താമസക്കാര്ക്ക് ആശ്വാസം; ദുബൈയില് പ്രതിമാസ വാടക സംവിധാനം വരുന്നു
Mon, 17 Aug 2026
ദുബൈ: അവധിക്കാലം കഴിഞ്ഞ് യുഎഇയിലേക്ക് മടങ്ങിയെത്തുന്ന പൗരന്മാരെയും താമസക്കാരെയും സന്ദര്ശകരെയും സ്വീകരിക്കാന് ദുബൈ വിമാനത്താവളങ്ങള് പൂര്ണസജ്ജമായതായി ജിഡിആര്എഫ്എ ദുബൈ മേധാവി ലഫ്റ്റനന്റ് ജനറല് മുഹമ്മദ് അഹ്മദ് അല് മര്റി അറിയിച്ചു. യാത്രാ നടപടികള് കൂടുതല് വേഗത്തില് പൂര്ത്തിയാക്കുന്നതിനൊപ്പം യാത്രക്കാര്ക്ക് മികച്ച അനുഭവം ഉറപ്പാക്കുന്നതിനുള്ള വിപുലമായ ഒരുക്കങ്ങളാണ് പൂര്ത്തിയാക്കിയതെന്ന് അദ്ദേഹം പറഞ്ഞു. യാത്രക്കാരുടെ തിരക്ക് കണക്കിലെടുത്ത് വിമാനത്താവളങ്ങളിലെ ഉദ്യോഗസ്ഥരെ പുനര്വിന്യസിക്കുകയും സാങ്കേതിക സഹായ സംഘങ്ങളെ വിന്യസിക്കുകയും സ്മാര്ട്ട് ഗേറ്റുകളുടെ പരമാവധി ശേഷി പ്രയോജനപ്പെടുത്തുകയും ചെയ്തിട്ടുണ്ട്. മുഖം തിരിച്ചറിയല്, ബയോമെട്രിക് സാങ്കേതികവിദ്യ എന്നിവയുടെ സഹായത്തോടെ ഏതാനും സെക്കന്ഡുകള്ക്കുള്ളില് പാസ്പോര്ട്ട് പരിശോധന പൂര്ത്തിയാക്കാന് സ്മാര്ട്ട് ഗേറ്റുകളിലൂടെ സാധിക്കും. ഇതുവഴി യാത്രക്കാര്ക്ക് പൂര്ണമായും കോണ്ടാക്ട്ലെസ് യാത്രാനുഭവമാണ് ലഭിക്കുക. റെഡ് കാര്പറ്റ് കോറിഡോറുകളും പ്രത്യേക വരവ് ചാനലുകളും ഇതിനകം സജ്ജമാക്കിയിട്ടുണ്ട്. ദുബൈയുടെ സവിശേഷമായ ആതിഥേയത്വവും ഊഷ്മളമായ സ്വീകരണവും വിമാനത്താവളത്തിലെത്തുന്ന നിമിഷം മുതല് യാത്രക്കാര്ക്ക് അനുഭവപ്പെടുന്ന തരത്തിലാണ് സംവിധാനങ്ങള് ഒരുക്കിയിരിക്കുന്നത്.
ദുബൈ സര്ക്കാരിന്റെ കാഴ്ചപ്പാടും ഉന്നത നേതൃത്വത്തിന്റെ നിര്ദേശങ്ങളും ലോകോത്തര യാത്രാനുഭവമായി യാഥാര്ഥ്യമാക്കുന്നതിന്റെ ഭാഗമാണ് ഈ ഒരുക്കങ്ങളെന്ന് ലഫ് ജനറല് മുഹമ്മദ് അല് മര്റി പറഞ്ഞു. ഭാവിയുടെ നഗരമെന്ന നിലയിലും താമസിക്കാനും സന്ദര്ശിക്കാനും ഏറ്റവും ആകര്ഷകമായ ഇടങ്ങളിലൊന്നെന്ന നിലയിലും ദുബൈയുടെ സ്ഥാനം കൂടുതല് ശക്തിപ്പെടുത്തുകയാണ് ലക്ഷ്യമെന്നും അദ്ദേഹം വ്യക്തമാക്കി. ദുബൈ വിമാനത്താവളങ്ങളുടെ എയര്പോര്ട്ട് വിഭാഗം അസിസ്റ്റന്റ് ഡയറക്ടര് ജനറലുമായും വിവിധ ഉദ്യോഗസ്ഥരുമായും പ്രവര്ത്തക സംഘങ്ങളുമായും നടത്തിയ കൂടിക്കാഴ്ചയിലാണ് അല് മര്റി നിര്ദേശങ്ങള് നല്കിയത്. യുഎഇയിലേക്ക് മടങ്ങിയെത്തുന്ന യാത്രക്കാരെയും സന്ദര്ശകരെയും ദുബൈ വിമാനത്താവളങ്ങളിലൂടെ ഊഷ്മളവും മികച്ചതുമായ രീതിയില് സ്വീകരിക്കണമെന്ന് അദ്ദേഹം ഉദ്യോഗസ്ഥര്ക്ക് നിര്ദേശം നല്കി.
ദുബൈയുടെ സംസ്കാരസമ്പന്നമായ പ്രതിച്ഛായ ഉയര്ത്തിപ്പിടിക്കുന്നതിനൊപ്പം എമിറേറ്റിന്റെ പ്രശസ്തമായ ആതിഥേയത്വത്തിന്റെയും മികവിന്റെയും മൂല്യങ്ങള് പ്രതിഫലിപ്പിക്കുന്നതായിരിക്കണം ഓരോ യാത്രക്കാരനും ലഭിക്കുന്ന സ്വീകരണമെന്നും അദ്ദേഹം വ്യക്തമാക്കി.
അതിര്ത്തി പരിശോധനയെ കൂടുതല് ആതിഥേയത്വപരമാക്കുന്ന ‘ബോര്ഡര് ഹോസ്പിറ്റാലിറ്റി’ എന്ന ആശയം ശക്തിപ്പെടുത്തുന്നതിനുള്ള പ്രവര്ത്തനങ്ങള് ജി.ഡി.ആര്.എഫ്.എ ദുബൈ തുടരുകയാണെന്ന് അല് മര്റി പറഞ്ഞു. ദുബൈയുടെ പ്രശസ്തമായ ആതിഥേയത്വത്തിന്റെയും ഊഷ്മളമായ സ്വീകരണത്തിന്റെയും അംബാസഡര്മാരായി പ്രവര്ത്തിക്കാന് പാസ്പോര്ട്ട് പരിശോധനാ ഉദ്യോഗസ്ഥര്ക്ക് പ്രത്യേക പരിശീലനം നല്കുന്നുണ്ട്. വിമാനത്താവളങ്ങളിലെ അതിര്ത്തി പരിശോധനാ സംവിധാനങ്ങളുടെ കാര്യക്ഷമത വര്ധിപ്പിക്കുന്നതിനായി അന്താരാഷ്ട്ര തലത്തിലെ മികച്ച മാതൃകകള് സ്വീകരിച്ചുവരികയാണെന്നും അദ്ദേഹം പറഞ്ഞു. Dubai Airports, Dubai Police, Dubai Customs, ദേശീയ വിമാനക്കമ്പനികള് എന്നിവയുമായുള്ള ഏകോപനം യാത്രാ നടപടികള് കൂടുതല് വേഗത്തിലും കാര്യക്ഷമമായും പൂര്ത്തിയാക്കുന്നതില് നിര്ണായകമാണെന്ന് അദ്ദേഹം പറഞ്ഞു.
