സഹജീവിക്കായി സമയം ചെലവഴിക്കാന് കഴിയുന്നതാണ് മാനവികത: ലാല് ജോസ്
Sat, 20 Jun 2026
അബുദാബി : സാഹിത്യ നഭസ്സില് സര്ഗാത്മകത സംവേദനങ്ങള്ക്ക് ഇടമൊരുക്കുന്ന ഐഐസി ലിറ്ററേച്ചര് ഫെസ്റ്റിന് അബുദാബി ഇന്ത്യന് ഇസ്്ലാമിക് സെന്ററില് പ്രൗഢ തുടക്കം. മനസിലെ ആശയങ്ങളെയും ആവിഷ്കാരങ്ങളെയും അലങ്കാരച്ചമയങ്ങളാക്കി സാഹിത്യ സൃഷ്ടികളിലൂടെ അനുവാചക ഹൃദയങ്ങളില് അലിഞ്ഞുചേര്ന്ന എഴുത്തുകാരും അവരുടെ കൃതികളും രണ്ടുനാള് സംവദിക്കുന്ന വേദിക്ക് ഇന്ന് തിരശ്ശീലവീഴും. വ്യത്യസ്ത സെഷനുകളിലായി വിദ്യാര്ഥികളുടെ വിവിധ സര്ഗാവിഷ്കാരങ്ങളും പ്രവാസലോകത്തെ മുതിര്ന്ന പൗരന്മാരുമായുള്ള സംവാദങ്ങളും പുസ്തക പ്രകാശനങ്ങളും എഴുത്തുകാര്ക്ക് ആദരവുമായി അരങ്ങുണര്ന്നുകഴിഞ്ഞു.
നാട്ടിലും യുഎഇലുമുള്ള എഴുത്തുകാരും കവികളും സാംസ്കാരിക പ്രമുഖരുമാണ് യുഎഇയിലെ ഏറ്റവും വലിയ ഈ സാഹിത്യ സദസ്സിനെ സമ്പന്നമാക്കുന്നത്. പ്രവാസ ലോകത്തെ ഉള്ത്തുടിപ്പുകള് ഇമവെട്ടാതെ പകര്ത്തിയെടുത്ത പ്രതിഭാധനനായ എഴുത്തുകാരന് ശിഹാബുദ്ദീന് പൊയ്ത്തുംകടവിന് ഇന്ന് ഐഐസി ലിറ്റററി അവാര്ഡ് സമര്പിക്കും. വൈകുന്നേരം ഏഴുമണിക്ക് നടക്കുന്ന സമാപന സാംസ്കാരിക സമ്മേളനത്തില് യുഎഇ പ്രസിഡന്റ് ശൈഖ് മുഹമ്മദ് ബിന് സായിദ് അല് നഹ്യാന്റെ മതകാര്യ ഉപദേഷ്ടാവ് ശൈഖ് അലി അല് ഹാഷിമി ശിഹാബുദ്ദീന് പൊയ്ത്തുംകടവിന് അവാര്ഡ് സമ്മാനിക്കും. മോയിന്കുട്ടി വൈദ്യര് അക്കാദമി മുന് ചെയര്മാനും ചന്ദ്രിക മുന് പത്രാധിപരുമായ സിപി സൈതലി,ഷാജഹാന് മാടമ്പാട്ട് എന്നിവര് എംടി വാസുദേവന് നായര് അനുസ്മരണ പ്രഭാഷണം നിര്വഹിക്കും.
ഇന്നലെ രാവിലെ പത്തുമണിക്ക് ഐഐസി പ്രസിഡന്റ് പി.ബാവഹാജി ലിറ്ററേച്ചര് ഫെസ്റ്റിവല് ഉദ്ഘാടനം ചെയ്തു. ജനറല് സെക്രട്ടറി ടി.മുഹമ്മദ് ഹിദായത്തുല്ല പറപ്പൂര് അധ്യക്ഷനായി. അബുദാബി കമ്യൂണിറ്റി പൊലീസ് പ്രതിനിധികളായ അലി സാബി,അയിഷ സഹ,അബുദാബി സുന്നിസെന്റര് പ്രസിഡന്റ് അബ്ദുറഹ്മാന് തങ്ങള്,മലയാളം മിഷന് ഉപദേശകസമിതി ചെയര്മാന് സൂരജ് പ്രഭാകര്,അഡ്വ.മുഹമ്മദ് കുഞ്ഞി,അബുദാബി കെഎംസിസി വൈസ് പ്രസിഡന്റ് ഹംസ നടുവില്,റസാഖ് ഒരുമനയൂര്,ജാഫര് കുറ്റിക്കോട് പ്രസംഗിച്ചു. റാഷിദ് ഹമീദിന്റെ ‘പ്രണയതുരുത്തിലേക്ക് ഒരു വിനോദ യാത്ര’ പുസ്തകം അബുദാബി പൊലീസ് പ്രതിനിധി അലി ഷാബി ഐഐസി മുന് സെക്രട്ടറി റസാഖ് ഒരുമനയൂരിന് നല്കി പ്രകാശനം ചെയ്തു. യുഎഇയുടെ പിറവി മുതല് രാജ്യത്തിന്റെ വികനത്തിനായി ഇമാറാത്തികള്ക്കൊപ്പം പ്രവര്ത്തിച്ച ഇന്ത്യന് സമൂഹത്തിന്റെ നേതൃത്വത്തില് നടക്കുന്ന ഇത്തരം പരിപാടികളില് പങ്കെടുക്കുന്നതില് അതിയായ സന്തോഷമുണ്ടെന്ന് അലി ഷാബി പറഞ്ഞു.
