മക്കളെ നഷ്ടപ്പെടുന്ന വേദന വലുതാണ്; സ്വകാര്യത മാനിക്കണം: വീഡിയോയുമായി സുഹൈലിന്റെ മാതാവ്
Sun, 18 Oct 2026
ദുബൈ : യുഎഇയിലെ ഇന്ത്യന്‍ സമൂഹത്തിന്റെ ജനസംഖ്യ ഏകദേശം നാല് ദശലക്ഷത്തില്‍ എത്തിയതായി ദുബൈ നോര്‍ത്തേണ്‍ എമിറേറ്റ്‌സ് ഇന്ത്യന്‍ കോണ്‍സുല്‍ ജനറല്‍ സതീഷ് കുമാര്‍ ശിവന്‍ പറഞ്ഞു. ഇന്ത്യന്‍ ഇന്‍സ്റ്റിറ്റിയൂട്ട് ഓഫ് ചാര്‍ട്ടേഡ് അക്കൗണ്ടന്റ്‌സ് ഓഫ് ഇന്ത്യയുടെ ദുബൈ ചാപ്റ്റര്‍ സംഘടിപ്പിച്ച കോണ്‍ഫറന്‍സില്‍ സംസാരിക്കുകയായിരുന്നു. ഇന്ത്യന്‍ പ്രവാസികളുടെ സംഭാവനയാല്‍ യുഎഇ, പ്രത്യേകിച്ച് ദുബൈ ധനകാര്യ മേഖലയിലെ ആഗോള ഹബ്ബായി മാറുകയാണെന്നും അദ്ദേഹം പറഞ്ഞു. പ്രൊഫഷണല്‍ സംഭാവനകള്‍ക്കപ്പുറം, ഇന്ത്യന്‍ സമൂഹം ഇരു രാജ്യങ്ങളും തമ്മിലുള്ള ഒരു സാംസ്‌കാരിക പാലമായി വര്‍ത്തിക്കുന്നു.
ഇത് ചരിത്രപരമായ ബന്ധത്തിന്റെ തുടര്‍ച്ചയാണ്. 2012ല്‍ 2.2 ദശലക്ഷത്തില്‍ നിന്ന് കഴിഞ്ഞ വര്‍ഷം 3.9 ദശലക്ഷമായി ഇന്ത്യന്‍ പ്രവാസികള്‍ ഉയര്‍ന്നു. ഇന്ത്യയും യുഎഇയും തമ്മിലുള്ള തന്ത്രപരമായ പങ്കാളിത്തം അതിവേഗം ശക്തിപ്പെട്ടുകൊണ്ടിരിക്കുകയാണ്. ഇന്ത്യന്‍ സമൂഹത്തിന് അഭിവൃദ്ധി പ്രാപിക്കാന്‍ അവസരങ്ങള്‍ നല്‍കിയതിന് യുഎഇ നേതാക്കളോട് നന്ദി പറയേണ്ടത് എല്ലാവരുടെയും ങ്ങളുടെ കടമയാണെന്നും അദ്ദേഹം പറഞ്ഞു.
യുഎഇയിലെ ഏറ്റവും വലിയ പ്രവാസി സമൂഹമാണ് ഇന്ത്യക്കാര്‍, വര്‍ഷങ്ങളായി എമിറേറ്റ്‌സിന്റെ സമ്പദ്‌വ്യവസ്ഥയില്‍ ഗണ്യമായ സംഭാവന നല്‍കിയവരാണ്. വാസ്തവത്തില്‍, ആരോഗ്യ സംരക്ഷണം, റിയല്‍ എസ്‌റ്റേറ്റ്, റീട്ടെയില്‍ തുടങ്ങിയ മേഖലകളില്‍ ഗണ്യമായ നിക്ഷേപമുള്ള രാജ്യത്തെ ഏറ്റവും സമ്പന്നരായ കമ്മ്യൂണിറ്റി അംഗങ്ങളില്‍ ഒന്നാണ് ഇന്ത്യന്‍ പ്രവാസികള്‍. കോവിഡ് കാലത്ത് ഇന്ത്യക്കാരുടെയും മറ്റ് പ്രവാസി സമൂഹങ്ങളുടെയും ജനസംഖ്യ കുറഞ്ഞു. പിന്നീട് രാജ്യത്ത് ഉയര്‍ന്നുവന്ന ഹരിത മേച്ചില്‍പ്പുറങ്ങളും തൊഴിലവസരങ്ങളും തേടി നിരവധി പ്രൊഫഷണലുകളും ഉയര്‍ന്ന മൂല്യമുള്ള വ്യക്തികളും യുഎഇയിലേക്ക് താമസം മാറിയതിനാല്‍ ശക്തമായി തിരിച്ചുവന്നു. കഴിഞ്ഞ നാല് വര്‍ഷത്തിനിടെ യുഎഇ രേഖപ്പെടുത്തിയ വളര്‍ച്ച ഇതിലേക്ക് വിരല്‍ചൂണ്ടുന്നു.
ഇന്ത്യക്കാര്‍ക്ക് അവരുടെ മതം ആചരിക്കാന്‍ അവസരം നല്‍കിയതിന് യുഎഇ നേതൃത്വത്തെ കോണ്‍സല്‍ ജനറല്‍ പ്രശംസിച്ചു. ദ്വിദിന സമ്മേളനത്തിന്റെ ആദ്യ ദിനത്തില്‍ ഐസിഎഐ പ്രസിഡന്റ് രഞ്ജീത് കുമാര്‍ അഗര്‍വാള്‍ മുഖ്യപ്രഭാഷണം നടത്തി. ഐസിഎഐ ദുബൈ ചാപ്റ്റര്‍ ചെയര്‍മാന്‍ രാജേഷ് സോമാനി സ്വാഗതം ആശംസിച്ചു. ലോകമെമ്പാടുമുള്ള എല്ലാ ഐസിഎഐ ചാപ്റ്ററുകളിലും ദുബൈ ചാപ്റ്റര്‍ ഏറ്റവും സ്വാധീനമുള്ളതായി മാറിയെന്ന് കോണ്‍സല്‍ ജനറല്‍ കൂട്ടിച്ചേര്‍ത്തു. അക്കൗണ്ടിംഗ്, ബിസിനസ് അഡൈ്വസറി തുടങ്ങിയ സാമ്പത്തിക തലങ്ങളില്‍ പ്രവര്‍ത്തിക്കുന്ന ഈ പ്രൊഫഷണലുകള്‍ സാമ്പത്തിക വളര്‍ച്ചയെ നയിക്കുന്നതിനും സാമ്പത്തിക സുതാര്യത ഉറപ്പുവരുത്തുന്നതിനും ആഗോള വിപണിയില്‍ ഇന്ത്യയുടെ സംയോജനം പ്രോത്സാഹിപ്പിക്കുന്നതിനും നിര്‍ണായക പങ്ക് വഹിക്കുന്നു. ബഹുരാഷ്ട്ര കോര്‍പ്പറേഷനുകള്‍, ധനകാര്യ സ്ഥാപനങ്ങള്‍, ആഗോള സ്റ്റാര്‍ട്ടപ്പുകള്‍ എന്നിവയില്‍ ഇന്ത്യന്‍ പ്രതിഭകളുടെ വര്‍ദ്ധിച്ചുവരുന്ന ആവശ്യം ഇന്ത്യയുടെ വളര്‍ന്നുവരുന്ന നിലയ്ക്കും പ്രൊഫഷണലുകളുടെ പങ്കിനും അടിവരയിടുന്നുശിവന്‍ പറഞ്ഞു.
