ഇറാന്റെ മിസൈല് ആക്രമണത്തില് യുഎഇയില് ഇതുവരെ പരിക്കേറ്റത് 160 പേര്ക്ക്
Wed, 25 Mar 2026
സീബ് : ഒമാനിലെ പ്രവാസി വിദ്യാര്ഥികള്ക്കും യുവജനങ്ങള്ക്കുമായി കലാലയം സാംസ്കാരിക വേദി സംഘടിപ്പിച്ച പതിനാലമത് എഡിഷന് പ്രവാസി സാഹിത്യോത്സവ് സമാപിച്ചു. എട്ട് വിഭാഗങ്ങളില് 59 ഇനങ്ങളിലായി ഹൈല് പ്രിന്സ് പാലസില് നടന്ന മത്സരങ്ങള്ക്കൊടുവില് 255 പോയിന്റുകളുമായി ബറക സോണ് ജേതാക്കളായി. ബൗശര്, മസ്കത്ത് സോണുകള് യഥാക്രമം രണ്ട്, മൂന്ന് സ്ഥാനങ്ങള് നേടി. ഒമാനിലെ പതിനൊന്ന് സോണുകളെ പ്രതിനിധീകരിച്ചെത്തിയ 350ലധികം പ്രതിഭകളാണ് ഒമ്പത് വേദികളിലായി നടന്ന മത്സരങ്ങളില് മാറ്റുരച്ചത്. പ്രധാന വേദിയില് മാപ്പിളപ്പാട്ട്,ഖവാലി,പ്രസംഗം,കവിത പാരായണം,ദഫ് തുടങ്ങിയ മത്സര ഇനങ്ങള് നടന്നു. കലാ പ്രതിഭയായി മുഹമ്മദ് ദാവൂദ് (മസ്കത്ത് സോണ്), സര്ഗ പ്രതിഭയായി സഹിയ സൈനബ് (ബൗശര് സോ ണ്) എന്നിവരെ തിരഞ്ഞടുത്തു. സാംസ്കാരിക സദസ് കേന്ദ്ര സാഹിത്യ അക്കാദമി പുരസ്കാര ജേതാവ് കെ. പി രാമനുണ്ണി ഉദ്ഘാടനം ചെയ്തു. കലയും സാഹിത്യവും മനുഷ്യന്റെ വികസനത്തിനും ഉന്നമനത്തിനാണെന്ന് അദ്ദേഹം അഭിപ്രായപ്പെട്ടു. ഐപിബി ഡയറക്ടര് മജീദ് അരിയല്ലൂര് സാഹിത്യ പ്രഭാഷണം നടത്തി. വി എം ശരീഫ് സഅദി മഞ്ഞപ്പറ്റ അധ്യക്ഷനായി. നിസാര് സഖാഫി വയനാട്, മുഹമ്മദ് ശാഫി നൂറാനി, സയ്യിദ് ആബിദ് തങ്ങള്,റാസിഖ് ഹാജി,സിദ്ദീഖ് ഹസന്,അഡ്വ.മധുസൂദനന് പ്രസംഗിച്ചു. ശഫീഖ് ബുഖാരി (ഐസി.എഫ് ഒമാന്), കോയ കാപ്പാട് (വൈസ് ചെയര്മാന് കേരള ഫോക്ലോര് അക്കാദമി) ഷക്കീര് അരിമ്പ്ര (സെക്രട്ടറി എസ്.വൈ.എസ് മലപ്പുറം ഈസ്റ്റ്), അബ്ദുല് ജബ്ബാര് ഹാജി (കെ.വി ഗ്രൂപ്പ്), ഹബീബ് അശ്റഫ് (ജനറല് കണ്വീനര് സ്വാഗത സംഘം) ഇസ്മാഈല് സഖാഫി കാളാട് (ഐ സി എഫ് സീബ്), പ്രമുഖര് പങ്കെടുത്തു. ആര്.എസ്.സി നാഷനല് ജനറല് സെക്രട്ടറി മുനീബ് ടി കെ കൊയിലാണ്ടി സ്വാഗതവും പ്രോഗ്രാം ജനറല് കണ്വീനര് അബ്ദുല് ജലീല് രണ്ടത്താണി നന്ദിയും പറഞ്ഞു.
