മൊറോക്കോയില് നിന്ന് കൂട്ട കുടിയേറ്റം; ഒറ്റദിവസം എത്തിയത് 60,000 ആളുകള്; സുരക്ഷ ശക്തമാക്കി സ്പെയിന്
Fri, 31 Jul 2026
ന്യൂഡല്ഹി: ഇന്ത്യന് ഹോക്കി ടീമിന്റെ പരമ്പരാഗത നീല ജഴ്സിക്ക് പകരം കാവി (സാഫ്രണ്) നിറത്തിലുള്ള ജഴ്സി അവതരിപ്പിച്ച തീരുമാനം വ്യാപക ചര്ച്ചകള്ക്ക് വഴിവെച്ചിരിക്കെ, ഇതിന് പിന്നിലെ കാരണം വ്യക്തമാക്കി ഹോക്കി ഇന്ത്യ. സാങ്കേതിക ആവശ്യകതകളും കളിക്കാര്ക്കും പ്രേക്ഷകര്ക്കും മികച്ച ദൃശ്യാനുഭവം ഉറപ്പാക്കുകയുമാണ് ജഴ്സി മാറ്റത്തിന് പിന്നിലെ പ്രധാന ലക്ഷ്യമെന്ന് സംഘടന അറിയിച്ചു. ഹോക്കി ഇന്ത്യ പ്രസിഡന്റ് ദിലീപ് തിര്ക്കെയുടെ വിശദീകരണമനുസരിച്ച്, നിലവില് അന്താരാഷ്ട്ര മത്സരങ്ങള് കൂടുതലും നീല നിറത്തിലുള്ള സിന്തറ്റിക് ടര്ഫുകളിലാണ് നടക്കുന്നത്. ഇതേ നിറത്തിലുള്ള ജഴ്സി ധരിക്കുമ്പോള് കളിക്കാരെ തിരിച്ചറിയുന്നതില് ബുദ്ധിമുട്ട് നേരിടുന്നതായും ടെലിവിഷന് സംപ്രേഷണത്തിലും ദൃശ്യ വ്യക്തത കുറയുന്നതായും വിലയിരുത്തലുണ്ടായി. ഈ സാഹചര്യത്തിലാണ് കാവി നിറത്തിലുള്ള പുതിയ ജഴ്സി അവതരിപ്പിക്കാന് തീരുമാനിച്ചതെന്ന് അദ്ദേഹം പറഞ്ഞു.
ദേശീയ പതാകയിലെ പ്രധാന നിറങ്ങളിലൊന്നായ കാവി ധൈര്യത്തിന്റെയും ത്യാഗത്തിന്റെയും വീര്യത്തിന്റെയും പ്രതീകമാണെന്നും, ടീമിന്റെ പോരാട്ടവീര്യം പ്രതിഫലിപ്പിക്കുന്നതിനും ഈ നിറം അനുയോജ്യമാണെന്നും ഹോക്കി ഇന്ത്യ വ്യക്തമാക്കി. അതേസമയം, ജഴ്സി മാറ്റം മുന് ഇന്ത്യന് താരങ്ങളില് ഉള്പ്പെടെ വിമര്ശനങ്ങള്ക്കും ഇടയാക്കി. മുന് ഇന്ത്യന് നായകനും ഒളിമ്പ്യനുമായ വിരേന് റസ്ക്വിന്ഹ, ഇന്ത്യന് ഹോക്കിയുടെ വ്യക്തിത്വം വര്ഷങ്ങളായി നീല ജഴ്സിയുമായി ബന്ധപ്പെട്ടതാണെന്നും അത് മാറ്റുന്നത് പാരമ്പര്യത്തില് നിന്ന് അകന്നുനില്ക്കുന്ന തീരുമാനമാണെന്നും അഭിപ്രായപ്പെട്ടു. പുതിയ ജഴ്സിയെക്കുറിച്ച് കളിക്കാരുമായും പരിശീലക സംഘവുമായും നടത്തിയ ചര്ച്ചകള്ക്കൊടുവിലാണ് അന്തിമ തീരുമാനം എടുത്തതെന്ന് ഹോക്കി ഇന്ത്യ അറിയിച്ചു. 2026 എഫ്ഐഎച്ച് ഹോക്കി ലോകകപ്പിലാണ് ഇന്ത്യന് പുരുഷ-വനിതാ ടീമുകള് ആദ്യമായി കാവി നിറത്തിലുള്ള പ്രധാന ജഴ്സി അണിഞ്ഞിറങ്ങുക. ജഴ്സി മാറ്റം സാങ്കേതിക ആവശ്യകതയാണെന്ന് ഹോക്കി ഇന്ത്യ ആവര്ത്തിച്ചെങ്കിലും, ഇന്ത്യന് ഹോക്കിയുടെ പാരമ്പര്യവും ദേശീയ കായിക തിരിച്ചറിയലും സംബന്ധിച്ച ചര്ച്ചകള്ക്ക് ഇത് പുതിയ വഴിത്തിരിവായിരിക്കുകയാണ്.
