റമസാന്‍ 27ാം രാവില്‍ ശൈഖ് സായിദ്പള്ളിയിലെത്തിയത് ഒരു ലക്ഷത്തിലധികം വിശ്വാസികള്‍
Fri, 28 Mar 2025
അബുദാബി : അബുദാബി കിരീടാവകാശി ശൈഖ് ഖാലിദ് ബിന്‍ മുഹമ്മദ് ബിന്‍ സായിദ് അല്‍ നഹ്യാന്‍ ഇന്നലെ മുംബൈയില്‍ നടന്ന ഇന്ത്യ-യുഎഇ ബിസിനസ് ഫോറത്തില്‍ പങ്കെടുത്തു. ഇന്ത്യന്‍ വാണിജ്യ വ്യവസായ മന്ത്രാലയത്തിന്റെ സഹകരണത്തോടെ യുഎഇ സാമ്പത്തിക മന്ത്രാലയവും ഇന്ത്യയിലെ യുഎഇ എംബസിയും ചേര്‍ന്നാണ് പരിപാടി സംഘടിപ്പിച്ചത്. ബിയോണ്ട് സിഇപിഎ: ഇന്നൊവേഷന്‍ ആന്‍ഡ് ഫ്യൂച്ചര്‍ റെഡി എക്കണോമിസ് എന്ന പ്രമേയത്തിന് കീഴില്‍ നടക്കുന്ന ഫോറം ആരോഗ്യ സംരക്ഷണം, ബയോടെക്‌നോളജി, പുനരുപയോഗ ഊര്‍ജം, സുസ്ഥിരത, നിര്‍മിത ബുദ്ധി, ലോജിസ്റ്റിക്‌സ്, വിതരണ ശൃംഖലകള്‍, കാര്‍ഷിക സാങ്കേതികവിദ്യ എന്നിവയില്‍ ശ്രദ്ധ കേന്ദ്രീകരിച്ചാണ് ഫോറം നടന്നത്. ഫോറത്തില്‍, ഉഭയകക്ഷി സാമ്പത്തിക വളര്‍ച്ചയെ ഉത്തേജിപ്പിക്കുന്നതില്‍ യുഎഇഇന്ത്യ CEPA യുടെ പ്രാധാന്യം ശൈഖ് ഖാലിദ് ആവര്‍ത്തിച്ച് ഉറപ്പിച്ചു. ഇന്ത്യയുമായുള്ള സാമ്പത്തിക ബന്ധം കൂടുതല്‍ വികസിപ്പിക്കുന്നതിനും അതിര്‍ത്തി കടന്നുള്ള വ്യാപാരം വര്‍ദ്ധിപ്പിക്കുന്നതിനും പ്രധാന വിപണികളിലേക്കുള്ള പ്രവേശനം സുഗമമാക്കുന്നതിനുമുള്ള യുഎഇയുടെ പ്രതിബദ്ധത രേഖപ്പെടുത്തി. സുസ്ഥിര സാമ്പത്തിക സഹകരണവും വികസനവും കൂടുതല്‍ ശക്തിപ്പെടുത്തുന്നതിനുള്ള ഇരു രാജ്യങ്ങളുടെയും നേതൃത്വത്തിന്റെ കാഴ്ചപ്പാടുമായി യുഎഇയും ഇന്ത്യയും തമ്മില്‍ സ്ഥാപിതമായ CEPA യോജിച്ചതാണെന്ന് അദ്ദേഹം എടുത്തുപറഞ്ഞു. ഫോറത്തില്‍, ഉഭയകക്ഷി സാമ്പത്തിക വളര്‍ച്ചയെ പരിപോഷിപ്പിക്കുന്നതിനുള്ള കരാറുകളുടെ കൈമാറ്റത്തിനും സംരംഭങ്ങള്‍ ആരംഭിക്കുന്നതിനും ശൈഖ് ഖാലിദ് സാക്ഷ്യം വഹിച്ചു. മറ്റു കരാറുകള്‍-
*ഇന്റര്‍നാഷണല്‍ റിസോഴ്‌സ് ഹോള്‍ഡിംഗ് ആര്‍എസ്‌സി ലിമിറ്റഡ്, യുഎഇ ആസ്ഥാനമായുള്ള പ്രകൃതിവിഭവ എക്‌സ്ട്രാക്റ്റീവ് കമ്പനിയായ ഓയില്‍ ഇന്ത്യ ലിമിറ്റഡ്, ഖനിജ് ബിദേശ് ഇന്ത്യ ലിമിറ്റഡ് (കാബില്‍), ഒഎന്‍ജിസി വിദേശ് ലിമിറ്റഡ് (ഒവിഎല്‍) എന്നിവ ആസ്തികള്‍ തിരിച്ചറിയുന്നതിനും ഏറ്റെടുക്കുന്നതിനും വികസിപ്പിക്കുന്നതിനുമുള്ള തങ്ങളുടെ പങ്കാളിത്ത കരാറില്‍ ഒപ്പുവച്ചു.
