ഫ്‌ലൈദുബൈ പൈലറ്റ് ക്യാപ്റ്റന്‍ സ്മിത് മച്ചാറിനെ യുഎഇയിലെത്തിച്ചു; ഇന്ത്യന്‍ അംബാസഡര്‍ ആശുപത്രിയിലെത്തി
Thu, 01 Oct 2026
ദുബൈ: ശരീരത്തില്‍ അമിതമായി ചുവന്ന രക്താണുക്കള്‍ ഉല്‍പാദിപ്പിക്കുന്ന അപൂര്‍വ രക്തരോഗമായ പോളിസൈതീമിയ വെറ (Polycythemia Vera) ബാധിച്ച മുതിര്‍ന്നവര്‍ക്ക് പുതിയ ചികിത്സാ മാര്‍ഗത്തിന് യുഎഇ അംഗീകാരം നല്‍കി. MIMRYLO (rusfertide) എന്ന മരുന്നിനാണ് Emirates Drug Establishment (EDE) അംഗീകാരം നല്‍കിയത്. ഈ ചികിത്സക്ക് അംഗീകാരം നല്‍കുന്ന ലോകത്തിലെ രണ്ടാമത്തെ രാജ്യമാണ് യുഎഇയെന്ന് EDE അറിയിച്ചു.
രക്തം നീക്കം ചെയ്യുന്ന നടപടികള്‍ കുറക്കാം
പോളിസൈതീമിയ വെറയില്‍ ശരീരം ആവശ്യത്തിലധികം ചുവന്ന രക്താണുക്കള്‍ ഉല്‍പാദിപ്പിക്കുന്നു. ഇതോടെ രക്തം കട്ടിയാകുകയും രക്തം കട്ടപിടിക്കല്‍ ഉള്‍പ്പെടെയുള്ള ഗുരുതര സങ്കീര്‍ണതകളുടെ സാധ്യത വര്‍ധിക്കുകയും ചെയ്യാം. നിലവില്‍ രോഗികളുടെ ചുവന്ന രക്താണുക്കളുടെ അളവ് നിയന്ത്രിക്കാന്‍ തെറാപ്പ്യൂട്ടിക് ഫ്‌ലെബോട്ടമി (Therapeutic Phlebotomy) എന്ന രീതിയില്‍ നിശ്ചിത ഇടവേളകളില്‍ ശരീരത്തില്‍ നിന്ന് രക്തം നീക്കം ചെയ്യാറുണ്ട്.
പുതിയ മരുന്ന് ശരീരം ഇരുമ്പ് ഉപയോഗിക്കുന്ന രീതിയെ നിയന്ത്രിച്ചാണ് അധിക ചുവന്ന രക്താണുക്കളുടെ ഉല്‍പാദനം നിയന്ത്രിക്കാന്‍ സഹായിക്കുന്നത്. ക്ലിനിക്കല്‍ പരീക്ഷണങ്ങളില്‍ രക്തത്തിലെ ചുവന്ന രക്താണുക്കളുടെ അളവ് നിയന്ത്രിക്കാനും രക്തം നീക്കം ചെയ്യേണ്ടതിന്റെ ആവശ്യം കുറക്കാനും ക്ഷീണം കുറക്കാനും മരുന്ന് സഹായിച്ചതായി മരുന്ന് നിര്‍മ്മാതാക്കളായ Takeda അറിയിച്ചു.
ഡോക്ടറുടെ മേല്‍നോട്ടത്തില്‍ നല്‍കണം
MIMRYLO ഒറ്റ ഡോസ് വയലുകളിലുള്ള പൊടി രൂപത്തിലുള്ള മരുന്നാണ്. ഉപയോഗിക്കുന്നതിന് മുമ്പ് ഇത് തയ്യാറാക്കണം. ഡോക്ടറുടെ മേല്‍നോട്ടത്തില്‍ മാത്രമേ മരുന്ന് നല്‍കാവൂ എന്ന് EDE വ്യക്തമാക്കി. യുഎഇയില്‍ മരുന്ന് രോഗികള്‍ക്ക് ലഭ്യമാകുന്ന തീയതി, വില, ഇന്‍ഷുറന്‍സ് പരിരക്ഷ എന്നിവ സംബന്ധിച്ച വിവരങ്ങള്‍ നിലവില്‍ പ്രഖ്യാപിച്ചിട്ടില്ല. ഡോക്ടര്‍ നിര്‍ദേശിക്കുന്ന ചികിത്സാ പദ്ധതി കൃത്യമായി പാലിക്കുകയും സ്ഥിരമായ പരിശോധനകള്‍ക്ക് വിധേയരാകുകയും വേണമെന്നും EDE നിര്‍ദേശിച്ചു.
