അറബ് റീഡിങ് ചലഞ്ച്: 4 കോടി വിദ്യാര്‍ഥികള്‍; വിജയികളെ ഒക്ടോബര്‍ 29ന് പ്രഖ്യാപിക്കും
Sat, 24 Oct 2026
ഷാര്‍ജ: എമിറേറ്റിലെ ഏറ്റവും വലിയ അഞ്ച് പള്ളികളില്‍ ഒന്നായ ഖുര്‍ആന്‍ പള്ളി വിശ്വാസികള്‍ക്ക് തുറന്നു കൊടുത്തു. സ്വഫുകളുടെ നിരകളെ തടസ്സപ്പെടുത്താത്ത വിധത്തില്‍ തൂണുകളില്ലാതെ നിര്‍മ്മിച്ച ഈ പള്ളിയുടെ ആകെ വിസ്തീര്‍ണ്ണം 6,388 ചതുരശ്ര മീറ്റര്‍ ആണ്. ഷാര്‍ജ ഡെപ്യുട്ടി ഭരണാധികാരിയും അറാദ ചെയര്‍മാനുമായ ശൈഖ് സുല്‍ത്താന്‍ ബിന്‍ അഹമ്മദ് ബിന്‍ സുല്‍ത്താന്‍ അല്‍ഖാസിമിയാണ് ഉദ്ഘാടനം നിര്‍വഹിച്ചത്. അല്‍ജാദ പ്രദേശത്ത് സ്ഥിതി ചെയ്യുന്ന പള്ളിയില്‍ ഇന്നലെ ളുഹര്‍ നമസ്‌കാരത്തോടെയാണ് തുറന്നത്. പള്ളിയില്‍ 3,000 പുരുഷന്മാര്‍ക്കും സ്ത്രീകള്‍ക്കുമായി 3000 പേര്‍ക്ക് നമസ്‌കരിക്കാനുള്ള സൗകര്യമുണ്ട്. അകത്തെ പള്ളിയില്‍ 1,600 പേര്‍ക്കും പുറം മുറ്റത്ത് 1,000 പേര്‍ക്കും ഒരേസമയം നമസ്‌കരിക്കാം. സ്ത്രീകളുടെ പ്രാര്‍ത്ഥനാ സ്ഥലത്ത് 400 പേര്‍ക്കുള്ള ഇടമുണ്ട്. പള്ളിയില്‍ വൃത്താകൃതിയിലുള്ള ഒരു പുറം താഴികക്കുടവും 39 മീറ്റര്‍ ഉയരമുള്ള ഒരു മിനാരവുമുണ്ട്. ലളിതമായ കോണ്‍ക്രീറ്റ് പാനലുകള്‍ മുതല്‍ കുഫിക് കാലിഗ്രാഫി അലങ്കാരങ്ങള്‍ വരെ വിവിധ ദൃശ്യ വ്യാഖ്യാനങ്ങള്‍ മുന്‍ഭാഗങ്ങളില്‍ കാണാം. ഇത് വാസ്തുവിദ്യാ ലൈറ്റിംഗിനെ എടുത്തുകാണിക്കുന്നു,
ആധുനിക ഇസ്ലാമിക വാസ്തുവിദ്യാ ശൈലിയില്‍ നിര്‍മ്മിച്ച ഈ പള്ളിയുടെ വിശദാംശങ്ങള്‍ ശൈഖിന് വിശദീകരിച്ചുകൊടുത്തു. പ്രാര്‍ത്ഥനാ മുറി, ഇമാമിന്റെ വസതി, മുഅദ്ദിന്‍ വസതി, വുദു തുടങ്ങിയ നിരവധി സൗകര്യങ്ങള്‍ ഇതില്‍ ഉള്‍പ്പെടുന്നു. പ്രദേശത്തെ താമസക്കാരുടെയും സന്ദര്‍ശകരുടെയും ആവശ്യങ്ങള്‍ നിറവേറ്റുന്ന ഒരു മതപരമായ അന്തരീക്ഷമാണ് പള്ളി നല്‍കുന്നത്. കൂടാതെ ഷാര്‍ജയുടെ വ്യതിരിക്തമായ ഒരു പുതിയ വാസ്തുവിദ്യാ നാഴികക്കല്ലാണിത്. പ്രാര്‍ത്ഥനകള്‍ ആത്മാവിനെ ശക്തിപ്പെടുത്തുന്നതിനെക്കുറിച്ചും വിശ്വാസികള്‍ക്കിടയില്‍ സമാധാനവും ആശ്വാസവും വളര്‍ത്തുന്നതിലും അവ വഹിക്കുന്ന പങ്കിനെക്കുറിച്ചും ശൈഖ് ഡോ. സാലിം അല്‍ദുബി ഒരു പ്രഭാഷണം നടത്തി. പള്ളികള്‍ ആളുകളെ ഒരുമിച്ച് കൊണ്ടുവരികയും അവരെ നന്മയിലേക്ക് നയിക്കുമെന്നും യഥാര്‍ത്ഥ മതത്തില്‍ പള്ളിക്ക് ഒരു മഹത്തായ സ്ഥാനമുണ്ടെന്നും അദ്ദേഹം ചൂണ്ടിക്കാട്ടി.
മദീനയില്‍ എത്തിയ ഉടന്‍ തന്നെ ഖുബാ പള്ളി നിര്‍മ്മിക്കുന്നതില്‍ പ്രവാചകന്‍ (സ) നടത്തിയ പ്രവര്‍ത്തനത്തെ ഉദ്ധരിച്ച്, പള്ളികള്‍ നിര്‍മ്മിക്കുന്നതിന്റെ ഗുണവും അവ നല്‍കുന്ന മഹത്തായ പ്രതിഫലവും അല്‍ദുബി എടുത്തുപറഞ്ഞു. ‘ഒരു കുരുവിയുടെ കൂടിന്റെ വലിപ്പമുള്ളതാണെങ്കില്‍ പോലും, ദൈവത്തിനുവേണ്ടി ഒരു പള്ളി പണിയുന്നവന് ദൈവം സ്വര്‍ഗത്തില്‍ ഒരു വീട് പണിയും’ എന്ന പ്രവാചകന്റെ വാക്കുകളും അദ്ദേഹം ഓര്‍മ്മിച്ചു.
അല്‍ജാദയിലെ ആദ്യത്തെ പള്ളിയായ ഖുറാന്‍ പള്ളി പ്രദേശത്തെ വരാനിരിക്കുന്ന പള്ളി പദ്ധതികളുടെ ഒരു ഭാഗമാണ്. പ്രദേശത്തെ താമസക്കാര്‍ക്കും സന്ദര്‍ശകര്‍ക്കമായി രണ്ട് പള്ളികള്‍ കൂടി അറാദ പൂര്‍ത്തിയാക്കിവരുന്നു.
ഇസ്ലാമിക കാര്യ വകുപ്പ് ചെയര്‍മാന്‍ അബ്ദുല്ല ഖലീഫ അല്‍ സുബൂസി; ഷാര്‍ജ മീഡിയ കൗണ്‍സില്‍ സെക്രട്ടറി ജനറല്‍ ഹസ്സന്‍ യാക്കൂബ് അല്‍ മന്‍സൂരി; തിലാല്‍ പ്രോപ്പര്‍ട്ടീസ് ജനറല്‍ മാനേജര്‍ ഖലീഫ അല്‍ ഷൈബാനി എന്നിവര്‍ ഉദ്ഘാടനത്തില്‍ പങ്കെടുത്തു.