*യുഎഇ ആസ്ഥാനമായുള്ള എയര്‍ക്രാഫ്റ്റ് മെയിന്റനന്‍സ് ഓര്‍ഗനൈസേഷന്‍ ഗ്ലോബല്‍ ജെറ്റ് ടെക്‌നിക്, സായിദ് ഇന്റര്‍നാഷണല്‍ എയര്‍പോര്‍ട്ട് ഉള്‍പ്പെടെയുള്ള യുഎഇയിലെ അന്താരാഷ്ട്ര വിമാനത്താവളങ്ങളില്‍ എയര്‍ക്രാഫ്റ്റ് ലൈന്‍ മെയിന്റനന്‍സ് സേവനങ്ങള്‍ നല്‍കുന്നതിന് ഇന്ത്യന്‍ എയര്‍ലൈന്‍ കമ്പനികളായ ഇന്റര്‍ഗ്ലോബ് ഏവിയേഷന്‍ സര്‍വീസസ്, എയര്‍ ഇന്ത്യ, ആകാശ എയര്‍ എന്നിവയുമായി കരാറില്‍ ഒപ്പുവച്ചു.
*അബുദാബി ചേംബര്‍ ഓഫ് കൊമേഴ്‌സ് ആന്‍ഡ് ഇന്‍ഡസ്ട്രിയും കോണ്‍ഫെഡറേഷന്‍ ഓഫ് ഇന്ത്യന്‍ ഇന്‍ഡസ്ട്രിയും യുഎഇയിലും ഇന്ത്യയിലും സ്വകാര്യമേഖലയുടെ നിക്ഷേപ അവസരങ്ങള്‍ വര്‍ധിപ്പിക്കുന്നതിനും സാമ്പത്തിക വികസനവുമായി ബന്ധപ്പെട്ട വിവരങ്ങളുടെ കൈമാറ്റം സുഗമമാക്കുന്നതിനും വര്‍ധിച്ച വാണിജ്യ സഹകരണം പ്രോത്സാഹിപ്പിക്കുന്നതിനും സഹകരണത്തില്‍ ഏര്‍പ്പെട്ടു. അബുദാബി ചേംബര്‍ ഓഫ് കൊമേഴ്‌സ് ആന്‍ഡ് ഇന്‍ഡസ്ട്രിയുടെ ബിസിനസ് കണക്ട് പ്ലാറ്റ്‌ഫോമിന്റെ വിപുലീകരണവും കരാറില്‍ ഉള്‍പ്പെടുന്നു.
ഇന്ത്യ-യുഎഇ ബിസിനസ് ഫോറത്തിലെ യുഎഇ പ്രതിനിധി സംഘത്തെ നയിച്ചത് യുഎഇ വിദേശ വ്യാപാര സഹമന്ത്രി ഡോ. താനി ബിന്‍ അഹമ്മദ് അല്‍ സെയൂദിയായിരുന്നു. പരസ്പര പ്രയോജനമുള്ള മേഖലകള്‍ ചര്‍ച്ച ചെയ്യുന്നതിനും പിന്തുണയ്ക്കുന്ന നെറ്റ്‌വര്‍ക്കുകള്‍ വികസിപ്പിക്കുന്നതിനും ഞങ്ങളുടെ ബിസിനസ്സ് നേതാക്കളെ ഒരുമിച്ച് കൊണ്ടുവരുന്നതിനുള്ള മറ്റൊരു പ്രധാന അവസരമാണ് ഇന്ത്യ-യുഎഇ ബിസിനസ് ഫോറമെന്ന് ഡോ. താനി ബിന്‍ അഹമ്മദ് അല്‍ സെയൂദി പറഞ്ഞു. 2024ലെ ആദ്യ ആറ് മാസങ്ങളില്‍ 28.2 ബില്യണ്‍ യുഎസ് ഡോളറിലെത്തിയ ഉഭയകക്ഷി എണ്ണ ഇതര വ്യാപാരത്തില്‍ സ്ഥിരതയാര്‍ന്ന ഉയര്‍ച്ച കൈവരിച്ച വേളയിലാണ് ഫോറം നടക്കുന്നത്. 2023ലെ ഇതേ കാലയളവിനെ അപേക്ഷിച്ച് 9.8 ശതമാനം വര്‍ധനവുണ്ടായി.
