
ആരോഗ്യ ചട്ടം പാലിച്ചില്ല സൂപ്പര്മാര്ക്കറ്റ് അടച്ചുപൂട്ടി
ദുബൈ: ദുബൈ ഭരണാധികാരി ശൈഖ് മുഹമ്മദ് ബിന് റാഷിദ് അല് മക്തൂമിന്റെ നേതൃത്വത്തില് ഇന്നു മുതല് 12 വരെ ദുബൈയില് നടക്കുന്ന പത്താമത് അന്താരാഷ്ട്ര അറബി ഭാഷാ സമ്മേളനത്തില് പ്രമുഖ അറബി ഭാഷാ പണ്ഡിതനും കൊല്ലം ശ്രീനാരായണഗുരു ഓപണ് യൂണിവേഴ്സിറ്റി അറബിക് പി. ജി അക്കാദമിക് കമ്മിറ്റി ചെയര്മാനുമായ ഡോ.ഹുസൈന് മടവൂര് പങ്കെടുക്കും. ഇന്ത്യയില് അറബി ഭാഷാ പ്രചാരണ രംഗത്ത് നടത്തുന്ന മികച്ച പ്രവര്ത്തനങ്ങള് പരിഗണിച്ചാണ് ക്ഷണം. സമ്മേളനത്തില് ആധുനിക ലോകത്ത് അറബി ഭാഷയുടെ നൂതന സാധ്യതകളെ കുറിച്ച് അറുപതോളം പ്രബന്ധങ്ങള് വിവിധ വേദികളില് അവതരിപ്പിച്ച് ചര്ച്ചക്ക് വിധേയമാക്കും.
വിവിധ രാഷ്ട്രങ്ങളില് നിന്നുള്ള അഞ്ഞൂറിലേറെ ഭാഷാപണ്ഡിതന്മാര് പങ്കെടുക്കും. സാഹിത്യം,കല,ചരിത്രം,സംസാകാരം,ശാസ്ത്രം എന്നിവക്ക് പുറമെ തൊഴില് മേഖലയിലും ഗവേഷണ രംഗത്തും അറബി ഭാഷയുടെ അനന്ത സാധ്യതകളാണ് ഇപ്പോ ള് സംജാതമായിട്ടുള്ളത്. എന്നാല് ഈ സാധ്യതകളെക്കുറിച്ച് വിദ്യാര്ത്ഥികള്ക്കും അധ്യാപകര്ക്കുമിടയില് അവബോധം സൃഷ്ടിക്കാന് സാധ്യമായിട്ടില്ല. പുതിയ കാലഘട്ടത്തിന്റെ ആവശ്യങ്ങള്ക്കനുസരിച്ച് അറബി ഭാഷാപഠനം ഇനിയും പരിഷ്കരിക്കേണ്ടതുണ്ട്. അതിന്നായി നിര്മിത ബുദ്ധിയുള്പ്പെടെയുള്ള ആധുനിക മാര്ഗങ്ങളും ഉപയോഗപ്പെടുത്തുന്നത് സംബന്ധിച്ചുള്ള ചര്ച്ചകളും സമ്മേളത്തിലുണ്ടാവും. ഫറോക്ക് റൗളത്തുല് ഉലൂം അറബിക് കോളജ് പ്രിന്സിപ്പലായി വിരമിച്ച ഹുസൈന് മടവൂര് കാലികറ്റ് യൂണിവേഴ്സിറ്റി,കോട്ടയം മഹാത്മാ ഗാന്ധി യൂണിവേഴ്സിറ്റി, ചെന്നൈ ബിഎസ്എ യൂണിവേഴ്സിറ്റി തുടങ്ങിയവയില് അറബിക് ബോര്ഡ് ഓഫ് സ്റ്റഡീസ് അംഗമായിരുന്നു. കേന്ദ്ര സംസ്ഥാന യൂണിവേഴ്സിറ്റികളില് യുജിസിയുടെ റിസോഴ്സ് പേഴ്സനായും ഗസ്റ്റ് ലക്ചറര് ആയും കേന്ദ്ര മാനവവിഭവശേഷി മന്ത്രാലയത്തിന് കീഴിലുള്ള ഭാഷാ വികസന സമതിയില് അറബി ഭാഷാ വിദഗ്ധ കമ്മിറ്റിയില് അംഗമായും പ്രവര്ത്തിച്ചിട്ടുണ്ട്. കേന്ദ്ര ന്യൂനപക്ഷ മന്ത്രാലയത്തിന്റെ സംസ്ഥാനതല കോര്ഓഡിനേറ്ററും കേരള സംസ്ഥാന സാക്ഷരതാ സമിതിയില് അംഗവുമായിരുന്നു.