ഭദ്രമായ കുടുംബം സുരക്ഷിത സമൂഹത്തിന്റെ അടിത്തറ: അഡ്വ. ഹാരിസ് ബീരാന്‍ എംപി
Wed, 24 Sep 2025
അബുദാബി: പ്രസിഡന്റ് ശൈഖ് മുഹമ്മദ് ബിന്‍ സായിദ് അല്‍ നഹ്യാനുമായി ദുബൈ കിരീടാവകാശിയും ഉപപ്രധാനമന്ത്രിയും പ്രതിരോധ മന്ത്രിയുമായ ശൈഖ് ഹംദാന്‍ ബിന്‍ മുഹമ്മദ് കൂടിക്കാഴ്ച നടത്തി. വൈസ് പ്രസിഡന്റും ഉപപ്രധാനമന്ത്രിയും പ്രസിഡന്‍ഷ്യല്‍ കോടതി ചെയര്‍മാനുമായ ശൈഖ് മന്‍സൂര്‍ ബിന്‍ സായിദ് അല്‍ നഹ്യാന്‍ യോഗത്തില്‍ പങ്കെടുത്തു. കൂടിക്കാഴ്ചയില്‍ സൗഹാര്‍ദ്ദപരമായ സംഭാഷണത്തില്‍ ഏര്‍പ്പെട്ടു. ഉപപ്രധാനമന്ത്രിയായും പ്രതിരോധ മന്ത്രിയായും അടുത്തിടെ നിയമിതനായ ശൈഖ് ഹംദാന്‍ ബിന്‍ മുഹമ്മദിനെ രാഷ്ട്രപതി അഭിനന്ദിച്ചു. ജനങ്ങളെയും രാജ്യത്തെയും സേവിക്കുന്നതിലും അതിന്റെ പുരോഗതി വളര്‍ത്തുന്നതിലും വിജയിക്കട്ടെയെന്ന് ആശംസിച്ചു. അബുദാബി ഡെപ്യൂട്ടി ഭരണാധികാരിയും ദേശീയ സുരക്ഷാ ഉപദേഷ്ടാവുമായ ശൈഖ് തഹ്നൂന്‍ ബിന്‍ സായിദ് അല്‍ നഹ്യാന്‍ പങ്കെടുത്ത യോഗത്തില്‍ ദേശീയ കാര്യങ്ങളും യുഎഇ പൗരന്മാരുടെ ക്ഷേമവും സംബന്ധിച്ച നിരവധി വിഷയങ്ങള്‍ ചര്‍ച്ച ചെയ്തു. കഠിനമായ പരിശ്രമങ്ങളിലൂടെയും സംഭാവനകളിലൂടെയും രാജ്യത്തിന്റെ സ്ഥാപക നേതാക്കളുടെ പാരമ്പര്യം ഉയര്‍ത്തിപ്പിടിക്കാന്‍ അദ്ദേഹം പ്രതിജ്ഞയെടുത്തു. ദേശീയ നേട്ടങ്ങള്‍ സംരക്ഷിക്കുന്നതിനും രാജ്യത്തിന്റെ അന്തസ്സ് ഉയര്‍ത്തുന്നതിനും ജനങ്ങളുടെ അഭിലാഷങ്ങള്‍ നിറവേറ്റുന്നതിനും വരും തലമുറകള്‍ക്ക് കൂടുതല്‍ സമ്പന്നമായ ഭാവി സൃഷ്ടിക്കുന്നതിനും ലക്ഷ്യമിട്ട് രാജ്യത്തിന്റെ വികസന യാത്ര തുടരുന്നതിനും അദ്ദേഹം പ്രതിജ്ഞാബദ്ധനായിരുന്നു.
