2.5 ബില്യന്‍ ദിര്‍ഹത്തിന്റെ മിഡ്-ഐലന്‍ഡ് പാര്‍ക്ക് വേ പദ്ധതി: യാത്രാ സമയം 10 മിനിറ്റായി കുറയും
Mon, 05 Oct 2026
സനാ: ഹൂതി വിമതര്‍ക്കെതിരെ ‘ഓപ്പറേഷന്‍ ഡൗണ്‍ ഓഫ് യമന്‍’ എന്ന പേരില്‍ വന്‍ സൈനിക ആക്രമണം നടത്തി സൗദി അറേബ്യയുടെ നേതൃത്വത്തിലുള്ള സഖ്യസേന. 100 പോര്‍വിമാനങ്ങള്‍ അണിനിരന്ന വ്യോമാക്രമണത്തില്‍ ഹൂതികളുടെ തന്ത്രപ്രധാനമായ 324 കേന്ദ്രങ്ങള്‍ തകര്‍ത്തതായി സഖ്യസേന വക്താവ് മേജര്‍ ജനറല്‍ തുര്‍ക്കി അല്‍ മാലിക്കി അറിയിച്ചു.
സൗദി സഖ്യസേനയുടെ വ്യോമ പിന്തുണയോടെ യമന്‍ സര്‍ക്കാറിന്റെ ഔദ്യോഗിക സൈനിക വ്യൂഹം ചെങ്കടലിലെ തന്ത്രപ്രധാന ജലപാതയായ ബാബ് അല്‍-മന്ദബ് മേഖലയില്‍ വന്‍ മുന്നേറ്റം നടത്തുകയും ഇവിടം ഹൂതികളില്‍ നിന്ന് തിരിച്ചുപിടിക്കുകയും ചെയ്തു. സുരക്ഷാ പ്രാധാന്യമുള്ള ദുബാബ് ജില്ലയുടെ ഭൂരിഭാഗം പ്രദേശങ്ങളും ഹൂതികളില്‍ നിന്ന് യമന്‍ സൈന്യം തിരിച്ചുപിടിച്ചു.
വന്‍തോതിലുള്ള വ്യോമാക്രമണത്തിലൂടെ ഹൂതികളുടെ റഡാര്‍ സംവിധാനങ്ങള്‍, മിസൈല്‍ ലോഞ്ചറുകള്‍, ആയുധശേഖരങ്ങള്‍ എന്നിവയുള്‍പ്പെടെയുള്ള കേന്ദ്രങ്ങളാണ് തകര്‍ത്തത്. ചെങ്കടലിലൂടെയുള്ള അന്താരാഷ്ട്ര കപ്പല്‍ ഗതാഗതം സുരക്ഷിതമാക്കുന്നതിനായി ബാബ് അല്‍-മന്ദബിന് മുകളില്‍ സഖ്യസേന വ്യോമ സംരക്ഷണം ഏര്‍പ്പെടുത്തിയിട്ടുണ്ട്. ഹൂതികള്‍ ചെങ്കടലില്‍ നടത്തിവന്ന കപ്പല്‍ ആക്രമണങ്ങളും തടസ്സങ്ങളും പൂര്‍ണ്ണമായി അവസാനിപ്പിക്കാനും യമനില്‍ നിയമാനുസൃത സര്‍ക്കാറിന്റെ ഭരണം പുനഃസ്ഥാപിക്കാനുമാണ് വ്യോമ-കര സൈനിക നീക്കം വഴി ലക്ഷ്യമിടുന്നത്.
