ദുബൈ:ആധുനികവത്കരണം,വിജ്ഞാന കൈമാറ്റം എന്നീ മേഖലകളിലെ സഹകരണം വര്‍ദ്ധിപ്പിക്കുന്നതിനായി ദുബൈ ജനറല്‍ ഡയറക്ടറേറ്റ് ഓഫ് റെസിഡന്‍സി ആന്റ് ഫോറിനേഴ്‌സ് അഫയേഴ്‌സും (ജിഡിആര്‍എഫ്എ) അജ്മാന്‍ ടൂറിസം വികസന വകുപ്പും സഹകരണ കരാറില്‍ ഒപ്പുവച്ചു. ജിഡിആര്‍എഫ്എ മേധാവി ലഫ്റ്റനന്റ് ജനറല്‍ മുഹമ്മദ് അഹ്മദ് അല്‍ മര്‍റിയും അജ്മാന്‍ ടൂറിസം വികസന വകുപ്പ് ഡയറക്ടര്‍ ജനറല്‍ മഹ്്മൂദ് ഖലീല്‍ അല്‍ ഹാഷിമിയുമാണ് ധാരണ പത്രത്തില്‍ ഒപ്പുവച്ചത്. മികച്ച സമ്പ്രദായങ്ങള്‍ മെച്ചപ്പെടുത്തുകയും നടപ്പിലാക്കുകയും ചെയ്യുക, ഭാവി സന്നദ്ധത, നവീകരണം, അറിവ് മാനേജ്‌മെന്റ് തുടങ്ങിയ പ്രത്യേക മേഖലകളിലെ വിദ്യാഭ്യാസ പരിപാടികള്‍ എന്നിവയിലെ സഹകരണം ധാരണാപത്രത്തില്‍ ഉള്‍ക്കൊള്ളുന്നു. മാനവ വിഭവശേഷിയുടെ കഴിവുകളും അനുഭവങ്ങളും വികസിപ്പിക്കാനും മികച്ച സംവിധാനം ഏര്‍പ്പെടുത്താനും അവ ഉചിതമായി നടപ്പിലാക്കാനും ആഗോളതലത്തില്‍ അംഗീകരിക്കപ്പെട്ട സമ്പ്രദായങ്ങള്‍ നവീകരിക്കാനും കരാര്‍ ലക്ഷ്യമിടുന്നുണ്ട്. സ്ഥാപന പിന്തുണ, മാനവ വിഭവശേഷി മേഖലകളിലെ സഹകരണവും ധാരണാപത്രത്തില്‍ ഉള്‍പ്പെടുന്നു. തന്ത്രപരമായ പങ്കാളിത്തം വികസിപ്പിക്കുന്നതിനുള്ള ജിഡിആര്‍എഫ്എയുടെ പ്രതിബദ്ധതയും വികസന പ്രക്രിയയെ പിന്തുണയ്ക്കുന്നതില്‍ പങ്കാളികളുടെ പ്രാധാന്യവും ലഫ്റ്റനന്റ് ജനറല്‍ മുഹമ്മദ് അഹ്മദ് അല്‍ മര്‍റി ചടങ്ങില്‍ വിശദീകരിച്ചു. സര്‍ക്കാര്‍ സ്ഥാപനങ്ങള്‍ തമ്മിലുള്ള സംയോജനം ശക്തിപ്പെടുത്തുന്നതിലും ദുബൈയുടെ വികസന ലക്ഷ്യങ്ങള്‍ കൈവരിക്കുന്നതിനുള്ള സംയുക്ത ശ്രമങ്ങള്‍ വര്‍ധിപ്പിക്കുന്നതിലും തന്ത്രപരമായ പങ്കാളിത്തങ്ങള്‍ നിര്‍ണായക പങ്കാണ് വഹിക്കുന്നുവെന്ന് അദ്ദേഹം വ്യക്തമാക്കി
