ദുബൈയില് വീട് വാങ്ങുന്നവര്ക്ക് വമ്പന് ഓഫര്; എസ് യു വി കാര് സമ്മാന പദ്ധതിയുമായി സിമ്പോളിക് ഡവലപ്പേര്സ്
Sun, 17 May 2026
അബുദാബി : അബുദാബി കിരീടാവകാശി ശൈഖ് ഖാലിദ് ബിന് മുഹമ്മദ് ബിന് സായിദ് അല് നഹ്യാന് ഔദ്യോഗിക സന്ദര്ശനത്തിനായി ന്യൂഡല്ഹിയില് എത്തി. രണ്ട് ദിവസത്തെ സന്ദര്ശനത്തിനാണ് ശൈഖ് ഖാലിദ് ഇന്ത്യയിലെത്തിയിരിക്കുന്നത്. എയര്പോര്ട്ടില് ഇന്ത്യന് വാണിജ്യവ്യവസായ മന്ത്രി പിയൂഷ് ഗോയല് സ്വീകരിച്ചു. പരമ്പരാഗത റെഡ് കാര്പെറ്റ് സ്വീകരണം നല്കി ആദരിച്ചു. ഈ മുഹൂര്ത്തത്തില് യുഎഇയുടെയും ഇന്ത്യയുടെയും ദേശീയ ഗാനങ്ങള് ആലപിച്ചു. ശൈഖ് ഖാലിദ് ആചാരപരമായ ഗാര്ഡ് ഓഫ് ഓണര് സ്വീകരിക്കുകയും ഇന്ത്യയുടെ ആഴത്തില് വേരൂന്നിയ പൈതൃകവും സമ്പന്നമായ സംസ്കാരവും പ്രതിഫലിപ്പിക്കുന്ന പരമ്പരാഗത സാംസ്കാരിക പ്രകടനം നിരീക്ഷിക്കുകയും ചെയ്തു. ഇന്ത്യയിലെ നിരവധി മുതിര്ന്ന സര്ക്കാര് ഉദ്യോഗസ്ഥരും യുഎഇ വിദേശ വ്യാപാര സഹമന്ത്രി ഡോ. താനി ബിന് അഹമ്മദ് അല് സെയൂദിയും ഇന്ത്യയിലേക്കുള്ള യുഎഇ അംബാസഡര് ഡോ. അബ്ദുള്നാസര് ജമാല് അല്ഷാലിയും ശൈഖ് ഖാലിദിനെ അഭിവാദ്യം ചെയ്തു. വ്യവസായ, അഡ്വാന്സ്ഡ് ടെക്നോളജീസ് മന്ത്രി ഡോ. സുല്ത്താന് അഹമ്മദ് അല് ജാബര് ഉള്പ്പെടെയുള്ള ഒരു യുഎഇ പ്രതിനിധി സംഘം അദ്ദേഹത്തിന്റെ ഔദ്യോഗിക സന്ദര്ശന വേളയില് അനുഗമിക്കുന്നുണ്ട്. റീം അല് ഹാഷിമി, അന്താരാഷ്ട്ര സഹകരണ സഹമന്ത്രി; മുഹമ്മദ് ഹസന് അല്സുവൈദി, നിക്ഷേപ മന്ത്രി; ഖല്ദൂന് ഖലീഫ അല് മുബാറക്, എക്സിക്യൂട്ടീവ് അഫയേഴ്സ് അതോറിറ്റി ചെയര്മാന്; അബുദാബി സാമ്പത്തിക വികസന വകുപ്പ് ചെയര്മാന് അഹമ്മദ് ജാസിം അല് സാബി, അബുദാബി എക്സിക്യൂട്ടീവ് കൗണ്സില് സെക്രട്ടറി ജനറല് സെയ്ഫ് സയീദ് ഘോബാഷും സംഘത്തിലുണ്ട്.
