കാണാതായ മത്സ്യതൊഴിലാളികളുടെ വീട് മന്ത്രിമാര് സന്ദര്ശിച്ചു; കോസ്റ്റല് പോലീസ് പ്രവര്ത്തനം ശക്തമാക്കും
Mon, 10 Aug 2026
ബാഗ്ദാദ്: മറ്റൊരു രാജ്യത്തിനെതിരെ ആക്രമണമോ മറ്റ് പ്രവര്ത്തനങ്ങളോ നടത്താന് ഇറാഖിന്റെ ഭൂമി ഉപയോഗിക്കാന് അനുവദിക്കില്ലെന്ന് ഇറാഖ് പ്രധാനമന്ത്രി അലി ഫലിഹ് അല്സൈദി വ്യക്തമാക്കി. സൗദി ജനറല് ഇന്റലിജന്സ് മേധാവി ഖാലിദ് അല് ഹുമൈദാനുമായി വെള്ളിയാഴ്ച കൂടിക്കാഴ്ച നടത്തിയ ശേഷമാണ് ഇക്കാര്യം അറിയിച്ചത്. പ്രാദേശിക സുരക്ഷാ സാഹചര്യങ്ങളും മേഖലയില് നടക്കുന്ന പുതിയ സംഭവവികാസങ്ങളും സംബന്ധിച്ച ഏകോപനമാണ് ഇരുവരും ചര്ച്ച ചെയ്തത്. ഇറാഖിന്റെ പരമാധികാരം സംരക്ഷിക്കാനും മേഖലയില് കൂടുതല് സംഘര്ഷം ഉണ്ടാകുന്നത് തടയാനും ബാഗ്ദാദ് പ്രതിജ്ഞാബദ്ധമാണെന്നും അദ്ദേഹം ആവര്ത്തിച്ചു. സൗദി അറേബ്യയും ഇറാനുമായി ബന്ധമുള്ള ഇറാഖി സായുധ സംഘങ്ങളും തമ്മില് സംഘര്ഷം രൂക്ഷമായ സാഹചര്യത്തിലാണ് ഈ കൂടിക്കാഴ്ച നടന്നത്. സൗദി എണ്ണ സൗകര്യങ്ങള്ക്കെതിരായ ആക്രമണങ്ങള്ക്ക് ഉത്തരവാദികളായ സംഘങ്ങളെ ലക്ഷ്യമിട്ടാണ് അമേരിക്കന് സെന്ട്രല് കമാന്ഡുമായി ചേര്ന്ന് കഴിഞ്ഞ മാസം ഇറാഖില് ആക്രമണം നടത്തിയതെന്ന് റിയാദ് പറഞ്ഞിരുന്നു.
ഇറാഖി മിലീഷ്യകളും യെമനിലെ ഹൂതികളും ഉടന് ആക്രമണം നടത്താന് സാധ്യതയുണ്ടെന്ന മുന്നറിയിപ്പും സൗദി ഈ ആഴ്ച നല്കിയിരുന്നു. ഇറാഖ് പ്രധാനമന്ത്രി അലി ഫലിഹ് അല്സൈദിക്ക് റിയാദ് സന്ദര്ശിക്കാനുള്ള ക്ഷണം ലഭിച്ചിരുന്നതായി അദ്ദേഹത്തിന്റെ ഓഫീസ് വെള്ളിയാഴ്ച അറിയിച്ചു.
