ഐ.ഐ.സി നാനോ ഫുട്ബോള് ടൂര്ണമെന്റ് സെപ്റ്റംബര് 27 ന്; ട്രോഫി റിവീല് ചെയ്തു
Sat, 26 Sep 2026
അബുദാബി: യുഎഇയില് 2025ലെ നികുതി കാലയളവുമായി ബന്ധപ്പെട്ട കോര്പ്പറേറ്റ് ടാക്സ് റിട്ടേണ് സമര്പ്പിക്കാനും നികുതി അടയ്ക്കാനുമുള്ള അവസാന തീയതി സെപ്റ്റംബര് 30 ആണെന്ന് ഫെഡറല് ടാക്സ് അതോറിറ്റി (FTA) അറിയിച്ചു. 2025 ഡിസംബര് 31ന് നികുതി കാലയളവ് അവസാനിച്ച കോര്പ്പറേറ്റ് ടാക്സിന് വിധേയമായ എല്ലാ സ്ഥാപനങ്ങളും സെപ്റ്റംബര് 30നകം റിട്ടേണ് സമര്പ്പിക്കുകയും ബാധകമായ നികുതി അടക്കുകയും വേണം.
EmaraTax വഴി 24 മണിക്കൂറും സേവനം
റിട്ടേണ് സമര്പ്പിക്കലും നികുതി അടയ്ക്കലും EmaraTax ഡിജിറ്റല് പ്ലാറ്റ്ഫോം വഴി 24 മണിക്കൂറും പൂര്ത്തിയാക്കാം. നികുതിദായകര്ക്ക് നേരിട്ട് റിട്ടേണ് സമര്പ്പിക്കുകയോ FTA അംഗീകരിച്ച ടാക്സ് ഏജന്റുമാരുടെ സഹായം തേടുകയോ ചെയ്യാം. Small Business Relief ലഭിക്കാന് അര്ഹരായ സ്ഥാപനങ്ങള് ഉള്പ്പെടെ കോര്പ്പറേറ്റ് ടാക്സിന് വിധേയരായ സ്ഥാപനങ്ങള്ക്കും റിട്ടേണ് സമര്പ്പിക്കല് ബാധകമാണ്. നികുതി കാലയളവ് അവസാനിച്ചതിന് ശേഷം ഒന്പത് മാസത്തിനുള്ളില് റിട്ടേണ് സമര്പ്പിക്കുകയും ബാധകമായ കോര്പ്പറേറ്റ് ടാക്സ് അടക്കുകയും ചെയ്യണമെന്നാണ് ചട്ടം. സമയപരിധി പാലിക്കാത്തത് പിഴ ഉള്പ്പെടെയുള്ള നടപടികള്ക്ക് ഇടയാക്കാം.
രേഖകള് സൂക്ഷിക്കണം
റിട്ടേണില് നല്കിയ വിവരങ്ങളുടെ കൃത്യത തെളിയിക്കുന്ന രേഖകള് സ്ഥാപനങ്ങള് കൃത്യമായി സൂക്ഷിക്കണമെന്ന് FTA വ്യക്തമാക്കി. വരുമാനം, നികുതി വിധേയമായ വരുമാനം, Small Business Relief ലഭിക്കുന്നതിനുള്ള യോഗ്യത തുടങ്ങിയവ പരിശോധിക്കാന് ഈ രേഖകള് ആവശ്യമാണ്. Tax Procedures Law, Corporate Tax Law എന്നിവ പ്രകാരം ആവശ്യമായ രേഖകളും വിവരങ്ങളും സൂക്ഷിക്കുന്നതില് വീഴ്ച വരുത്തിയാല് ബന്ധപ്പെട്ട ഭരണപരമായ പിഴകള് ബാധകമാകും.
കോര്പ്പറേറ്റ് ടാക്സില് നിന്ന് ഒഴിവാക്കപ്പെട്ട വിഭാഗങ്ങളില് രജിസ്ട്രേഷന് നിര്ബന്ധമായ സ്ഥാപനങ്ങളും സാമ്പത്തിക വര്ഷം അവസാനിച്ചതിന് ശേഷം ഒന്പത് മാസത്തിനുള്ളില് വാര്ഷിക ഡിക്ലറേഷന് സമര്പ്പിക്കണം.
