ദുബൈയില്‍ വന്‍ വിസ തട്ടിപ്പ്: 161 പേര്‍ക്ക് പിഴയും നാടുകടത്തലും
Thu, 25 Sep 2025
ദുബൈ: ബലിപെരുന്നാളിന്റെ ആദ്യ ദിനത്തില്‍ യാത്രക്കാര്‍ക്ക് ലഭിക്കേണ്ട സേവനം ഉറപ്പാക്കാനും ഈദ് ആശംസകള്‍ നേരാനും ദുബൈ വിമാനത്താവളത്തില്‍ ഉന്നത ഉദ്യോഗസ്ഥര്‍ സന്ദര്‍ശനം നടത്തി. ജിഡിആര്‍എഫ്എ ദുബൈ ഡയറക്ടര്‍ ജനറല്‍, ലഫ്റ്റനന്റ് ജനറല്‍ മുഹമ്മദ് അഹമ്മദ് അല്‍ മര്‍റി, അസിസ്റ്റന്റ് ഡയറക്ടര്‍ മേജര്‍ ജനറല്‍ ഉബൈദ് മുഹൈര്‍ ബിന്‍ സുറൂര്‍ എന്നിവരടക്കമുള്ള ഉന്നത ഉദ്യോഗസ്ഥരാണ് എയര്‍പോര്‍ട്ടില്‍ സന്ദര്‍ശനം നടത്തിയത്. ഈദ് കാലത്ത് സഞ്ചാരികള്‍ക്ക് സന്തോഷകരമായ അനുഭവം ഉറപ്പാക്കുന്നതിന്റെ ഭാഗമായാണ് ഉദ്യോഗസ്ഥര്‍ ഒരുമിച്ച് എയര്‍പോര്‍ട്ടില്‍ പര്യടനം നടത്തിയത്. ദുബൈയുടെ പ്രശസ്തി നിലനിര്‍ത്തുന്നതിനും ലോകമെമ്പാടുമുള്ള യാത്രക്കാര്‍ക്ക് മികച്ച യാത്രാ സൗകര്യങ്ങള്‍ നല്‍കുന്നതിനും വേണ്ടി ജിഡിആര്‍എഫ്എ സ്ഥിരമായി നടപടികള്‍ സ്വീകരിക്കാറുണ്ട്. വിമാനത്താവളത്തിലെ പ്രവര്‍ത്തനങ്ങള്‍ ഉദ്യോഗസ്ഥര്‍ ശ്രദ്ധാപൂര്‍വ്വം പരിശോധിച്ചു. അവധി ദിവസത്തിലും യാത്രക്കാര്‍ക്ക് വേഗത്തിലും സുഗമമായും യാത്ര ചെയ്യാന്‍ സേവനം ചെയ്യുന്ന ഉദ്യോഗസ്ഥരുടെ മികവിനെ പ്രത്യേകം ലഫ്റ്റനന്റ് ജനറല്‍ അഭിനന്ദിച്ചു. അതിനൊപ്പം അവര്‍ക്ക് ഈദ് ആശംസകളും നേര്‍ന്നു. 4 മുതല്‍ 12 വയസ്സ് വരെയുള്ള കുട്ടികള്‍ക്കായി 2023 ഏപ്രിലില്‍ തുടങ്ങിയ കിഡ്‌സ് പാസ്‌പോര്‍ട്ട് പ്ലാറ്റ്‌ഫോം, സ്മാര്‍ട്ട് ഗേറ്റുകള്‍, സ്മാര്‍ട്ട് ട്രാക്ക് തുടങ്ങിയ വിമാനത്താവളത്തിലെ സൗകര്യങ്ങളും ഉദ്യോഗസ്ഥ സംഘം സന്ദര്‍ശിച്ചു. ഈ സേവനങ്ങള്‍ യാത്രക്കാര്‍ക്ക് തൃപ്തി നിറഞ്ഞ സര്‍വീസ് ലഭ്യമാക്കുകയും യാത്ര കൂടുതല്‍ ആസ്വാദ്യകരമാക്കുകയും ചെയ്യുന്നുവെന്ന് അല്‍ മര്‍റി പറഞ്ഞു. യാത്രക്കാര്‍ക്ക് സുരക്ഷിതവും സൗകര്യപ്രദവുമായ യാത്ര അനുഭവം നല്‍കാന്‍ ദുബൈ എപ്പോഴും പ്രതിജ്ഞാബദ്ധമാണെന്ന് അദ്ദേഹം വ്യക്തമാക്കി. സംഘം എയര്‍പോര്‍ട്ടിലുള്ള യാത്രക്കാരെ അഭിവാദ്യം ചെയ്യുകയും അവര്‍ക്ക് ഈദ് ആശംസ നേരുകയും ചെയ്തു.
Photo :ദുബൈ എയര്‍പോര്‍ട്ടില്‍ യാത്രക്കാരുടെ സേവനം ഉറപ്പാക്കാന്‍ ഉന്നത ഉദ്യോഗസ്ഥര്‍ സന്ദര്‍ശനം നടത്തുന്നു
Photo :ലഫ്റ്റനല്‍ ജനറല്‍ അല്‍ മര്‍റി ദുബൈ എയര്‍പോര്‍ട്ടില്‍ എത്തിയ കുട്ടികളോട് കുശലാന്വേഷണം നടത്തുന്നു
