മദീന ബസ് ടിക്കറ്റുകള്‍ ബുക്ക് ചെയ്യാന്‍ ‘തവക്കല്‍നാ’ ആപ്; ഡിജിറ്റലായി ബുക്ക് ചെയ്യാം
Wed, 11 Nov 2026
മുംബൈ: ഐപിഎല്‍ ക്രിക്കറ്റ് ചരിത്രത്തിലെ ഏറ്റവും വലിയ താരക്കൈമാറ്റം ഔദ്യോഗികമായി പ്രഖ്യാപിച്ചു. മുംബൈ ഇന്ത്യന്‍സ് നിലവിലെ ക്യാപ്റ്റന്‍ ഹാര്‍ദിക് പാണ്ഡ്യയെ പഞ്ചാബ് കിങ്‌സിന് വിട്ടുനല്‍കി. പകരം ഇടംകൈ പേസര്‍ അര്‍ഷ്ദീപ് സിങ് പഞ്ചാബില്‍നിന്ന് മുംബൈയില്‍ എത്തി. 18 കോടി രൂപയ്ക്കാണ് ഹാര്‍ദിക് പഞ്ചാബ് കിങ്സിലെത്തിയത്. നേരത്തെ 16.35 കോടി രൂപയായിരുന്നു താരത്തിന്റെ പ്രതിഫലം.
അതേസമയം, അര്‍ഷ്ദീപ് സിങ് നിലവിലെ 18 കോടി രൂപയുടെ കരാറില്‍ തന്നെയാണ് മുംബൈ ഇന്ത്യന്‍സിലേക്ക് എത്തുന്നത്. ഫീസ് അടിസ്ഥാനത്തില്‍ ഐപിഎലിലെ ഏറ്റവും വലിയ താരക്കൈമാറ്റങ്ങളിലൊന്നാണിത്. കഴിഞ്ഞ വര്‍ഷം മലയാളി താരം സഞ്ജു സാംസണ്‍ ചെന്നൈ സൂപ്പര്‍ കിങ്‌സിലെത്തിയതും 18 കോടി രൂപയ്ക്കാണ്. ഹാര്‍ദിക് ടീം വിട്ടതോടെ രോഹിത് ശര്‍മ മുംബൈ ക്യാപ്റ്റനായി തിരിച്ചെത്തുമെന്നും റിപ്പോര്‍ട്ടുണ്ട്.
2025 സീസണില്‍ മുംബൈ ഇന്ത്യന്‍സ് പ്ലേഓഫിലെത്തിയെങ്കിലും ഹാര്‍ദിക്കിന്റെ ക്യാപ്റ്റന്‍സിയില്‍ 2024, 2026 സീസണുകളില്‍ യഥാക്രമം ഒന്‍പതാം സ്ഥാനത്താണ് ടീം ഫിനിഷ് ചെയ്തത്. 96 ഐപിഎല്‍ മത്സരങ്ങളില്‍ നിന്ന് 111 വിക്കറ്റുകള്‍ നേടിയ അര്‍ഷ്ദീപ് സിങ് പഞ്ചാബ് കിങ്സിന്റെ ചരിത്രത്തിലെ ഏറ്റവും കൂടുതല്‍ വിക്കറ്റുകള്‍ നേടിയ ബോളറെന്ന റെക്കോര്‍ഡും സ്വന്തമാക്കിയിട്ടുണ്ട്.
