വിമാന സര്‍വീസുകള്‍ കൂട്ടത്തോടെ റദ്ദാക്കി; സൗദി യാത്ര പ്രതിസന്ധിയില്‍
Sat, 24 Oct 2026
ന്യൂഡല്‍ഹി: മുഖ്യ തെരഞ്ഞെടുപ്പ് കമ്മീഷണര്‍ ഗ്യാനേഷ് കുമാറിന്റെ രാജി ആവശ്യപ്പെട്ട് ഡല്‍ഹിയില്‍ മുസ്ലിം ലീഗ് യുവജന സംഘടനകളുടെ ശക്തമായ പ്രതിഷേധം. പാര്‍ലമെന്റ് മാര്‍ച്ചിനിടെ പ്രക്ഷോഭം സംഘടിപ്പിച്ച മുസ്ലിം ലീഗ് പ്രവര്‍ത്തകരെ ഡല്‍ഹി പോലീസ് അറസ്റ്റ് ചെയ്തുനീക്കി.
യൂത്ത് ലീഗ് ദേശീയ ജനറല്‍ സെക്രട്ടറി ഷിബു മീരാന്‍, എംഎസ്എഫ് ദേശീയ പ്രസിഡന്റ് പി.വി. അഹമ്മദ് സാജു എന്നിവരുള്‍പ്പെടെയുള്ള നേതാക്കളാണ് പോലീസിന്റെ കസ്റ്റഡിയിലായത്. രാജ്യത്ത് തിരഞ്ഞെടുപ്പ് പ്രക്രിയകളുടെ സുതാര്യത ഉറപ്പാക്കുന്നതില്‍ തെരഞ്ഞെടുപ്പ് കമ്മീഷന്‍ പരാജയപ്പെട്ടു. അതിനാല്‍ കമ്മീഷണര്‍ സ്ഥാനത്ത് തുടരാന്‍ ഗ്യാനേഷ് കുമാര്‍ യോഗ്യനല്ലെന്ന് പ്രതിഷേധക്കാര്‍ പറഞ്ഞു. അറസ്റ്റ് ചെയ്ത നേതാക്കളെയും പ്രവര്‍ത്തകരെയും പിന്നീട് അടുത്തുള്ള പോലീസ് സ്‌റ്റേഷനിലേക്ക് മാറ്റിയെങ്കിലും പ്രവര്‍ത്തകര്‍ സ്റ്റേഷന് അകത്തും പ്രതിഷേധം തുടര്‍ന്നു.
ഗാന്ധി ജയന്തി ദിനമായ ഒക്ടോബര്‍ 2 മുതല്‍ തെരഞ്ഞെടുപ്പ് കമ്മീഷനെതിരെ സംയുക്ത സമരത്തിലേക്ക് നീങ്ങിയിരിക്കുകയാണ് പ്രതിപക്ഷവും യുവജനപൗര സംഘടനകളും. ദേശീയതലത്തില്‍ കോണ്‍ഗ്രസും ഇടതുപക്ഷവും ഉള്‍പ്പെടെയുള്ള ‘ഇന്‍ഡ്യ’ മുന്നണി കക്ഷികള്‍ രാജ്യത്തെ മുഴുവന്‍ ജില്ലാ കേന്ദ്രങ്ങളിലും ഡിസ്ട്രിക്ട് മജിസ്‌ട്രേറ്റ് ഓഫീസുകളിലേക്കും ഒരാഴ്ച നീളുന്ന ‘ജനാധിപത്യ സംരക്ഷണ മാര്‍ച്ച്’ ആരംഭിച്ചു.
അതേ സമയം, മുംബൈയില്‍ അനുമതി നിഷേധിച്ചിട്ടും ശിവാജി പാര്‍ക്കിലേക്ക് കോക്ക്‌റോച്ച് ജനതാ പാര്‍ട്ടി (സിജെപി) പ്രഖ്യാപിച്ച പ്രതിഷേധത്തെ തുടര്‍ന്ന് ദാദറിലും റെയില്‍വേ സ്റ്റേഷന് പരിസരങ്ങളിലും പോലീസ് വന്‍ സുരക്ഷാ വലയം തീര്‍ത്തു. മുംബൈയ്ക്ക് ശേഷം രാജ്യത്തെ മറ്റ് ആറ് പ്രധാന നഗരങ്ങളിലേക്കും സമരം വ്യാപിപ്പിച്ച് ഒക്ടോബര്‍ അവസാനത്തോടെ ഡല്‍ഹിയിലെ ജന്തര്‍ മന്ദറില്‍ പ്രക്ഷോഭം അവസാനിപ്പിക്കാനാണ് ഇവരുടെ തീരുമാനം.
