കൊളംബിയ ഭൂകമ്പബാധിതര്ക്ക് യുഎഇ 1 കോടി ഡോളര് അടിയന്തര സഹായം അനുവദിച്ചു
Thu, 13 Aug 2026
ദുബൈ: വീടുകളും ഫഌറ്റുകളും വാടകക്കെടുക്കുന്നവര്ക്ക് സാമ്പത്തിക സഹായം നല്കുന്ന പുതിയ പദ്ധതി ദുബൈയില് വരുന്നു. ബാങ്ക് വീട്ടുടമക്ക് ഒരു വര്ഷത്തെ വാടക മുന്കൂറായി നല്കും; വാടകക്കാര്ക്ക് 12 മാസം വരെ തവണകളായി തിരിച്ചടയ്ക്കാം. ദുബൈയില് ‘Rent Now, Pay Later’ എന്ന പുതിയ സേവനം സെപ്റ്റംബറില് ആരംഭിക്കാന് ഒരുങ്ങുന്നു. ഇതിലൂടെ വാടകക്കാര്ക്ക് ഒരു വര്ഷത്തെ വാടക പലിശയില്ലാതെ 12 മാസം വരെ തവണകളായി അടയ്ക്കാന് സാധിക്കും. ഇമാറാത്ത് അല് യൗം റിപ്പോര്ട്ട് ചെയ്ത വിവരങ്ങളനുസരിച്ചാണ് ഈ പദ്ധതി. ദുബൈ ലാന്ഡ് ഡിപ്പാര്ട്ട്മെന്റ് ഒരു പ്രാദേശിക ബാങ്കുമായി ചേര്ന്നാണ് പദ്ധതി വികസിപ്പിക്കുന്നത്. വാടകക്കാര്ക്ക് കൂടുതല് സാമ്പത്തിക സൗകര്യം നല്കുകയും ഭവനം കൂടുതല് എളുപ്പത്തില് ലഭ്യമാക്കുകയും ചെയ്യുകയാണ് ലക്ഷ്യം. വാടകക്കാരന് ഒരു താമസസ്ഥലം തെരഞ്ഞെടുക്കും. തുടര്ന്ന് പങ്കാളിയായ ബാങ്ക് ഒരു വര്ഷത്തെ മുഴുവന് വാടകയും വീട്ടുടമക്ക് മുന്കൂറായി നല്കും. അതിന് ശേഷം വാടകക്കാരന് ആ തുക ബാങ്കിന് 12 മാസം വരെ തവണകളായി, പലിശയില്ലാതെ തിരിച്ചടക്കും. എന്നാല് പദ്ധതിയുടെ അന്തിമരൂപം ഇപ്പോഴും തയ്യാറാക്കിക്കൊണ്ടിരിക്കുകയാണ്. ആര്ക്കൊക്കെ അര്ഹതയുണ്ടാകും, എങ്ങനെ അപേക്ഷിക്കണം, തിരിച്ചടവ് എങ്ങനെ നടക്കും, വാടകക്കാരന്-വീട്ടുടമ-ബാങ്ക് ബന്ധം എങ്ങനെയായിരിക്കും തുടങ്ങിയ വിശദാംശങ്ങള് ഔദ്യോഗികമായി പദ്ധതി ആരംഭിക്കുമ്പോള് പ്രഖ്യാപിക്കും. ഈ സംവിധാനം നിര്ദ്ദേശിച്ചിരിക്കുന്ന രീതിയില് നടപ്പാക്കിയാല്, വാടക വിപണിയുടെ ഭാഗമായിട്ടുള്ള ഇത്തരമൊരു സംവിധാനമൊരുക്കുന്ന ലോകത്തിലെ ആദ്യ നഗരമായി ദുബൈ മാറാന് സാധ്യതയുണ്ട്. ജൂണ് 23ന് ആരംഭിച്ച ‘Flexi Rent’ പദ്ധതിയുടെ തുടര്ച്ചയായാണ് പുതിയ നീക്കം. അതിലൂടെ വാടകക്കാര്ക്ക് മാസത്തില്, മൂന്ന് മാസത്തിലൊരിക്കല്, ആറുമാസത്തിലൊരിക്കല് എന്നിങ്ങനെ വിവിധ രീതിയില് വാടക അടയ്ക്കാനുള്ള സൗകര്യം നേരത്തെ തന്നെ ലഭിച്ചിരുന്നു. വീട്ടുടമക്ക് മുഴുവന് വാടകയും ബാങ്ക് ഉടന് നല്കും; വാടകക്കാരന് ആ തുക ബാങ്കിന് 12 മാസം വരെ പലിശയില്ലാതെ തവണകളായി തിരിച്ചടയ്ക്കാന് സാധിക്കുന്നതാണ് പുതിയ പദ്ധതിയുടെ ആശയം.
