ദുബൈയില് കാര് ഷോറൂമില് ഗ്യാസ് സിലിണ്ടര് പൊട്ടിത്തെറി: ഒരാള് മരിച്ചു, അഞ്ച് പേര്ക്ക് പരിക്ക്
Mon, 03 Aug 2026
അബുദാബി: യുഎഇ സര്ക്കാര് സേവനങ്ങളുടെ ഫീസുകളും പിഴകളും അടയ്ക്കാന് Aani യും Jaywan ഉം എന്ന രണ്ട് പുതിയ പേയ്മെന്റ് സംവിധാനങ്ങള് സ്വീകരിച്ചതായി യുഎഇ ധനകാര്യ മന്ത്രാലയം പ്രഖ്യാപിച്ചു. ഇത് നടപ്പാക്കുന്ന ആദ്യ ഫെഡറല് സര്ക്കാര് സ്ഥാപനമാണ് ധനകാര്യ മന്ത്രാലയം. ആനി യുഎഇ സെന്ട്രല് ബാങ്കിന്റെ മേല്നോട്ടത്തില് വികസിപ്പിച്ച ഡിജിറ്റല് പേയ്മെന്റ് പ്ലാറ്റ്ഫോമാണ്. ഇതിലൂടെ 24 മണിക്കൂറും പണം അയക്കാനും സ്വീകരിക്കാനും കഴിയും. മൊബൈല് നമ്പര്, എമിറേറ്റ്സ് ഐഡി, ഇമെയില് വിലാസം, QR കോഡ്, ബാങ്ക് അക്കൗണ്ട് നമ്പര് (IBAN) എന്നിവ ഉപയോഗിച്ച് പണമടക്കാം. ജയ്വാന് യുഎഇയുടെ ദേശീയ ഡെബിറ്റ്/പേയ്മെന്റ് കാര്ഡ് സംവിധാനമാണ്. ഇത് രാജ്യത്തെ ഡിജിറ്റല് പേയ്മെന്റ് സംവിധാനം കൂടുതല് സുരക്ഷിതവും കാര്യക്ഷമവും ആക്കാനാണ് സെന്ട്രല് ബാങ്ക് ആരംഭിച്ചത്. ഈ മാറ്റത്തിന്റെ ഗുണങ്ങള്: സര്ക്കാര് ഫീസുകളും പിഴകളും കൂടുതല് വേഗത്തില് അടക്കാം. ഉപഭോക്താക്കള്ക്ക് കൂടുതല് പേയ്മെന്റ് ഓപ്ഷനുകള് ലഭിക്കും. ഇടപാടുകള് കൂടുതല് സുരക്ഷിതവും സൗകര്യപ്രദവും ആകും.
സര്ക്കാര് വരുമാന ശേഖരണം കൂടുതല് കാര്യക്ഷമമാകും. ഡിജിറ്റല് സമ്പദ്വ്യവസ്ഥയെ ശക്തിപ്പെടുത്തും. ‘Aani’, ‘Jaywan‘ എന്നിവ സ്വീകരിച്ചത് യുഎഇയുടെ സുരക്ഷിതവും സുസ്ഥിരവുമായ ഡിജിറ്റല് സമ്പദ്വ്യവസ്ഥയിലേക്കുള്ള വലിയ ചുവടുവെപ്പാണെന്ന് ധനകാര്യ മന്ത്രാലയത്തിലെ അണ്ടര്സെക്രട്ടറി യൂനിസ് ഹാജി അല് ഖൂരി പറഞ്ഞു. ബാങ്കുകളുമായും മറ്റ് പേയ്മെന്റ് പങ്കാളികളുമായും കൂടുതല് മികച്ച ഏകോപനം ഉറപ്പാക്കും. ഇടപാടുകളുടെ ചെലവ് കുറക്കുകയും വേഗവും സുരക്ഷയും വര്ധിപ്പിക്കുകയും ചെയ്യും. ഇനി യുഎഇയിലെ മറ്റ് ഫെഡറല് സര്ക്കാര് സ്ഥാപനങ്ങളും ബാങ്കുകളും അവരുടെ നടപടിക്രമങ്ങള് അനുസരിച്ച് ആനി, ജയ്വാന് സംവിധാനങ്ങള് ഘട്ടംഘട്ടമായി സ്വീകരിക്കും. ഇതിലൂടെ സര്ക്കാര് സേവനങ്ങള്ക്ക് ഫീസ് അടയ്ക്കുന്നത് കൂടുതല് എളുപ്പവും വേഗത്തിലുമാകും.
