകുന്നതിനും അംഗങ്ങളുടെ വളര്ച്ചയ്ക്കും വിജയത്തിനും പിന്തുണ നല്കുന്നതിനും എച്ടിഎല്എഫ് മുന്ഗണന നല്കുന്നതായി അധികൃതര് പറഞ്ഞു. ഹോസ്പിറ്റലില് ഐടി മേഖലയില് ഏറ്റവും ഉയര്ന്ന സാങ്കേതിക വൈദഗ്ധ്യം കൊണ്ട് വിവര സാങ്കേതിക മേഖലയില് നൂതനമായ നിലവാരം ഉറപ്പുവരുത്തുന്നതിന് കൂട്ടായ്മ പ്രവര്ത്തിക്കുന്നു. ജോലി, സിവി ബാങ്കുകള്, ഉല്പന്ന ബോധവല്ക്കരണ പരിപാടികള്, സാങ്കേതിക പിന്തുണ, എസ്ഒപികള്, സാങ്കേതികവും, പ്രോപ്പര്ട്ടി പ്രീഓപണിങ് കണ്സള്ട്ടേഷന് സേവനങ്ങള് ഉള്പ്പെടെ ഒട്ടേറെ അവസരങ്ങളും വിഭവങ്ങളും ഇതിലൂടെ വാഗ്ദാനം ചെയ്യുന്നു. വികസന സംരംഭങ്ങള് സ്പോണ്സര് ചെയ്യുന്നതിലൂടെ ഹോസ്പിറ്റാലിറ്റി ടെക് കമ്മ്യൂണിറ്റിയിലെ വ്യക്തികളുടെ വളര്ച്ചയ്ക്കും പുരോഗതിക്കും നേരിട്ട് പിന്തുണ നല്കുന്നു. സാങ്കേതിക വിദഗ്ധരുടെ കഴിവുകള് പ്രയോജനപ്പെടുത്തി ഹോസ്പിറ്റാലിറ്റി പ്രവര്ത്തനങ്ങളുടെ പാരിസ്ഥിതിക ആഘാതം കുറയ്ക്കുന്നതിന് മുന്തൂക്കവും നല്കുന്നു. കൂടാതെ, ഹോസ്പിറ്റാലിറ്റി വ്യവസായത്തിന്റെ അതിവേഗം വികസിച്ചുകൊണ്ടിരിക്കുന്ന ആവശ്യങ്ങളില് വിവരസാങ്കേതിക വിദ്യയുടെ ഉന്നതമായ സോഫ്റ്റ്വെയറുകള്, പ്രോഗ്രാമുകള്, ഹാര്ഡ്വെയറുകള് എന്നിവ അംഗങ്ങള്ക്ക് സമയോചിതമായി പരിചയപ്പെടുന്നതിന് അവസരം ഒരുക്കുന്നു. പ്രസിഡന്റ് ബൈജു ഫിലിപ്, ഓണററി രക്ഷാധികാരി സ്റ്റേസി സാമുവല്, പബ്ലിക് റിലേഷന് ഓഫിസര് മുഹമ്മദ് നൗഫല്, സെക്രട്ടറി ലിന്റോ തോമസ്, ഇവന്റ് കോ ഓര്ഡിനേറ്റര് സുനില് പൂണോളി, ഫിനാന്സ് മാനേജര് മുബീന് മീത്തല്, പ്രോഗ്രാം കോ-ഓഡിനേറ്റര് സല്സബീല് എന്നിവര് വാര്ത്താ സമ്മേളനത്തില് പങ്കെടുത്തു.
