ഇറാനില് വീണ്ടും യുഎസ് ആക്രമണം; ഹോര്മുസിന് സമീപം നിരവധി സ്ഫോടനങ്ങള്
Sun, 12 Jul 2026
വിയറ്റ്നാമില് സ്പീഡ് ബോട്ട് മറിഞ്ഞ് 15 ഇന്ത്യന് വിനോദസഞ്ചാരികള് മരിച്ചു. ഇന്ന് തെക്കന് വിയറ്റ്നാമിലെ ആന് ജിയാങ് പ്രവിശ്യയിലെ ഫു ക്വോക്ക് ദ്വീപിലെത്തി തിരികെയുള്ള യാത്രയില് ബോട്ട് മറിയുകയായിരുന്നു. അപകടത്തില്പ്പെട്ടവരെ സഹായിക്കാന് ആംബുലന്സുകള് ഒരു തുറമുഖത്ത് അണിനിരന്നതായി വാര്ത്താ ഏജന്സി റിപ്പോര്ട്ട് ചെയ്തു. അപകടത്തില് 15 ഇന്ത്യന് സന്ദര്ശകര് മരിച്ചതായി സംസ്ഥാന മാധ്യമങ്ങള് റിപ്പോര്ട്ട് ചെയ്തു. വിയറ്റ്നാമിലെ ഏറ്റവും വലിയ ദ്വീപായ ഫു ക്വോക്കിന് സമീപമുള്ള ഹോണ് മെയ് റൂട്ട് എന്ഗോയ് ദ്വീപില് നിന്ന് ഏകദേശം 400 മീറ്റര് (1,310 അടി) അകലെ 32 ഇന്ത്യന് വിനോദസഞ്ചാരികളും നാല് ജീവനക്കാരും സഞ്ചരിച്ചിരുന്ന ബോട്ടാണ് അപകടത്തില് പെട്ടത്. അതിര്ത്തി കാവല്ക്കാര്, നാവികസേന, തീരസംരക്ഷണ സേന, മറ്റ് രക്ഷാ ഏജന്സികള് എന്നിവ എത്തുന്നതിനുമുമ്പ് സമീപത്തുള്ള ബോട്ടുകള് സംഭവസ്ഥലത്തേക്ക് കുതിച്ചെത്തി കഴിയാവുന്നത്ര യാത്രക്കാരെ വെള്ളത്തില് നിന്ന് രക്ഷപ്പെടുത്തി. പലരും അകത്ത് കുടുങ്ങിയതിനാല് രക്ഷിക്കാന് കഴിഞ്ഞില്ലെന്ന് മാധ്യമങ്ങള് റിപ്പോര്ട്ട് ചെയ്തു. പ്രദേശത്ത് വലിയ തിരമാലകള് ഉണ്ടായിരുന്നു. ബോട്ടിലുണ്ടായിരുന്ന ഇരുപത്തിയൊന്ന് പേരെ രക്ഷപ്പെടുത്തി, ബാക്കിയുള്ളവരുടെ മൃതദേഹങ്ങള് പുറത്തെടുത്തതായി അധികൃതര് പറഞ്ഞു. പരിക്കേറ്റവരെ ആശുപത്രികളിലേക്ക് കൊണ്ടുപോയി. തായ്ലന്ഡ് ഉള്ക്കടലിലെ ഫു ക്വോക്ക് വിയറ്റ്നാമിലെ ഏറ്റവും പ്രശസ്തമായ ബീച്ച് ഡെസ്റ്റിനേഷനുകളില് ഒന്നാണ്. ഫു ക്വോക്കിന് ഏകദേശം 10 കിലോമീറ്റര് (6 മൈല്) തെക്കായിട്ടാണ് ഹോണ് മെയ് റൂട്ട് ദ്വീപ് സ്ഥിതി ചെയ്യുന്നത്. വെള്ള മണല് നിറഞ്ഞ ബീച്ചുകള്ക്കും തെളിഞ്ഞ വെള്ളത്തിനും പേരുകേട്ട ഇവിടം എല്ലാ വര്ഷവും ദശലക്ഷക്കണക്കിന് ആഭ്യന്തര, വിദേശ വിനോദസഞ്ചാരികള് എത്താറുണ്ട്.