തുടര്ന്ന് ‘കുട്ടി പെന്സില്’ സെഷനില് ‘രചനയുടെ രസതന്ത്രം’ വിഷയത്തില് മുരളി മംഗലത്ത്,ടി.കെ അബ്ദുസ്സലാം,ലത്തീഫ് മാസ്റ്റര്,കെകെ പീലിക്കോട്,ഹസിത നസീര്,സതീഷ് കാവിലകത്ത്,ജസ്സ ജമാല് എന്നിവര് കുട്ടികളുമായി സംവദിച്ചു. വൈക്കം മുഹമ്മദ് ബഷീറിന്റെ പാത്തുമയുടെ ആട് നോവലിനെ ആസ്പദമായി കുട്ടികളുടെ കഥാവിഷ്കാരം ശ്രദ്ധേയമായി. ഉച്ചക്ക് മാപ്പിള തെയ്യത്തെക്കുറിച്ചുള്ള ഡോക്യുമെന്ററി സെഷനില് അഷ്റഫ് തൂണേരി,ഷാലി ബിജു,എംകെ ഫിറോസ്,ഷംനാസ് വളയംകുളം,മുസ്തു ഊര്പ്പായി പങ്കെടുത്തു. തുടര്ന്ന് ട്രാവലോഗില് ബനി സദര്,അബ്ദുല് വാസിഹ്,സിദ്ദീഖ് ട്രാവല്ഫുഡി, സഈദ നടേമ്മല്,ഹൈദര് ബിന് മൊയ്തു സംസാരിച്ചു. 6.30ന് സാധാരണക്കാരന്റെ അസാധാരണ ജീവിതം പറഞ്ഞ സെഷനില് അബ്ദുല് ജബ്ബാര് ഹാജി,ഷാഹുല് ഹമീദ്,ഡോ.മേരി തോമസ്,ഫനീഫ റെഡെക്സ്,റഹീം ചെമ്മാട് സംസാരിച്ചു. ഇ.കെ ദിനേശന് ഉപസംഹാരം പ്രസംഗം നടത്തി. റഫീഖ് തിരുവള്ളൂര് മോഡറേറ്ററായിരിന്നു.
ലിറ്ററേച്ചര് ഫെസ്റ്റിവലിന്റെ ആദ്യദിനത്തിന് സമാപനം കുറി രാത്രി 8.30ന് റാഫി പാവറട്ടിയും സംഘവും അവതരിപ്പിച്ച ഗസലിരവ് ആസ്വാദകരെ ആനന്ദ നിര്വൃതിയിലേക്ക് ആനയിച്ചു. ആര്ദ്രമായ ആത്മീയതയുടെയും പ്രണയത്തിന്റെയും നൊമ്പരത്തിന്റെയും മധുരമഴ വര്ഷിക്കുന്നതായിരുന്നു ഗസലിരവ്.
ഇന്ന് രാവിലെ 9.30 ന് മഹാകവി പുലിക്കോട്ടില് സ്മൃതി സദസില് പുലിക്കോട്ടില് പാട്ടുകെട്ടിയ കാലം എന്ന വിഷയത്തില് സി.പി സൈതലവി പ്രഭാഷണം നടത്തും. റബീഹ് ആട്ടീരി മുഖവുര പറയും. തുടര്ന്ന് ‘മാപ്പിള സാഹിത്യവും കേരള സംസ്കാരവും’ വിഷയത്തില് അബ്ദുറഹ്മാന് മാങ്ങാട് സംസാരിക്കും. ഉച്ചക്ക് രണ്ടു മണിക്ക് ‘കഥ: നാടും മറുനാടും’ സെഷനില് ശിഹാബുദ്ദീന് പൊയ്ത്തുംകടവ് മുഖ്യപ്രഭാഷണം നടത്തും. വെള്ളിയോടന് മോഡറേറ്ററാകും. മൂന്നു മണിക്ക് ‘മീറ്റ് ദ പോയറ്റ്’ സെഷന് നടക്കും. 4.30ന് വനിതാ സെഷനില് ഡോ.സൗമ്യ സരിന്,ഡോ.താഹിറ കല്ലുമുറിക്കല്, ഡോ.ഹസീന ബീഗം,ഷെറീന ഫൈസല്,എംഎ ഷഹനാസ്,ഹുസ്ന റാഫി,ഹുസ്ന റസാഖ് സംസാരിക്കും. വൈകുന്നേരം 7 മണിക്ക് നടക്കുന്ന സമാപന സാംസ്കാരിക സമ്മേളനത്തില് അറബി മലയാളം ബിബ്ലിയോഗ്രഫി പ്രകാശനം നടക്കും. സയ്യിദ് അബ്ദുല് അഷ്റഫ് പ്രകാശനം ചെയ്യും. ഷാജഹാന് മാടമ്പാട്ട് പുസ്തകം ഏറ്റുവാങ്ങും. യു.അബ്ദുല്ല ഫാറൂഖി, ഷുക്കൂറലി കല്ലുങ്ങല്,അബ്ദുറഹ്മാന് തങ്ങള്,അബ്ദുറഹ്മാന്ഹാജി,അബൂബക്കര് കുറ്റിക്കോല്, സലീം വിഐ,അഡ്വ.മുഹമ്മദ്കുഞ്ഞി,സൂരജ്,ഗണേഷ് ബാബു,കുഞ്ഞിരാമന് നായര്,ജയറാം റായ്,ബീരാന്കുട്ടി,സുരേഷ്കുമാര്,ബിസി അബൂബക്കര് പ്രസംഗിക്കും.
