കൂട്ടായ്മയാണ് രാഷ്ട്ര വികസനത്തിന്റെ കരുത്ത്: ശൈഖ് മുഹമ്മദ്
Sun, 13 Jul 2025
അബുദാബി: സ്വകാര്യ മേഖലയില്‍ ജോലി ചെയ്യുന്ന ഇമാറാത്തി സ്ത്രീകളുടെ പ്രസവാവധി നീട്ടി. 90 ദിവസമായി പ്രസവാവധി വര്‍ധിപ്പിച്ചതായി കമ്മ്യൂണിറ്റി ഡെവലപ്‌മെന്റ് ഡിപ്പാര്‍ട്ട്‌മെന്റ് അറിയിച്ചു. അമ്മമാര്‍ക്ക് നവജാത ശിശുവിനെ പരിപാലിക്കാനും വിശ്രമിച്ച് ആരോഗ്യം സംരക്ഷിക്കാനുമുള്ള സമയം ഉറപ്പാക്കുന്നതിന്റെ ഭാഗമായാണ് നടപടി. യുഎഇ തൊഴില്‍ നിയമമനുസരിച്ച് പൊതുമേഖലയില്‍ ജോലി ചെയ്യുന്നവര്‍ക്ക് മൂന്ന് മാസത്തെ ശമ്പളത്തോടെയുള്ള പ്രസവാവധിയാണ് ലഭിക്കുക. അതേസമയം, സ്വകാര്യ സ്ഥാപനങ്ങളിലെ സ്ത്രീകള്‍ക്ക് സാധാരണയായി 60 ദിവസമാണ് അവധി ലഭിക്കുക. ഇതില്‍ 45 ദിവസം പൂര്‍ണ്ണ വേതനവും 15 ദിവസം പകുതി വേതനവുമാണ് നല്‍കുന്നത്. ഈ നിയമത്തിലാണ് ഇപ്പോള്‍ അബുദാബിയില്‍ വ്യത്യാസം വരുത്തിയിരിക്കുന്നത്. അബുദാബി സോഷ്യല്‍ സപ്പോര്‍ട്ട് അതോറിറ്റിയാണ് നിയമം നടപ്പിലാക്കുന്നത്. എമിറേറ്റിലെ ഇമാറാത്തി കുടുംബങ്ങളെ സഹായിക്കാന്‍ ആരംഭിച്ച ആറ് സംരംഭങ്ങളില്‍ ഒന്നാണിതെന്ന് അധികൃതര്‍ വ്യക്തമാക്കി.
