സ്വയം നിയന്ത്രിത വാഹനങ്ങളുടെ കണ്ട്രോള് റൂം പ്രവര്ത്തനമാരംഭിച്ചു
Tue, 14 Jul 2026
വാഷിംഗ്ടണ്: ഇറാനെതിരെയുള്ള നാവിക ഉപരോധം ശക്തമാക്കുമെന്ന് ഹോര്മുസ് കടലിടുക്കിന്റെ കാവല്ക്കാരനാകുമെന്നും അമേരിക്കന് പ്രസിഡന്റ് ഡോണാള്ഡ് ട്രംപ് പറഞ്ഞു. യുഎസും ഇറാനും തമ്മില് നടന്ന ഏറ്റവും പുതിയ ആക്രമണ പരമ്പരയ്ക്ക് തൊട്ടുപിന്നാലെ, ഫോക്സ് ന്യൂസിന് നല്കിയ അഭിമുഖത്തിലും ട്രൂത്ത് സോഷ്യലിലെ ഒരു പോസ്റ്റിലുമാണ് ട്രംപ് ഈ പരാമര്ശങ്ങള് നടത്തിയത്. ‘ഞങ്ങള് ഇറാനിയന് ഉപരോധം പുനഃസ്ഥാപിക്കുകയാണ്, ഇറാന്റെ കപ്പലുകളെയോ ഉപഭോക്താക്കളെയോ മാത്രമേ പ്രവേശിക്കുന്നതിനോ പുറത്തുപോകുന്നതിനോ ഇത് തടയുന്നുള്ളൂ എന്നതിനാലാണ് ഇതിന് ആ പേര് നല്കിയിരിക്കുന്നത്,’ ട്രംപ് പറഞ്ഞു. ഇന്ന് മുതല് ഉപരോധം ആരംഭിക്കുമെന്ന് യുഎസ് നാവികസേനയുടെ നേതൃത്വത്തിലുള്ള ജോയിന്റ് മാരിടൈം ഇന്ഫര്മേഷന് സെന്റര് അറിയിച്ചു. എന്നാല് ഈ ഭാഗത്തിന് സുരക്ഷയും കാവലും ഒരുക്കുന്നതിന് ആവശ്യമായ ചെലവുകള്ക്കുമായി, കയറ്റി അയക്കുന്ന എല്ലാ ചരക്കുകള്ക്കും 20% നിരക്കില് തുക ഈടാക്കും. ഇതിനുള്ള നടപടികളും രൂപീകരണവും ഉടനടി ആരംഭിക്കും,’ അദ്ദേഹം പറഞ്ഞു. എന്നാല് കടലിടുക്ക് കടക്കുന്നതിന് ഫീസ് ചുമത്തുന്നതിനെ തങ്ങള് എതിര്ക്കുന്നതായി യുഎന്നിന്റെ ഷിപ്പിംഗ് ഏജന്സി ഒരു പ്രസ്താവനയില് പറഞ്ഞു. അന്താരാഷ്ട്ര നാവിഗേഷനായി ഉപയോഗിക്കുന്ന കടലിടുക്കുകളിലൂടെ കടന്നുപോകുന്നതിന് ഫീസ് ഈടാക്കുന്നതിനെ ശക്തമായി എതിര്ക്കുന്നു,’ ഇന്റര്നാഷണല് മാരിടൈം ഓര്ഗനൈസേഷന് പറഞ്ഞു. ‘ഒരു കടലിടുക്കിലൂടെ കടന്നുപോകാന് മാത്രം നിര്ബന്ധിത ടോള് ഏര്പ്പെടുത്തുന്നതിന് യാതൊരു നിയമപരമായ അടിസ്ഥാനവുമില്ല.’അന്താരാഷ്ട്ര ജലപാതകളിലൂടെ കടന്നുപോകുന്നതിന് ഏതെങ്കിലും രാജ്യം ടോള് ഈടാക്കുന്നു എന്ന ആശയത്തെ ട്രംപിന്റെ സ്വന്തം സ്റ്റേറ്റ് സെക്രട്ടറി മാര്ക്കോ റൂബിയോ ജൂണില് നിരാകരിച്ചിരുന്നു. ‘ഒരു അന്താരാഷ്ട്ര ജലപാതയിലും ടോള് അല്ലെങ്കില് ഫീസ് ഈടാക്കാന് ഒരു രാജ്യത്തിനും അനുവാദമില്ല. അതാണ് നിലവിലുള്ള അന്താരാഷ്ട്ര നിയമം,’ കടന്നുപോകുന്നതിന് ഇറാന് ഫീസ് ഈടാക്കാനുള്ള സാധ്യതയുള്ളതിനാല് മുമ്പ് റൂബിയോ ഇത്തരത്തില് പ്രതികരിച്ചത്.
